ეკვადორის ციხეში მომხდარი დაპირისპირების შედეგად სულ მცირე 68 პატიმარი დაიღუპა
სულ მცირე 68 პატიმარი დაიღუპა და 25 დაშავდა ეკვადორის ქალაქ გუაიკილის ციხეში ღამით მომხდარი დაპირისპირების შედეგად. ამის შესახებ ინფორმაციას BBC გენერალური პროკურატურის განცხადებაზე დაყრდნობით ავრცელებს.
გავრცელებული ინფორმაციით, ქალაქ გუაკილის ლიტორალის პენიტენციურ დაწესებულებაში არეულობა პარასკევს საღამოს დაიწყო. პოლიციის ტაქტიკურმა ქვედანაყოფებმა, რომლებიც ციხის შენობებში შევიდნენ, თოფები, ასაფეთქებელი ნივთიერებები და სხვადასხვა ცივი იარაღი ამოიღეს.
Twitter-ზე გამოქვეყნებულ მოკლე განცხადებაში პრეზიდენტმა გილერმო ლასომ მიუსამძიმრა "ოჯახებს, რომლებმაც დაკარგეს საყვარელი ადამიანები“ და აღნიშნა, რომ საჭიროა ახალი ზომების მიღება "მაფიებთან საბრძოლველად, რომლებიც სარგებელს იღებენ ქაოსისგან“.
პრეზიდენტის თქმით, მისი მთავრობა აღადგენს კონტროლს არა მხოლოდ ციხეებზე, არამედ ეკვადორის იმ რაიონებზეც, სადაც ნარკომოვაჭრეებმა ფეხი მოიკიდეს. ბოლო ინციდენტის დროს გუაკილის ციხეში, გუაიასის პროვინციაში, ასევე 25 ადამიანი დაშავდა, რასაც მალევე მოჰყვა მცირე შეიარაღებული შეტაკება ამ თვის დასაწყისში, რომლის დროსაც სამი პატიმარი მოკლეს. ქვეყნის მასშტაბით წელს სასჯელაღსრულების დაწესებულებებში მომხდარი დაპირისპირების შედეგად 300-მდე პატიმარია გარდაცვლილი.