"ირინა ენუქიძე რომ ახლა ცოცხალი ყოფილიყო, ის იდგებოდა გიული ალასანიას გვერდით" - მაია ასათიანი

ტელეწამყვანი მაია ასათიანი მიხეილ სააკაშვილის განვითარებულ მოვლენებს ეხმაურება და ხელისუფლების ქმედებებს აკრიტიკებს.

როგორც ის ამბობს, კადრები, რომელიც გავრცელდა მძიმე სანახავია და ახლა რომ ირინა ენუქიძე ცოცხალი იყო, ასეთ სიტუაციაში გიული ალასანიას გვერდით დაუდგებოდა.

"ეს ყველაფერი დიდი ხანია გასცდა პოლიტიკას. ახლა საკითხი დგას ასე - ვართ ველური ტომი, რომელიც მესამე პრეზიდენტის სისხლს ითხოვს, თუ ვართ ადამიანები? მოვდიოდი ახლა თქვენთან და მახსენდებოდა ირინა ენუქიძე. ეს იყო დიდი ადამიანი. ირინა ენუქიძე რომ ახლა ცოცხალი ყოფილიყო, ის იდგებოდა გიული ალასანიას გვერდით. მე ამის მჯერა, რადგან კბილი კბილის წილ ჩვენ გვაქცევს ველურ ტომად. ეს მინდა ვუთხრა ქალებს, რომლებიც შურისძიების ძახილით არიან გარეთ გამოსულები - რით განსხვავდებით თქვენი შვილის მკვლელებისგან?

იმ ხალხს მინდა მივმართო, ვინც სახლში ზის და სეირს უყურებს - ასე შეხედეთ, ქალს შვილს უკლავენ, რა კადრები ვნახეთ ჩვენ. 9 აპრილი გამახსენდა, როდესაც მოშიმშილე სტუდენტებზე საბჭოთა მთავრობამ ზუსტად ასეთი განცხადებები გაავრცელა, რომ ისინი იქ კი არ შიმშილობდნენ, იკვებებიან და ზეიმებს მართავენო. იგივე, რუსული სცენარია.

ვისაც უნახავს მიხეილ სააკაშვილი სიცოცხლეში ის არის ძალიან აქტიური ადამიანი - ახლა ის არის ძალიან გამხდარი და დაუძლურებული. ის იყო საშინელი კადრები, თუ როგორ ალაგებს პოლიეთილენის პარკებში ტანსაცმელს, წარმოიდგინეთ... ჩვენ დავბრუნდით 90-იან წლებში. 2 დღის წინ ხელისუფლება აშკარა პროვოკაციას ამზადებდა, რადგან მიტინგამდე ერთი საათით ადრე პრეზიდენტის ჩუმად მოტაცება იყო მაპროვოცირებელი" - აღნიშნა ასათიანმა.