სამართალდამცავებმა ჯანდაცვის სამინისტროს წინ ე.წ. ცოცხალი ჯაჭვი გააკეთეს - პროტესტანტებსა და პოლიციას შორის დაპირისპირება გრძელდება
ჯანდაცვის სამინისტროსთან, სადაც "ნაციონალური მოძრაობის" მიერ ორგანიზებული აქცია მიმდინარეობს, დამატებითი საპოლიციო ძალები მიიყვნეს. კერძოდ, მას შემდეგ, რაც ადგილზე ვითარება რამდენჯერმე დაიძაბა, სამართალდამცველები და აქციის მონაწილეები ერთმანეთს დაუპირისპირდნენ, სამართალდამცავებმა შენობის წინ ე.წ. ცოცხალი ჯაჭვი გააკეთეს.
აქციის მონაწილეები აღნიშნავენ, რომ სამართალსამცველები პროვოკაციას აწყობენ. გზის სავალი ნაწილის გადაკეტვის შესაძლებლობას არ აძლევენ. მათივე თქმით, პოლიციელებს სურთ აქცია დაშალონ და აქტივისტები დააკავონ. ამ დროისთვის, ჯანდაცვის სამინისტროსთან მიმდინარე აქციაზე რამდენიმე პირია დაკავებული, შეუძლოდ გახდა ერთი პირი. ადგილზე რჩება სასწრაფო სამედიცინო დახმარების ბრიგადა.