"მამა დაესწრო მშობიარობას" - ალექსანდრა პაიჭაძესა და დავით კოდუას ქალიშვილი შეეძინათ, რა დაარქვეს პატარას?

"ვიქტორია კოდუაც დაგვემატა სიყვარულში...“ - წერს ალექსანდრა პაიჭაძე სოციალურ ქსელში. მოდელმა და ტელეწამყვანმა ორი საათის წინ გაგუას კლინიკაში იმშობიარა. მას და დავით კოდუას გოგონა შეეძინათ.

როგორ გრძნობს თავს დედა-შვილი, კომენტარისთვის მსახიობ და ტელეწამყვან ნანუკა გულუას დავურეკეთ, რომელიც დღეს თავად გახლავთ იუბილარი.

- ნანუკა, გილოცავთ, დაბადების დღეს, ალექსანდრამ ორიგინალურად მოგილოცათ დაბადების დღე...

- აბა, რა გააკეთა, აგერ ვართ გაგუას კლინიკასთან, ვულოცავთ, ისეთი გოგო გააჩინა, მეტი რომ არ შეიძლება. მთელი გადაცემის გუნდი აქ ვართ, მე, თეონა და სალომე... კარგად ჩაიარა ყველაფერმა, ულამაზესი გოგონა გაჩნდა. გადასარევი სახელი, ვიქტორია დაარქვა. ბარემ, ჩემთვის ესიამოვნებინა და ნანულიც მიეწერა.

გოგონა 3. 300 გრამი დაიბადა, თვალის ჭრილი ალექსანდრასი აქვს, ფეხი აქვს გრძელი, კოჭი ჩემი არ აქვს... მამა დაესწრო მშობიარობას. ჩემი დაბადების დღე ზეიმით დაიწყო. მოვედით სამშობიაროში და შამპანიურები დავლიეთ.

ალექსანდრა პაიჭაძისა და დავით კოდუას რომანის შესახებ საზოგადოებამ ცოტა ხნის წინ გაიგო. მანამდე ტელეწამყვანმა პირველად AMBEBI.GE-სთან განაცხადა, რომ ასაკით უფროს, ცნობილ მამაკაცზე იყო შეყვარებული. მოგვიანებით კი საკუთარი ორსულობის შესახებ გადაცემა "ქალებში“ ისაუბრა, რომლის ერთ-ერთი თანაწამყვანი თავად გახლავთ.