მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"აქციებს რომ შედეგი არ მოაქვს, ამას დიდი ხანია ვხედავთ... დაიღალა ხალხი" - თორნიკე შარაშენიძე
12:43 / 01-11-2021
პოლიტიკის ექსპერტის, თორნიკე შარაშენიძის შეფასებით, მხოლოდ აქციების გამართვა არჩევნების შედეგებით უკმაყოფილო ოპოზიციისთვის შედეგს ვერ გამოიღებს.
როგორც თორნიკე შარაშენიძემ "ინტერპრესნიუსთან“ განაცხადა, ოპოზიციამ აქციების გამართვის პარალელურად, დასავლეთთანაც უნდა იმუშაოს. ამ ბრძოლის გაგრძელების კიდევ ერთი ფაქტორი კი, მიხეილ სააკაშვილზეა დამოკიდებული, ციხეში რამდენ ხანს გაძლებს.
"აქციებს რომ შედეგი არ მოაქვს, ამას დიდი ხანია ვხედავთ. ალბათ, გეგმავენ აქციების პარალელურად დასავლეთთან მუშაობასაც და აქციები მხოლოდ ერთ-ერთი კომპონენტია. მარტო აქციების გამართვა რომ შედეგს არ მოიტანს, ჩვენ ეს ვნახეთ. დავუშვათ, ისევ იმდენივე ადამიანი შეკრიბოს, როგორც რამდენიმე დღის წინ თბილისში, მერე დაიშალნენ და ამას რეალურად არანაირი შედეგი არ მოჰყვა, სამაგიეროდ, დაიხარჯა ბევრი ფული. კიდევ რომ დაუძახონ ამ ხალხს მოდითო, ხალხი ხომ იფიქრებს რატომ მივიდეთ, როცა მხოლოდ ვიღაცებს ვუსმენთ, ტაშს ვუკრავთ და ვიშლებით?! ეს რეალურად ჩიხური სიტუაციაა. ეს კარგად იციან პოლიტიკურმა ლიდერებმა. გავიდა ის დრო, რომ პარლამენტში ან კანცელარიაში შევარდე. რომც შევარდე, მერე ამას რა მოჰყვება? ეს ხომ არ არის 2003 წელი? შესაბამისად, არიან იქ, სადაც არიან. ისიც მეეჭვება, რომ დასავლეთთან მუშაობის და აქციების გარდა კიდევ რამე გამოსავალი არსებობდეს მათთვის ამ ეტაპზე. სხვა ალბათ, არც არაფერი არსებობს, რომ არსებობდეს, ამას აქამდე გააკეთებდნენ“, - განაცხადა შარაშენიძემ.
მისივე შეფასებით, თუ "ნაციონალურმა მოძრაობამ“ მოახდინა თავისი ამომრჩევლის მობილიზება, ეს მიხეილ სააკაშვილის ფაქტორით გააკეთა.
"თუმცა, როცა ამომრჩევლის 50% სახლში რჩება, მიუხედავად იმისა, რომ სააკაშვილი ციხეში შიმშილობს, ეს ნიშნავს იმას, რომ "ნაციონალურმა მოძრაობამ“ ვერ მოახერხა ვერანაირად ნეიტრალური ამომრჩევლის მიმხრობა. "ლელოს“ და სხვა პარტიების ამომრჩეველიც რომ მიიმხროს, მას მაინც არ შეუძლია "ქართული ოცნების“ დამარცხება. 2012 წელს არჩევნების გზით ხელისუფლება შეიცვალა იმის გამო, რომ დიდი რაოდენობით ამომრჩეველი მივიდა არჩევნებზე. შესაბამისად, თუ "ნაციონალურ მოძრაობას“ არჩევნების გზით სურს "ოცნების“ დამარცხება, უნდა მიიმხროს ნეიტრალური ამომრჩეველი და მიიყვანოს არჩევნებზე. თუ ასე გააგრძელა, ვერც მოიგებს ნეიტრალური ამომრჩევლის გულს, რადგან მათ ან დასცინიან, ან აბულინგებენ, ან მორალს უკითხავენ“, - განაცხადა შარაშენიძემ.
ექსპერტის შეფასებით, 2024 წლამდე ვადამდელი არჩევნების დანიშვნა დამოკიდებულია "ქართული ოცნების“ ქცევაზე.
"ოცნებას“ იმდენი შეცდომა და სკანდალი მოსდის, 2024 წლამდე რამდენად მიაღწევს, მე ამაში დარწმუნებული არ ვარ. "ოცნების“ მთავარი პრობლემა“ მათივე მმართველობაა და არა იმდენად ოპოზიცია, რომელიც ერთი და იგივე წრეზე ტრიალებს. თუ ოპოზიცია მუდმივად გამოიყვანს ბევრ ხალხს ქუჩაში, დაანახებენ დასავლეთს, რომ ხალხი არ ცნობს ამ არჩევნებს, შეიძლება დასავლეთში რაღაც დაიძრას. როგორც ვხედავთ, დასავლეთმა სააკაშვილის გამო მაინცდამაინც თავი არ გამოიდო და ეს არც იყო გასაკვირი მას შემდეგ, რაც მიშა შეხვდა ევროპარლამენტარებს, კონგრესმენებს და მათი მოწოდების მიუხედავად, რომ საქართველოში არ ჩამოსულიყო, მაინც ჩამოვიდა. ახლა სიტუაცია შეიძლება შემობრუნდეს, თუ ბევრი ხალხი იქნება სულ ქუჩაში, მაგრამ ეს მეეჭვება. ხალხშია ნიჰილიზმია გაჩენილი. დაიღალა ხალხი ქუჩაში გამოყვანით და მერე დაშლით. კიდევ ერთი მნიშვნელოვანი ფაქტორია, მიშა ციხეში კიდევ რამდენ ხანს გაძლებს. თუ კიდევ იქნება ვაჟკაცურად, მაშინ კიდევ შეიძლება ბრძოლაზე ფიქრი“, - განაცხადა შარაშენიძემ "ინტერპრესნიუსთან“ საუბრისას.
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აქციის მონაწილე ხალხი გეცოდება? ვერ ატყობ თორნიკე? აქციებზე საღადაოდ და დროს სატარებლად დადიან.
ოპოზიცია თვითმკვლელობით არის დაკავებული. ყოველდღიურად ზაფრავენ საზოგადოებას თავიანთი ბელადის თამადობით. ისევ სიცრუე, თვალთმაქცობა, აგრესია, უზრდელობა, უსამართლობა... ყველაფერი ის რის გამოც 2012 წელს აივსო ქართველი ხალხის მოთმინების ფიალა და საბოლოო და მტკიცე უარი უთხრა ამ ყველაფერს. ესენი კიდევ იმ ასე თუ ისე მოშუშებულ ჭრილობებს ისევ უღიზიანებენ საზოგადოებას. იმის მაგივრად, რომ აცალონ ოცნებას შეცდომების დაშვება და მას მერე ჩაერთონ და თავში ჩაუდგნენ ბრძოლას, რაც საზოგადოებაში მომწიფდება ანტიოცნებისტური განწყობები, თავიანთ თავს და თავიანთ შეცდომებს და მანკიერებებს ახსენებენ საზოგადოებას და ოცნებასთან შედარებაში ყოველთვის აგებენ ყველა მიმართულებით.