მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბინა რომ აჩუქეს, გააქირავა და იმ თანხით არის ამერიკაში" - როგორ ცხოვრობს ცნობილი წყვილის ქალიშვილი, რომელმაც წლების წინ პლასტიკურობით მთელი ქვეყანა მოხიბლა
21:52 / 25-10-2021
ჯერ კიდევ ძალიან პატარა გოგონამ არაერთ ფილმში ითამაშა, რეჟისორმა დათო დოიაშვილმა თავის სპექტაკლებში სცენაზეც დააყენა.13 წლის ასაკში კი საოცარი ცეკვით და პლასტიკურობით შოუს "შენ შეგიძლია ცეკვა" გამარჯვებული გახდა და ბინითაც დაასაჩუქრეს. ხალხის რჩეული და საუკეთესო მოცეკვავე წელს სკოლას აშშ-ში ამთავრებს.
მესამე წელია იქ სწავლობს და ცხოვრობს. ნიტა ლომიძე ცნობილი წყვილის - ტელეწამყვანის, რეჟიორის ნიკა ლომიძისა და ქორეოგრაფ თეა გობეჯიშვილის ქალიშვილია.
შვილის შესახებ ამჯერად მამა, ნიკა ლომიძე გვესაუბრება:
- ნიტამ გადაწვიტა, ამერიკაში ესწავლა. სამი წლის წინ, ერთ-ერთი ჩვენი კომპანიის დახმარებით იქ თავისი მონაცემები, პორტფოლიო გააგზავნა, თითქმის 100%-იანი დაფინანსება მიიღო და სასწავლებლად გაემგზავრა. ცხოვრობს კალიფორნიაში, ლოს-ანჯრლესთან ახლოს, არტ-სკოლაში ცეკვის მიმართულებით უკვე მესამე წელია, სერიოზულ კურსს გადის. სკოლას წელს ამთავრებს და კოლეჯში ჩაბარებას აპირებს, რისთვისაც ძალიან ემზადება. ირჩევს კოლეჯებს და განცხადებებს აგზავნის.
- არასრულწლოვანი შვილის, მშობლების გარეშე ასე შორს გაგზავნა ალბათ ადვილი არ იყო...
- ამ გადაწყვეტილების მიღება ძნელია, მაგრამ მშობლებმა ჩვენი თავი უკან დავწიეთ, წინ ბავშვის მომავალი დავაყენეთ, მოკლედ, შევძელით და გავუშვით. ეს ყველაფერი ძნელი კიდევ იმითაც არის, რომ შორია, მაგრამ ახლა ასეა - ვართ სხვადასხვა კონტინენტზე... სკოლას თავის კამპუსი აქვს, სადაც ცხოვრობს. იქაურობას ყურადღებას აქცევენ, აკონტროლებენ. ნიტას ძალიან მოსწონს იქ ყოფნა. უხარია, რომ კარგ ხალხს შეხვდა. ადამიანებთან ჯანსაღი ურთიერთობა აქვს. ახლა იმასაც აპირებს, რომ საერთოდ, იქ გააგრძელოს ცხოვრება.
- კონკურსი "შენ შეგიძლია ცეკვა" რომ მოიგო, მაშინ მახსოვს მითხრა, - უცხოეთში მინდა, სწავლის გაგრძელებაო... პრინციპში, ეს ოცნება აიხდინა...
- კონკურსში რომ გაიმარჯვა, ბინა ხომ აჩუქეს, ჰოდა, ის ბინა გააქირავა და სწორედ იმ თანხით არის იქ. ბინის ქირის ფული პირდაპირ ერიცხება. მშობლებს ამაშიც მოგვეხმარა.
- ცნობილი მოცეკვავე და ქორეოგრაფი თეა გობეჯიშვილი მისი დედა რომ არ ყოფილიყო, ნიტა ცეკვით ასე თუ დაინტერესდებოდა?
- ალბათ, მაინც ამან განსაზღვრა. თეამ გააცნო ცეკვის შესახებ ყველაფერი, მაგრამ არაფერი დაუძალებია. არც ახლა ეუბნება და აძალებს, როგორც შენ გადაწყვტ, ისე იმოქმედე - გინდა, სამსახიობო აირჩიე, გინდა, ცეკვაო. თუმცა ბოლო დროს ფსიქოლოგიითაც დაინტერესდა და ძალიან გაიტაცებულია. იმასაც ფიქრობს, ფსიქოლოგიას ხომ არ გაყვეს? მოკლედ, ჩამოყალიბდება და თვითონ გადაწყვეტს. ჩვენ ნაკლებად ვერევით.
- ისე, არტისტულიც არის, რამდენიმე ფილმშია გადაღებული და ძალები სცენაზეც მოსინჯა...
- კი, 5 ფილმში აქვს მონაწილეობა მიღებული და ორ სპექტაკლში (ფილმები - "ანოს და ვანოს თავგადასავალი", "ლურჯი ფრინველი", "ცელქი ბავშვები" (ორივე ნაწილი) და "ვისი სული გსურს", სპექატაკლები - "მუსიკის ჰანგები" და "ლურჯი ფრინველი")... მოკლედ, მყარად ჯერ მაინც იმას ამბობს, კოლეჯში სწავლას ცეკვით გავაგრძელებ და მერე თუ მივხვდი, რომ სხვა რამე მინდა, იქით გადავიხრებიო. ვნახოთ.
- მთავარია, რომ ამერიკამ იმედები არ გაუცრუა და ნიტა შთაბეჭდილებებით სავსეა ახლა...
- კი, ასეა. სანამ ამ სკოლაში დაიწყებდა სწავლას, ნიუ-იორკში საზაფხულო სკოლაში ერთი თვე იყო, იქაც გრანტი მოიგო და ჯერ კიდევ მაშინ მიხვდა, რომ ამერიკაში უნდა ცხოვრება. იქ ბავშვებს ერთმანეთთან სხვა დამოკიდებულება აქვთ, ასევე მასწავლებლებს - მოსწავლეებთან. შრომას უფასებენ. ეს მნიშვნელოვანია შემდგომი წინსვლისა და წარმატებისთვის.
- მოკლედ, ნიტას მამა ხარ უკვე და მასზე გიწევს საუბარი, ხომ ხედავ?.. მამა-შვილს როგორი ურთიერთობა გაქვთ. შენს რჩევებს თუ ითვალისწინებს?
- მაქსიმალურად ვცდილობ, ვიყო ჯერ კარგი მეგობარი და მგონი, გამოგვდის. თუ რაიმეს თქმა მინდა, იმაზე კი არ ვკამათობთ, ვმსჯელობთ. რაღაცნაირ დამრიგებლურობას ვცდილობ, ავცდე ხოლმე. მეც ვიყავი ბავშვი და დამრიგებლური ტონი, ყოველთვის იქვე წინააღმდეგობის შეგრძნებას იწვევს.
- ე.ი. ამ ეტაპზე ნიტას უახლოესი გეგმები ის არის, რომ ემზადება კოლეჯისთვის და საქართველოში ჩამოსვლას ჯერ არ აპირებს?
- ასეა. ახლა მხოლოდ მაგაზე ფიქრობს, ემზადება და თან სკოლაში სწავლობს. საქართველოში გარდა საზაფხულო არდადეგებისა, ჩამოსვლას არ გეგმავს. ზოგადად ემოციური ბავშვია. ეს დაძაბული სიტუაცია, რაც ამ ქვეყანაში მუდმივად არის, მასზე ძალიან მოქმედებს. ამიტომ აქეთ ჩამოსვლა სამწუხაროდ ჯერ არ უნდა...
- წარმატებებს ვუსურვებთ მას.
მკითხველის კომენტარები /
26 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნიტა კარგი გოგოა, წარმატებას ვუსურვებ გულწრფელად, მაგრამ, მისი გამარჯვება ცეკვის პროექტში, ბოლონდე მისი დამსახურება არ იყო. ვუყურებდი პროექტს და ვხედავდი ვინ როგორ ცეკვავდა. ასეთი უსამართლობის გამო ტოვებს ქვეყანას ასობით ათასი ქართველი, ნიტას რა უჭირს, ამერიკაშიც უჭერს მხარს მშობლები.
ნიჭიერი გოგონა-ნიტა!წარმატებებს ვუსურვებ