მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
კვირა, მთვარის მეთორმეტე დღე დაიწყება 18:45-ზე, მთვარე მორიელშია – რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. თავი უნდა შეიკავოთ უხეში საკვებისგან, კვერცხისგან, თევზისა და ხორცისგან. მთლიანად გამორიცხეთ ალკოჰოლი და ნიკოტინი. ზედა სასუნთქი გზების, გულის, ფილტვების და ღვიძლის გაწმენდის დღეა. მოუსმინეთ გულს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ალბათ, არავის გქონდათ მოლოდინი, რომ საკუთარ აზრს მოკლებული ადამიანი ვიყავი" - თათია შარანგიას სააკაშვილზე მონოლოგის გამო განმარტების გაკეთება მოუწია
21:33 / 20-10-2021
ტელეწამყვან თათია შარანგიას საქართველოს ექსპრეზიდენტზე წაკითხული მონოლოგის გამო განმარტება მოუწია. საუბარია "სთორიში" მიხეილ სააკაშვილის მშობლების სტუმრობის ეპიზოდზე, სადაც შარანგიამ გადაცემის დასაწყისში ყოფილი პრეზიდენტის მიმართ საქებარი სიტყვები არ დაიშურა.
როგორც გაირკვა აღნიშნული გადაცემის შემდეგ შარანგია სოციალურ ქსელში გააკრიტიკეს, რის შემდეგ ტელეწამყვანმა "ფეისბუქზე" პოსტი დაწერა:
"ჩემო უსაყვარლესო მაყურებლებო, ვფიქრობდი, დამეწერა თუ არა ეს სტატუსი, მაგრამ მე თქვენთან კავშირი არასდროს გამიწყვიტავს და ეს ჩემი არჩევანი იყო, ვთვლიდი რომ ასე სჯობდა. ყველა ადამიანს გააჩნია თავისი სამოქალაქო პოზიცია თუ პოლიტიკური ხედვა, რა თქმა უნდა მეც… და ეს ამ ბოლო გადაცემაში ღიად გამოჩნდა. ალბათ არავის გქონდათ მოლოდინი რომ საკუთარ აზრს ან შეხედულებას მოკლებული ადამიანი ვიყავი ამის მიუხედავად მე არასდროს გახვევთ თავს ჩემს აზრს ჩემს გადაცემაში და მთავარ მოვალეობად მიმაჩნია ჩემი სტუმრები გაგაცნოთ და გაგაცნოთ პოზიტიურ ჭრილში.
მგონი 3 წლიან არქივს რომ გადახედოთ, ვერ იპოვით ვერცერთ სტუმარს რომელშიც ნათელი სხივი არ მიძებნია და ეს სხივი თქვენამდე არ მომიტანია. სწორედ ამიტომ მოგწონდათ და მოგწონთ ეს აგრესიისგან დაცლილი გადაცემა.მადლობა იმ ადამიანებს ვინც პირველივე დღიდან სთორის მაყურებელია, ვინც შემოგვიერთდა და ვინც შემოგვიერთდება. ბევრნი ხართ და თითოეული მიყვარხართ! არ გაბრაზდეთ აგრესიულ ადამიანებზე. სულ ვიქნები თქვენს გვერდით და პირადად გაგცემთ პასუხებს თქვენთვის საინტერესო კითხვებზე. კომუნიკაციის ეს გზა ჩემი არჩევანია" - წერს შარანგია.
რაც შეეხება შარანგიას მონოლოგს, ტელეწამყვანმა გადაცემის დასაწყისში აღნიშნა, რომ ამაყობს მიხეილ სააკაშვილის გაკეთებული საქმეებით.
"მე მინდა მოვიკითხო და გავამხნევო ადამიანი, რომელმაც თავის დროზე მომავლის რწმენა დამიბრუნა. მის მმართველობის დროს მე ვამაყობდი ჩემი ქვეყნის განვითარებით, ვამაყობდი თანამედროვე პოლიციით, იმ რეფორმებით, რომლის შედეგადაც აღმოიფხვრა ბიუროკრატიის უზარმაზარი მანქანა. ვამაყობდი საქართველოს წარმოჩენით მსოფლიო არენაზე და მჯერა, რომ წინ უფრო მეტი წარმატებაა.
არ მკითხოთ, თუ რატომ არ ვყვები შეცდომებზე. შეცდომებს უშვებს ის, ვინც აკეთებს საქმეს. ფაქტები ხმამაღლა საუბრობს - ქვეყანა სწრაფი ტემპით მიდიოდა წინ, საქართველოს მესამე პრეზიდენტი დღეს პატიმრობაშია" - აღნიშნა მონოლოგში შარანგიამ.
მკითხველის კომენტარები /
82 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თათია , ბრავო!
არ მიაქციო ყურადღება ამ ადამიანებს დაზეპირებულივით რომ იმეორებენ "სისხლიანი ცხრა წელიწადი, სისხლიანი ცხრა წელიწადიო" და ამ დროს თვითო ცხრა თვის ბავშვის მკვლელობით ხელისუფლებაში მოსულ ძალას აძლევენ ხმას. სხვა დანარჩენ ამათ მიერ მოკლულებზე აღარ ვლაპარაკობ. ესეც კმარა. არ მიაქციო ყურადღება იმიტომ, რომ ამათ შიში ალაპარაკებთ, შიში იმის, რომ უსინდისო ტენდერებით ფულს ვეღარ იშოვიან, რომ ატკატების და ბიუჯეტის ფულის შეჭმის შანსს დაკარგავენ. კი, არის მეორე კატეგორიაც ქოცების, ისინი ვინც ვერც ფულს შოულობენ ამათ ხელში და ვერც ვერაფერს ხეირობენ, მაგრამ მაინც ეზიზღებათ მიშა მათი კომპლექსების გამო. (ძირითადად შუახნის ვერშემდგარი ტიპები - "მას მარტო ნიჭიერები ევასება და წარმატებულები და აბა ჩვეენ?") ხოდა წერონ და იკითხონ. ადრე თუ გვიან ხელისუფლება მაინც შეიცვლება და ისევ მიშა ერჩივნოთ ქოცებს, ის უფრო ლმობიერი იქნება, ვიდრე სხვა, ახალი და ძალიან გამწარებული ძალა, რომელიც აუცილებლად გამოჩნდება, რადგან ამათ მიმართ ისეთი ზიზღია უკვე დაგროვილი, რომ რაოდენობა ხარისხში გადავა აუცილებლად. არ დაბლოკოთ.
თათია, უსაყვარლესი გოგო ხარ, ნიჭიერი, კეთილშობილი! ყოველთვის მიყვარდი!