მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბავშვი მოტყუებით წაიყვანა და მითხრა, რომ ვეღარ ვნახავდი" - ვინ არის თბილისში მოკლული ახალგაზრდა ქალი და რაში ადანაშაულებდა ბათუმის ყოფილ ვიცე-მერს?
12:57 / 18-10-2021
გუშინ, გვიან ღამით თბილისში, გაზაფხულის ქუჩაზე მკვლელობა მოხდა - ახალგაზრდა ქალს ცეცხლსასროლი იარაღიდან ესროლეს. ადგილზე მთელი ღამის განმავლობაში მუშაობდნენ კრიმინალისტები. შინაგან საქმეთა სამინისტროს მომხდარზე გამოძიება 108-ე, განზრახ მკვლელობის მუხლით აქვს დაწყებული. მკვლელობის მოტივი ჯერჯერობით უცნობია, რადგან სამართალდამცველებს დამნაშავე არ ჰყავთ დაკავებული. მისი დადგენის მიზნით საგამოძიებო მოქმედებები მიმდინარეობს.
გარდაცვლილი ქალი გაზაფხულის ქუჩაზე ქირით ცხოვრობდა. ის ანასტასია შატალოვაა, რომელიც რამდენიმე თვის წინ, ბათუმში ერთ-ერთ მაღალჩინოსანს უჩიოდა იმის გამო, რომ მამაკაცი მას წლების განმავლობაში საერთო შვილის ნახვას უკრძალავდა.
სავარაუდოდ, სწორედ აღნიშნულ მკვლელობას უკავშირდება ბათუმის ყოფილი ვიცე-მერის, ზურაბ ბერიძის საცხოვრებელ სახლში საგამოძიებო მოქმედებები, რომელიც სამართალდამცველებმა ცოტა ხნის წინ დაიწყეს.
ანასტასია შატალოვა მისი და ზურაბ ბერიძის ურთიერთობისა და კონფლიქტის შესახებ დაახლოებით ერთი წლის წინ "ნანუკას შოუში" საუბრობდა. მისი თქმით, ბათუმის ყოფილი ვიცე-მერი თვეების განმავლობაში მასთან ერთად ცხოვრობდა. ასევე აღნიშნავს, რომ თავდაპირველად არ იცოდა, რომ ბერიძეს სხვა ოჯახი ჰყავდა და როდესაც ეს ინფორმაცია შეიტყო, კონფლიქტი სწორედ ამ თემაზე დაიწყო.
როგორც შატალოვა ჰყვებოდა, ბავშვის გაჩენის შემდეგ, ბერიძემ მისი დაშინება დაიწყო, თუმცა შემდეგ მოვლენები ისე განვითარდა, რომ ურთიერთობა დაალაგეს და დაქორწინებას აპირებდნენ.
"ის ოფიციალურად გაშორდა თავის მეუღლეს და უნდა გვქონოდა ქორწილი 3 ივლისს. ამ დროს მეორე ბავშვზე ვიყავი ფეხმძიმედ და ვაპატიე. თუმცა ნერვიულობაზე მეორე ნაყოფი დავკარგე. ძალიან ცუდად ვიყავი.
ეს იყო ბოლო წვეთი, ზუსტად არ ვიცოდი, შედგებოდა თუ არა ქორწილი. პერიოდულად სულ ვჩხუბობდით, ვერ ვუძლებდი მის ეჭვიანობას და თვალთვალს. მან მითხრა, რომ ყველა ხერხს გამოიყენებდა, რომ მისგან არ წავსულიყავი. მან ბავშვი მოტყუებით წაიყვანა ჩემგან, მითხრა, შვილებს უნდა გავაცნოო.
ის ამბობს, რომ ბავშვი ჩემი არ არის და ვერ ვნახავდი მას, უნდა დავამტკიცო, რომ ჩემი შვილია. მიზეზად ამბობს, რომ უღირსი დედა ვარ. არსებობენ მოწმეები, რომ ის იარაღითაც კი მემუქრებოდა. მისგან მუდმივად ვგრძნობ საფრთხეს. ის ამბობს, რომ ცუდი დედა ვარ და მე დავტოვე ბავშვი", - ჰყვებოდა შატალოვა.
ცნობისთვის, ზურაბ ბერიძე ბათუმის ვიცე-მერის თანამდებობას 2014-2015 წლებში იკავებდა.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სასტიკად უნდა დაისაჯოს
ეგეთ ხალხს მაღალ თანამდებობებზე რატო ნიშნავთ!!! ვინც მაგას გაუწია რეკომენდსცია თავის დროზე და დაკრიშა ისაა ყურებით დასაკიდი! დაილია წესიერი ხალხი ქვეყანაში?!!!!