"ამდენი წლის მერე ისევ ერთად ვართ და ერთ ჭერქვეშ ვცხოვრობთ" - სტეფანე მღებრიშვილი მაია დარსმელიძესთან ურთიერთობაზე პირველად საუბრობს
"ამდენი წლის მერე მე და მაია ერთად ვართ და ძალიან კარგად ვცხოვრობთ", - ამის შესახებ "The Talk შოუს" წამყვანმა, მომღერალმა სტეფანე მღებრიშვილმა საკუთარ ოჯახზე საუბრისას განაცხადა. მომღერლის თქმით, მან და მისმა ყოფილმა მეუღლემ, მაია დარსმელიძემ მეგობრული თანაცხოვრება შვილის გამო გადაწყვიტეს. გადაცემის მსვლელობისას მუსიკოსმა ხაზი გაუსვა, რომ პირადი ცხოვრების დეტალებზე პირველად საუბრობს.
"იყო ასეთი სიტუაცია, როდესაც მე და მაიამ ამოვწურეთ ერთმანეთი, ვგრუზავდით ერთმანეთს, არანაირი ღალატი, არაფერი არ ყოფილა ჩვენს შორის და გადავწყვიტეთ რაღაც პერიოდი ცალ-ცალკე ვყოფილიყავით. მერე ამან იმოქმედა ბავშვზე, ბავშვი იყო 5 წლის... მე ძალიან სენსიტიური ვარ და ყოველთვის მირჩევნია დროული პრევენცია, რომ არ მივიდეს სიტუაცია ჩიხამდე...
რომ ამოვჭამეთ ერთმანეთი, ერთი სიტყვით, გადავწყვიტეთ, რომ დავშლილიყავით. მეც ძალიან დიდი სახლი მაქვს და მაიასაც დიდი სახლი აქვს... მერე რომ მივხვდით, რომ ბავშვი ჩემზეც იყო მიჯაჭვული და ეს უფრო დაუნგრევდა ფსიქიკას... იმის გამო, რომ დიდი სახლი იყო, სამ სართულიანი, გადავწყვიტეთ, რომ ერთად გვეცხოვრა. ჩვენ ძალიან კარგი მეგობრებიც ვიყავით...
ფაქტია, რომ გავიდა ბევრი წელი და ეს შევძელით - ერთ ჭერქვეშ ვცხოვრობთ, როგორც მშობლები.
ბავშვი არ იმჩნევდა ამას... ყველას ინტერესებდა როგორ ვიყავით, რას ვაკეთებდით... უბრალოდ ამაზე არ ვსაუბრობთ, იმიტომ რომ ხვალ არ ვიცით რა იქნება, დღეს შემიძლია ვთქვა, რომ ერთად ვართ ამდენი წლის მერე და ძაან კარგად ვცხოვრობთ".
