კომპანია კერხერმა წმინდა გიორგის ძეგლის ქვეშ არსებული შადრევანი მორეცხა

ბევრმა თუ იცის, რომ დედაქალაქის მთავარ მოედანს დაახლოებით ორსაუკუნოვანი ისტორია აქვს. დროთა განმავალობაში, თავისუფლების მოედანი ქალაქის ერთ-ერთი ყველაზე ხალხმრავალი, პოპულარული და ისტორიული პროცესების ერთგვარი მემეტიანე ადგილი გახდა. არც თუ შორეულ წარსულში, ის ქალაქის გალავნის გარეთ მოქცეულ უკაცრიელ ადგილს წარმოადგენდა და მას „გარეთუბანს“ ეძახდნენ. მოედნის განაშენიანება ძირითადად XIX ს-ში მოხდა, თუმცა ისტორიკოსების ცნობით, გვიან შუასაუკუნეებში აქ ლევან მეფის დიდი ქარვასლა მდებარეობდა, რომელიც 1724 წლის თურქების შემოსევისას განადგურდა. XIX ს-ის შუა წლებამდე, მოედანზე მდებარეობდა თბილისის საოპერო თეატრის შენობა, რომელიც 1874 წელს დაიწვა და მოედნის საფარის ქვეშ დაკონსერვებულია მისი სარდაფები. თავისუფლების მოედნის არქიტექტურული ანსამბლი სხვადასხვა პერიოდის ნაგებობებისგან შედგება. მათ შორის არის კლასიცისტური სტილის კავკასიური არმიის შტაბის შენობა. მის მოპირდაპირე მხარეს რამდენიმე XIX ს-ის საცხოვრებელი სახლია შემორჩენილი. ერთ-ერთ მათგანში 1829 წელს სტუმრობდა ალექსანდრე პუშკინი, რომლის სახელსაც ატარებს მცირე სკვერი მოედნის განაპირას. ამავე მხარესაა განლაგებული საქართველოს სახელმწიფო ხელოვნების მუზეუმი, ყოფილი სასულიერო სემინარია. XX საუკუნის 30-იანი წლებიდან, საბჭოთა ხელისუფლებამ მოედნის ძირეული რეკონსტრუქცია დაიწყო. მოედნის ცენტრში ქარვასლის შენობა დაინგრა და მის ნაცვლად 1956 წელს საბჭოეთის ბელადის ვ.ი. ლენინის მონუმენტი დაიდგა, რის შემდეგაც მოედანს ლენინის სახელი ეწოდა. მოედნის ინტენსიური განაშენიანება XIX საუკუნის პირველ მეოთხედში დაიწყო.

1991 წელს, საქართველოს დამოუკიდებლობის აღდგენის შემდგომ, ლენინის ძეგლი ჩამოაგდეს და დედაქალაქის ცენტრალურ მოედანს თავისუფლების მოედანი ეწოდა. ძეგლის აღების შემდეგ, მოედანზე შადრევანი გაკეთდა, 2006 წლის 26 ნოემბერს კი წმინდა გიორგის ბრინჯაოს მონუმენტი აღიმართა, რომლის ავტორიც მხატვარი და მოქანდაკე ზურაბ წერეთელია. აღნიშნული სკულპტურა მოქანდაკემ ქალაქს საჩუქრად გადასცა (მონუმენტის სიმაღლე 5,6 მეტრია, 27 ტონას იწონის, ხოლო მის მოოქროვებაზე 2 კ.გ. ოქრო დაიხარჯა).

22 სექტემბერს, კომპანია „კერხერმა“, რომლის ინიციატივითაც წელიწადში რამდენჯერმე ირეცხება სათანადოდ შერჩეული კულტურული მემკვიდრეობის ძეგლები, საკუთარი ძალებითა და შპს. „ეკოსერვისისა“ და „თბილსერვისის“ მხარდაჭერით, თავისუფლების მოედანზე წმინდა გიორგის მონუმენტის ქვეშ არსებული შადრევანი გარეცხა.

როგორც კომპანიის წარმომადგენლები ამბობენ, მათთვის ღირებული და მნიშვნელოვანია თბილისის ცენტრალური მოედანი, ადგილი, რომელსაც დაახლოებით ორსაუკუნოვანი ისტორია აქვს და რომელიც მუდმივად ერისთვის მნიშვნელოვანი მოვლენების ეპიცენტრშია. ვინაიდან აღნიშნული უბანი და მონუმენტი ადგილობრივების გარდა ტურისტების ინტერესის სფეროსაც წარმოადგენს, ღირსშესანიშნავი ადგილის ესთეტიკურობაზე ზრუნვა კომპანიისთვის ერთობ საპასუხისმგებლო მისია გახლავთ.

ძეგლების წმენდის პროექტებს მსოფლიო მასშტაბით 1980 წლიდან ჩაეყარა საფუძველი და ჩამოყალიბდა როგორც „კერხერის“ კორპორატიულ-სოციალური პასუხისმგებლობა (CSR) მსოფლიო მემკვიდრეობის წინაშე. სპეციალურად აღჭურვილი პროფესიონალთა გუნდის მიერ, მსოფლიოს მასშტაბით არა ერთი ცნობილი არქიტექტურულ-კულტურული ძეგლი გაიწმინდა. მაგალითად, შეერთებულ შტატებში, რაშმორის მთაზე – პრეზიდენტების მონუმენტები, ბრაზილიაში – იესო ქრისტეს ქანდაკება, ინგლისში – ლონდონის თვალი, ვატიკანში – წმინდა პეტრეს ტაძრის კოლონადა, ნიუ-იორკში – თავისუფლების ქანდაკება და სხვა.

არახალია, რომ ძეგლთა რეცხვის ტექნოლოგია ურთულესია და მნიშვლეოვანი. კომპანია „კერხერს“ აქვს სპეციალური აპარატები, რომლებიც დასუფთავების მხრივ საუკეთესოა მსოფლიოში და მას სამუშაოების სრულფაოვნად შესრულებაში ეხმარება.. სწორედ ამ აპარატურის მეშვეობით ხერხდება ძეგლების პირვანდელი სახის აღდგენა და შენარჩუნება. “კერხერის” პროექტები უმნიშვნელოვანესია ძეგლების შენარჩუნებისა და შთამომავლებისთვის გადაცემის თვალსაზრისით. საქართველოში „კერხერს“ დღემდე, კორპორატიულ-სოციალური პასუხისმგებლობის ფარგლებში, 10-მდე პროექტი აქვს განხორციელებული თბილისსა და ბათუმში. ამ პროექტების ჩამონათვალი ასე გამოიყურება:

2017 წლის სექტემბერში გაირეცხა ილია და აკაკის ძეგლი (თბილისის კლასიკურ გიმნაზიასთან);

2017 წლის ოქტომბერში გაირეცხა ვაჟა-ფშაველას ძეგლი;

2017 წლის ნოემბერში მოირეცხა ნიკოლოზ ბარათაშვილის მიწისქვეშა გადასასვლელი;

2019 წლის 26 მაისს მოირეცხა ოპერის წინ არსებული მიწისქვეშა გადასასვლელი;

2019 წელს ბათუმში გაირეცხა ილია ჭავჭავაძის ძეგლი და იუსტიციის სახლის მიმდებარე შადრევანი.

2021 წლის 26 მაისს, გაირეცხა მიწისქვეშა გადასასვლელი ვაკეში;

2021 წელს კი კომპანიამ თავისუფლების მოედანზე წმინდა გიორგის მონუმენტის ქვეშ არსებული შადრევანი გარეცხა.

ამასთან, აღსანიშნავია, რომ კომპანია „კერხერი“ უკვე მესამე წელია, რაც მსოფლიო დასუფთავების დღეშიც მონაწილეობს. ამა წლის 18 სექტემბერს, მსოფლიო დასუფთავების დღეს, კომპანია „კერხერის“ გუნდმა მოხალისეებთან ერთად, დასასუფთავებლად შეარჩია მცხეთის გზატკეცილზე, ლერმონტოვის ძეგლის მიმდებარე ტერიტორია, ხოლო ბათუმში - სანაპირო ზოლი.

საუკუნეზე მეტი მსოფლიო ბაზარზე

გერმანული ბრენდი „კერხერი“ (Kärcher ) 100 წელზე მეტია, რაც მსოფლიო ბაზარზე არსებობს და მსოფლიო ლიდერია დასუფთავების ტექნიკის წარმოებაში. კომპანია

აწარმოებს როგორც საყოფაცხოვრებო, ასევე პროფესიონალური დანიშნულების დასუფთავების აპარატებს. .კომპანიის ოფიციალური წარმომადგენლობა 2016 წლიდან შემოვიდა საქართველოში და აქვს 3 მაღაზია: თბილისი: დიღომი, აკაკი ბელიაშვილის #167, საბურთალო - ვაჟა-ფშაველას #4 . ბათუმი - ლუკა ასათანის #51. კომპანიას ასევე აქვს ოფიციალური ონლაინ მაღაზიაც www.karchershop.ge

R