"ცხოვრებაა, ხდება ხოლმე" - მაია ასათიანი "TV პირველის" დატოვების მიზეზს განმარტავს
მაია ასათიანმა ტელეკომპანია "TV პირველი" დატოვა.
"ვადასტურებ, რომ "ტვ პირველი" მე და ჩემმა გუნდმა დავტოვეთ. ასეთი იყო "პროფილის" გუნდის ერთობლივი გადაწყვეტილება! უდიდესი მადლობა "ტვ პირველის" გუნდს გულთბილი დახვედრისთვის და ღირსეული მასპინძლობისთვის, ეს არასოდეს დამავიწყდება.
"ტვ პირველში" ჩემი მეგობრები და თანამოაზრეები მუშაობენ და ყოველთვის ვიქნები ამ ტელევიზიის მხურვალე გულშემატკივარი. უდიდესი წარმატება მათ. სამწუხაროდ ჩვენი გზები გაიყარა. ცხოვრებაა, ხდება ხოლმე..." - აცხადებს მაია ასათიანი.