მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სისხლი, რომელიც დავით სარალიძის მკვლელობაში ბრალდებულ გიორგი მენაბდის მაისურსა და შარვალზე იყო, თავად მენაბდეს ეკუთვნოდა" - ადვოკატი
12:58 / 29-09-2021
დავით სარალიძის განზრახ, ჯგუფურად მკვლელობაში ბრალდებულ გიორგი მენაბდის ადვოკატის დავით დადიანის განცხადებით, სისხლი, რომელიც ბრალდებულის მაისურსა და შარვალზე იყო, თავად მენაბდეს ეკუთვნოდა.
როგორც დავით დადიანი განმარტავს, გიორგი მენაბდე ზურგის არეში იყო დაჭრილი, რის გამოც მისი ტანსაცმელი სისხლიანი იყო.
"მოწმეები ადასტურებენ, რომ გიორგი მენაბდეს ზურგზე დაზიანება ჰქონდა. აქედან გამომდინარე, სისხლი ჩამოდენილი იყო ზურგიდან ქვევით, რის გამოც, დასვრილი იყო, როგორც მაისური, ასევე შარვალი. ეს იყო გიორგი მენაბდის სისხლი. ექსპერტიზის დასკვნებით რა სისხლია და საიდანაა ამოღებული, ეს ცალკე საკითხია. როგორც დღევანდელი გამოკითხვიდან ჩანს, სისხლი, რომელიც მაისურსა და შარვალზე იყო, გიორგი მენაბდეს ეკუთვნოდა. ექსპერტიზა ჯერ არ გამოგვიკვლევია, მოვა ექსპერტი და ამის შემდეგ გახდება მათი აზრი ცნობილი, შესაბამისად, ამ მტკიცებულებებს შემდეგ შევაჯამებთ. ეს მაისური გამოძიებაში თვითონ გიორგი მენაბდემ წარადგინა, გარეცხილი, მაგრამ გარეცხილზეც შეიძლება ამოიღო სისხლის კვალი, ეს პრობლემას არ წარმოადგენს",- განაცხადა დადიანმა.
- შეგახსენებთ, რომ პროკურორ მირიან მეგრელიშვილის განცხადებით, სასამართლოში დღეს დაკითხულმა მოწმემ დაადასტურა, რომ მასთან სახლში მისულ გიორგი მენაბდეს ტანსაცმელი სისხლიანი ჰქონდა და ერთად გარეცხეს.
"დაკითხული სამი მოწმე არიან ის პირები, რომლებიც გიორგი მენაბდეს 2017 წლის პირველ დეკემბერს, საღამოს საათებში შეხვდნენ, ანუ მას შემდეგ, რაც ის ხორავას ქუჩიდან გამოვიდა და მეგობართან სახლში დაბრუნდა. მოწმეებმა დაადასტურეს ინფორმაცია, რომ გიორგი მენაბდემ 51-ე სკოლის მოსწავლეებთან ხორავას ქუჩაზე კონფლიქტში მიიღო მონაწილეობა. ერთ-ერთმა მოწმემ დაადასტურა, რომ მასთან მისვლის დროს გიორგი მენაბდეს ტანსაცმელი სისხლიანი ჰქონდა და ის დაეხმარა ამ სისხლიანი ტანსაცმლის გარეცხვაში. ასევე მოწმეებმა დაადასტურეს, რომ გიორგი მენაბდეს ზურგის არეში დაზიანება ჰქონდა მიღებული, რომელიც ხორავას ქუჩაზე მომხდარი კონფლიქტის დროს მიიღო. თუმცა, მოწმეებმა დამატებითი გარემოებები, თუ რა მოხდა, რა ვითარებაში დაიჭრა გიორგი მენაბდე, რა ვითარებაში მიიღეს დაზიანებები დავით სარალიძემ და ლევან დადუნაშვილმა, ამასთან დაკავშირებით მოწმეებმა განმარტეს, რომ ისინი ინფორმაციას არ ფლობენ. ამ მოწმეებს ინფორმაცია თავად ბრალდებულისგან ჰქონდათ, ერთმა მოწმემ კი დაადასტურა ის, რაც თავისი თვალით ნახა, რომ მასთან სახლში მენაბდე სისხლიანი ტანსაცმლით მივიდა და ეს ერთად გარეცხეს“, - განაცხადა მეგრელიშვილმა.
ცნობისთვის, შინაგან საქმეთა სამინისტრომ დავით სარალიძის მკვლელობის ფაქტზე გიორგი მენაბდე 15 აპრილს დააკავა. უწყების ინფორმაციით, მიმდინარე გამოძიების ფარგლებში დადგინდა, რომ დაკავებულმა გიორგი მენაბდემ გიორგი ჯანაშიასთან და მიხეილ კალანდიასთან ერთად, ჯგუფურად, თან ნაქონი ბასრი საგნით, მოკვლის განზრახვით, არასრულწლოვან დავით სარალიძეს დაზიანებები მიაყენა. 2017 წლის პირველ დეკემბერს, ხორავას ქუჩაზე მომხდარი მკვლელობის საქმეზე, რომელსაც ორი მოზარდის, დავით სარალიძისა და ლევან დადუნაშვილის სიცოცხლე ემსხვერპლა, მსჯავრდებულები იყვნენ - გიორგი ჯანაშია, გუგა ბარბაქაძე და მიხეილ კალანდია. აღსანიშნავია, რომ დავით სარალიძის განზრახ ჯგუფურად მკვლელობაში მსჯავრდებულმა გიორგი ჯანაშიამ პენიტენციური დაწესებულება უკვე დატოვა. ის ე.წ. უდოს კომისიამ გაათავისუფლა. მას საპროცესო შეთანხმების საფუძველზე 4 წლით თავისუფლების აღკვეთა ჰქონდა შეფარდებული. რაც შეეხება მიხეილ კალანდიას, მას სამივე ინსტანციის სასამართლოს მიერ პატიმრობა 11 წლითა და 3 თვის ვადით აქვს მისჯილი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კიდევ გავიდეს ერთი ორი წელი და მერე დაწერეთ ბორშის ლაქა იყოო🤷♀️