მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ტოტალურად ყველას უსმენენ... ეს არის დანაშაული სახელმწიფოებრიობის წინაშე" - მეუფე გრიგოლი ფარულ ჩანაწერებზე
16:13 / 19-09-2021
ფოთისა და ხობის მიტროპოლიტი გრიგოლის შეფასებით, ფარული ჩანაწერების გაკეთება სახელმწიფოებრიობის წინაშე ჩადენილი დანაშაულია და ამან შესაძლოა ადამიანებში კიდევ უფრო მეტი უნდობლობა და დაპირისპირება გამოიწვიოს.
მიტროპოლიტის განმარტებით, ადამიანები ნაკლებ ყურადღებას უთმობენ იმ ფაქტს, რომ „ტოტალურად ყველას უსმენენ“.
ამასთან მიტროპოლიტი გრიგოლი იმედს გამოთქვამს, რომ თუ ფარულ ჩანაწერებთან დაკავშირებული ფაქტი „სახელმწიფოსთვის დამაზიანებელი მოქმედების გარეშე გადავიტანეთ, ეს სამომავლოდ ძალიან სერიოზული გაკვეთილი იქნება“.
„მე გასულ საუკუნეში დავიბადე, ეს იყო ტოტალიტარული სისტემა, იქ ვიცოდით, რომ ისმინებოდა ყველაფერი და თავისთავად ცხადია ადამიანები გარკვეულ თემებზე, რომლებიც შესაძლოა მეტნაკლებად ვიღაცის ინტერესის საგანი გამხდარიყო, ჩურჩულებდნენ ხოლმე. სამწუხაროდ, მსგავსი რამ დღესაც შეინიშნება. ადამიანები ნაკლებ ყურადღებას უთმობენ იმ საშინელებას, რომ ზოგადად ტოტალურად ყველას უსმენენ. ყველაზე მძიმე შეფასება არის ის, რომ უნდობლობა იბადება სახელმწიფო ინსტიტუტის მიმართ, რომელიც ძალიან მნიშვნელოვანი ინსტიტუტია. ეს არის დანაშაული სახელმწიფოებრიობის წინაშე, რადგან ამან შეიძლება ადამიანებში კიდევ უფრო მეტი უნდობლობის გაჩენა და მეტი დაპირისპირება გამოიწვიოს, ამან კი რა შეიძლება მოიტანოს დიდი მკითხაობა, არ სჭირდება. მე ეჭვი მეპარება, რომ ჩვენი სახელმწიფოს ჩამონგრევა ვინმე ჩვენგანის ინტერესებში შედიოდეს, მაგრამ ვიცით, რომ არის ასეთი ძალები გარეთაც და შიგნითაც, უშუალოდ ვინ იყო ამით დაინტერესებული და ვინ მოიმოქმედა ეს ძალიან დიდი ბოროტება, ეს ალბათ შესაბამისმა უწყებებმა უნდა გაარკვიონ.
ვისურვებდი, რომ მსგავსი რამ არ ხდებოდეს. მეორე მომენტია უკვე რა მნიშვნელობა აქვს მოსმენას, მოსმენის მიზანი არის თუ ვინმე დანაშაულებრივ ქმედებას ჩადის, ამაზეც კი ჩვენთანაც არსებობს კანონმდებლობა, რომ საჭიროა სასამართლოს ნებართვა და თუ ჩვენი სასამართლო ჩვენს ყველა მოქალაქეს პოტენციურ დამნაშავედ განიხილავს ესე იგი კარგად ყოფილა ჩვენი საქმე. მე იმედი მაქვს, ეს ჩვენთვის სამომავლოდ ძალიან სერიოზული გაკვეთილი იქნება თუ, რა თქმა უნდა, ეს ყველაფერი სახელმწიფოსთვის დამაზიანებელი მოქმედების გარეშე გადავიტანეთ“, - განაცხადა მიტროპოლიტმა.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს კაცი ბოლოს კენჭს იყრის ნაცების სახელით
ახალგაზრდები როგორი ინერტულები არიან ამ ყველაფრის მიმართ. იცი უკანონოდ გისმენენ და ეგუები?! ანუ არა ხარ სუფთა. სხვა რა დასკვნა უნდა გამოვიტანო ამ ყველაფრიდან.