მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნონა გაფრინდაშვილი Netflix-ს "ლაზიერის გამბიტში" მის შესახებ ცრუ ინფორმაციის გავრცელებისთვის უჩივის - რა წერია საჩივარში და რას ითხოვს მოჭადრაკე
09:21 / 17-09-2021
ქართველმა მოჭადრაკემ, ნონა გაფრინდაშვილმა სტრიმინგ კომპანია Netflix-ს უჩივლა. სასამართლო დავა ლოს ანჯელესის ფედერალურ საოლქო სასამართლოში წარიმართება.
დავა ეხება "ნეტფლიქსის" პოპულარულ სერიალს "ლაზიერის გამბიტს", რომლის მილიონობით მაყურებელსაც, როგორც გაფრინდაშვილის საჩივარში წერია, მის შესახებ ყალბი ინფორმაცია მიაწოდეს და მისი რეალური მიღწევები გააუფასურეს.
NBCnews-ის ცნობით, ყოფილი საბჭოთა კავშირიდან ჭადრაკის ოსტატი ჩივის იმის გამო, რომ სერიალში საუბრობენ მის შესახებ და ამბობენ, რომ ის კარიერის განმავლობაში არასდროს დაპირისპირებია კაც მოჭადრაკეებს.
- "რუსეთში არის ნონა გაფრინდაშვილი, ის ქალთა მსოფლიო ჩემპიონია, მაგრამ იგი არასდროს შეხვედრია კაც მოჭადრაკეს“ - ამბობენს სერიალში ნონა გაფრინდაშვილის შესახებ.
საჩივარში აღნიშნულია, რომ 1968 წლისთვის (იმ დროისთვის, როცა სერიალში ხდება მოქმედება) მას სულ მცირე, 59 მოჭადრაკე კაცთან ჰქონდა მატჩი ჩატარებული, რომელთა შორისაც, სულ მცირე 10 დიდოსტატი იყო.
გაფრინდაშვილი მიიჩნევს, რომ სერიალში მის შესახებ ყალბ ინფორმაციას ავრცელებენ, ამავდროულად, ყოველივე არის უკიდურესად "სექსისტური და დამამცირებელი."
"ნეტფლიქსმა" მოიტყუა გაფრინდაშვილის მიღწევებზე იაფფასიანი და ცინიკური მიზნით, რათა სერიალში გადმოცემული ამბავი უფრო დრამატულად წარმოეჩინა, გამოგონილი გმირი კი ისე ეჩვენებინა, თითქოს მისი მსგავსი მიღწევა არც ერთ ქალს, მათ შორის, არც გაფრინდაშვილს ჰქონოდა. "ნეტფლიქსმა" დაამცირა ქალი, რომელიც მსოფლიო დონეზე კაც მოთამაშეებს ხვდებოდა და ამარცხებდა კიდეც", - ნათქვამია საჩივარში.
ასევე აღნიშნულია, რომ "ნეთფლიქსმა“ შეურაცხყოფა მიაყენა ნონა გაფრინდაშვილს, როდესაც ის რუს მოჭადრაკედ მოიხსენია.
ნონა გაფრინდაშვილი მიყენებული ზიანისთვის 5 მილიონ დოლარს ითხოვს და ასევე მოითხოვს, რომ სერიალიდან ამოჭრან ის მონაკვეთი, რომელიც უშუალოდ მას ეხება.
- ცნობისთვის, The Queen's Gambit ("ლაზიერის გამბიტი") Netflix-ის ერთ-ერთი ყველაზე გახმაურებული და პოპულარულ მინისერიალია, რომელშიც ამბავი მეოცე საუკუნეში, მოჭადრაკე ქალის, ბეტ ჰარმონის გარშემო ვითარდება. ბეტი არის არა ისტორიული, არამედ გამოგონილი პერსონაჟი. სერიალი შოუ უოლტერ ტევისის რომანის მიხედვით გადაიღეს.
რაც შეეხება ნონა გაფრინდაშვილს, ის არის მოჭადრაკე, რომელმაც მეოცე საუკუნეში დაამსხვრია სტერეოტიპები და დაამტკიცა, რომ ქალი მოჭადრაკე შეიძლება ეთამაშოს მოჭადრაკე კაცს და დაამარცხოს. გაეცანით სტატიას: "ნამდვილი "ლაზიერის გამბიტი" - როგორ დაიპყრო ნონა გაფრინდაშვილმა ჭადრაკის სამყარო"
მკითხველის კომენტარები /
86 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოთხოვნის უფლება ალბათ აქვს, თუმცა სერიალის ტიტრებში წერია რომ სერიალე არ არის აგებული ნამდვილ ფაქტებზე.
სჯობია ბიძინას მოსთხოვოს 10000 დოლარი რომ ვერ ( არ) შეასრულა დაპირება- ყველა სოფელში სოლარიუმი და სპა სალონი.
თუ ეს სერიალი დოკ. ჟანრის არაა, წააგებს მაგ სასამართლოს. მხატვრულ ფილმში, აუცილებელი არაა, სიუჟეტი ისტორიული სიზუსტით ვითარდებოდეს.