"ვიზრდებოდი ოჯახში, სადაც მუდმივად ხდებოდა დამცირება... ბევრჯერ მოვკვდი და ბევრჯერ დავიბადე" - ნელი აგირბა მძიმე წლებზე, ილო ბეროშვილსა და ბათუმში გადასახლებაზე
ტელეწამყვან ნელიკო აგირბას საზოგადოება კარგად იცნობს. მისი პირადი ცხოვრების შესახებ კი ყველაფერი აინტერესებთ. ერთ-ერთ ბოლო ინტერვიუში ამბობს, რომ მისი ცხოვრება დიდი ხნის განმავლობაში ვენესუელურ სერიალს ჰგავდა. 17 წლამდე ბათუმში ცხოვრობდა, შემდეგ დედაქალაქში გამოიქცა და ახლა ისევ უკან დაბრუნდა, თუმცა სამი შვილით...
პირველ ქორწინებაში მსახიობ ილო ბეროშვილთან ორი საერთო შვილი, გოგონები ჰყავს. უფროსი უკვე 13 წლის არის.
მეორე ქორწინება ირაკლი ძიმისტარაშვილთან, რომელსაც მეტსახელად "ჩელეს" ეძახდნენ ხანმოკლე აღმოჩნდა. ცნობილი ინფექციონისტის მარინა ენდელაძის შვილი, სასტუმროში გულის პრობლემებით გარდაიცვალა. ირაკლი მაშინ ჩოგბურთელ შვილს გასტროლზე ახლდა.
ნელიკოს მესამე შვილი ნოა, ხმის რეჟისორ ეშტონ ლაღიძესგან შეეძინა, თუმცა წყვილს თავისი ურთიერთობის შესახებ ღიად არასოდეს უსაუბრია.
ჟურნალისტი ახლა ბათუმში, მშობლებთან და სამ შვილთან ერთად ცხოვრობს და დაბრუნების შემდეგ აჭარის ტელევიზიაში მუშაობს. ახალი შეთევაზება "რუსთავი 2"-სგან მოულოდნელად მიიღო. არხზე, სადაც ცხოვრების გარკვეული პერიოდი "კურიერის" წამყვანად მუშაობდა, ახლა სხვა წამყვანებთან ერთად Talk show მიჰყავს.
პირველ გადაცემაში ტელეწამყვანმა საკუთარ ოჯახზე ისაუბრა, იქ სადაც ბავშვობის წლები გაატარა:
- მე ვიზრდებოდი ოჯახში, სადაც იყო ტოქსიკური გარემო, მშობლებს უჭირდათ ერთმანეთთან საერთო ენის გამონახვა. ეს არ იყო ფიზიკური ძალადობა, მაგრამ სახლში მუდმივი დაძაბულობა იყო. ჩემს თვალწინ მუდმივად ხდებოდა დამცირება და პასუხისმგებლობას ვგრძნობდი, რომ ვითარება განმემუხტა. შედეგად დავიჯერე, რომ ოჯახი არის ეს. ჩემს ოჯახს მივმართავ და ვეტყვი, რომ ძალიან მიყვარხართ, მაგრამ ამაზე საუბარი მნიშვნელოვანია, რომ შემდეგ თაობას აღარ გადავცეთ ეს გამოცდილება.
7-8 წლის ვიყავი, რომ კლასელთან მივედი სტუმრად, სადაც დამხვდა იდილიური გარემო. მამა დედას ეხუტებოდა, ეფერებოდნენ შვილებს. სახლში დაბრუნებულმა მშობლებს ვკითხე, რომ იმათ თუ შეუძლიათ ჩვენ რატომ არა-თქო, მითხრეს, რომ ყველა ოჯახში ასეა და ისინი უბრალოდ სხვების თანდასწრებით თამაშობენ იდილიას... როგორც კი შენ გადიხარ, იგივე ხდება რაც ჩვენთანო. ამის შემდეგ მჯეროდა რომ ოჯახი არასოდეს უნდა შემექმნა, რადგან ეს იყო ბოროტება. მეგობრებო, ასე არ არის, უამრავი ბედნიერი ოჯახის მაგალითია...." - ამბობს ნელი.
ჟურნალისტი "სარკესთან" ინტერვიუში ბათუმში გატარებულ წლებს ტრაგიკულად იხსენებს:
"ბევრჯერ მოვკვდი და ბევრჯერ დავიბადე, 17 წლის ასაკში ლექსებს ვწერდი და ერთ-ერთ ლექსში ასეთი ფრაზა მქონდა, „მინდა ბევრჯერ მოვკვდე, ერთხელ თუ მოვედი...“ ჩემი ცხოვრებით აშკარად ამას ვაკეთებ. ახლა იმდენად განსხვავებულად ვგრძნობ თავს, რომ საკუთარ სახელთან და გვართანაც კი განსხვავებული დამოკიდებულება მაქვს, თითქოს ვიღაც სხვა იყო, ის ნელი აგირბა და ახლა სხვა არის, რომლის გაცნობის ეტაპზე ვარ...
ბევრი ტკივილი მქონდა, ძალიან მძიმე იყო ჩემი მეგობრის თვითმკვლელობის გადატანა. მშობლების ურთიერთობაში ტკივილის ატანა. საბედნიეროდ, დღეს ჩემთვის ბათუმი აღარ ასოცირდება ამ ტკივილებთან, დღეს ეს ქალაქი არის ჩემთვის თავიდან აღმოჩენილი სამოთხე და ახლა ძალიან მიჭირს მისი დათმობა...“
აჭარის ტელევიზიასთან მასზე მომზადებულ სიუჟეტში ნელიკო აგირბა ამბობს:
"ნელის ცხოვრება დიდი ხნის განმავლობაში ვენესუელურ სერიალს ჰგავდა და ახლა სხვა ჟანრში გადავიდა და ვუყურებ რა ჟანრშია. მას შემდეგ, რაც 2017 წლის გაზაფხულზე ჩელე, ჩემი ქმარი გარდაიცვალა, მანდ გადავაფასე ჩემი და სამსახურის ურთიერთობა. პირველ ადგილას ბავშვები დარჩა და შემდეგ დანარჩენი...“
ნელიკოს მესამე შვილი ნოა და ილო ბეროშვილისა და ანი ბებიას საერთო შვილი ჯერი, თითქმის ერთ დროს დაიბადნენ. ჟურნალ "სარკესთან" ინტერვიუში ტელეწამყვანი ამბობს, რომ მისი გოგონები ერთდროულად ორი დედმამიშვილის დაბადებას დადებითად შეხვდნენ.
ნელიკო: ძალიან გაუხარდათ და ბედნიერები იყვნენ. ჯერი რომ უნდა დაბადებულიყო, სასწრაფოდ გავარდნენ თბილისში - ეს მოვლენა არ უნდა გამოვტოვოთო. გოგოებს ჰყავთ უფროსი ძმა ცოტნე (ნელის გარდაცვლილი ქმრის, ირაკლი ძიმისტარაშვილის შვილი.), რომელთანაც ურთიერთობაზე გიჟდებიან. სანამ ბათუმში გადმოვიდოდით, ერთად ვცხოვრობდით და ერთი სული აქვთ კიდევ როდის იცხოვრებენ ერთად. ილოსთან ახლა მინიმალური კონტაქტი მაქვს, ვცდილობთ, რომ ბავშვები იყვნენ ბედნიერები.
ირაკლი ძიმისტარაშვილის შესახებ ინტერვიუებში ჟურნალისტი ხშირად საუბრობდა. დღეს სოციალურ ქსელში სტატუსი გამოაქვეყნა, სადაც წერს, რომ დღეს ირაკლის დაბადების დღეა და მარინა ენდელაძეს ულოცავს.
„დღეს ჩელეს დაბადების დღეა. ეს წლები არაფერი გამიზიარებია. ახლა ვდებ მე ვარ ის! ის არის მე! და ყველა ერთი ვართ ენერგია არ იკარგება, მხოლოდ გარდაიქმნება! ძალიან რთულია სიკვდილის მიღება,მაგრამ შედეგად გვათავისუფლებს! სუუულ სხვანაირადაა ყველაფერი. ლაღად ! სიცოცხლეს ვერასდროს ვერაფერი დაემუქრება! ის უსასრულო მარადიული სიყვარულია! ჩვენ ვართ ეს სიყვარული! ერთი უსასრულო სიყვარული მიყვარხართ ! როგორი მაგარია ყველა ჩვენი გამოვლინება... მარინა ენდელაძე, გილოცავ... მიყვარხარ.“ - წერს ნელიკო და ირაკლისთან ერთად გადარებულ ფოტოებს აქვეყნებს.
ორი კვირის წინ, თათია შარანგიასთან სტუმრობისას, ნელიკოს ყოფილი ქმარი, ილო ბეროშვილი, ნელიკოსი და ირაკლი ძიმისტარაშვილის ქორწინებას ასე იხსენებდა...
ილო ბეროშვილი:
- ნელიმ მეორედ რომ შექმნა ოჯახი რთული იყო. ჩელე ჩემი მეგობარი იყო. მე ისე ვუყურებდი ამ საკითხს, თუ როგორ გარემოში იქნებოდნენ ბავშვები. საკუთარ თავზე რომ ვთქვა, ანი (ანი ბებია, ილოს ახლანდელი მეუღლე) იყო პირველი ადამიანი, რომელსაც ბავშვები გავაცანი, რა თქმა უნდა მანადეც მქონდა ურთიერთობები, მაგრამ სხვისთვის არ გამიცნია. ნელის უყვარდა ჩელე და ეს იყო მთავარი. უსიამოვნო იყო ის, რომ ადამიანთან რომ მეგობრობ... მართალია, ჩვენ ორი წლის გაშორებულები ვიყავით, მაგრამ ჩემი პოზიცია იყო რომ როცა ოჯახი გყავს და ორი შვილი, მტკივნეულია... შემდეგ როცა შენი მეგობარს მიჰყვება უსიამოვნოა...