მარადიული ახალგაზრდობა შესაძლოა, რეალობად იქცეს - ჯეფ ბეზოსი აფინანსებს კომპანიას, რომელიც "ელექსირზე" -  რევოლუციურ ტექნოლოგიაზე მუშაობს

მსოფლიოს უმდიდრესი ადამიანი, ჯეფ ბეზოსი ადამიანის ახალგაზრდობის შენარჩუნების იდეით არის დაინტერესებული და სწორედ ამიტომ, გადაწყვიტა, დააფინანსოს სტარტაპ კომპანია Altos Labs, რომელიც მუშაობს ახალგაზრდობის შენარჩუნების ტექნოლოგიის შექმნაზე.

Altos Labs დაახლოებით ერთი წლის წინ დაარსა და ის აერთიანებს მეცნიერებს, რომლებიც ამ საკითხზე რევოლუციური ტექნოლოგიის შექმნაზე მუშაობენ, ხოლო წლიურად თანამშრომლებს კომპანია 1 მილიონ დოლარს სთავაზობს ხელფასის სახით.

მათ არაერთი დამფინანსებელი ჰყავთ, თუმცა როგორც Altos Labs-ში აცხადებენ, ერთ-ერთი უმსხვილესი დამფინანსებელი ჯეფ ბეზოსია. როგორც გამოცემა "ინდეფენდენთი“ წერს, თუკი მეცნიერთა მუშაობა წარმატებული იქნება, ტექნოლოგიას ექნება შესაძლებლობა ადამიანი გაცილებით უფრო ახალგაზრდულად გამოიყურებოდეს.

ექსპერიმენტული ტექნოლოგიის შესახებ ზუსტ დეტალებზე ჯერჯერობით მეცნიერები არ საუბრობენ, თუმცა ამბობენ, რომ ეს იქნება "ჯადოსნური ელექსირი“.

ცნობისთვის, "ამაზონის“ დმფუძნებელმა ჯეფ ბეზოსმა, "ამაზონის" აღმასრულებელი დირექტორის თანამდებობაზე უარი თქვა, რის შემდეგაც, კოსმოსით დაინტერესდა.

ბეზოსი გახდა პირველი ადამიანი, რომელმაც კოსმოსურ სადგურზე ტურისტული მარშრუტით იმოგზაურა.