მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აგათა კრისტის ტოპ 5 წიგნი, რომელიც აუცილებლად უნდა წაიკითხოთ
13:40 / 13-09-2021
დეტექტივების დედოფლად აღიარებული აგათა კრისტის ცხოვრება ისეთივე საინტერესოა, როგორც მისი შემოქმედება. ის სავსეა საინტერესო და იდუმალი ფაქტებით, ჩახლართული ამბებით. სწორედ ეს დაეხმარა აგათას გამხდარიყო მსოფლიო ბესტსელერების ავტორი და ისტორიაში სხვადასხვა ნიშნით შესულიყო. გთავაზობთ 5 ფაქტს, რომელიც აგათა კრისტიზე უნდა იცოდეთ:
- აგათა კრისტი გინესის მსოფლიო რეკორდის წიგნშია შეყვანილი, ყველაზე სქელტანიანი წიგნისთვის. კრებული „მის მარპლის ისტორიები“ შედგება 4032 გვერდისაგან და იწონის დაახლოებით 7 კგს–ს.
- აგათა პირველი მსოფლიო ომის დროს მედდად მსახურობდა, შემდგომ კი ერთ-ერთ აფთიაქში ფარმაცევტად დაიწყო მუშაობა. მან კარგად შეისწავლა ყველა სახის შხამი და მომწავლელი ნივთიერება, რამაც დიდი გავლენა იქონია მის შემოქმედებაზე. მისი ნაწარმოების გმირების უმეტესობა, სწორედ მოწამვლისგან კვდება.
- თქვენ შეგიძლიათ იქირაოთ მისი ძველი სახლი. თუ გინდათ ზუსტად შეიგრძნოთ საყვარელი მწერლის მისტიური გარემო, მაშინ აუცილებლად უნდა ეწვიოთ ინგლისში დევონშირს, სადაც აგათას საზაფხულო ერთ საუკუნოვანი სახლის დაქირავება, ერთი ღამით 500 დოლარად შეგეძლებათ.
- მწერალს დისგრაფია სჭირდა, მას არ შეეძლო ტექსტის ჩაწერა. ამიტომ მისი ყველა წიგნი კარნახითაა დაწერილი.
- 1926 წელს აგათა კრისტი 10 დღით გაუჩინარდა. სავარაუდო მიზეზი დეპრესიული მდგომარეობა და მეუღლეზე შურისძიება იყო. ძებნის შემდეგ ის სასტუმრო Harrogate-ში იპოვნეს. იგი ამნეზიურ მდგომარეობაში იყო და ვერ იხსენებდა ვერც მეუღლის და ვერც საკუთარი შვილის სახელს. არსებობს ვარაუდი, რომ ეს ყველაფერი მწერალმა საგანგებოდ გაითამაშა.
აგათა კრისტის შემოქმედება ძალიან დიდი და მრავალფეროვანია. თუმცა მის წიგნებს შორის არსებობს განსაკუთრებული ხუთეული, რომელიც აუცილებლად უნდა წიაკითხოთ. აღნიშნული ხუთეული ასე გამოიყურება:
ახალგაზრდა ისტორიკოსი, მოგოლთა მმართველობის პერიოდის არქიტექტურის მკვლევარი მარკ ისთერბრუკი უცნაური მოვლენების მოწმე ხდება. ყველასთვის პატივსაცემი მღვდლის მკვლელობა და ერთიმეორის მიყოლებით ავადმყოფობით სიკვდილის რამდენიმე შემთხვევა, თანაც ერთი და იმავე სიმპტომით. მაგრამ ეს უცნაურად არავის ეჩვენება - ადამიანი გაცივდა, გრიპი ფილტვების ანთებით გაურთულდა, მერე რა, რა არის ამაში ახალი და საეჭვო?! ამავე აზრს იზიარებს პოლიციის ინსპექტორი ლეჟენიც, მაგრამ რას მიანიშნებს მოკლული მამა გორმანის ფეხსაცმელში ნაპოვნი ქაღალდის ნაგლეჯი, ზედ გვარების ჩამონათვალით?! იქ ჩამოთვლილი ყველა ადამიანი ხომ ერთიმეორის მიყოლებით გარდაიცვალა?! რატომ მიდის კვალი ყოველ ჯერზე ვილა „ჩალისფერ ცხენში“? ეს მისტიკაა თუ მხოლოდ და მხოლოდ ვერაგი თაღლითობა? ამის გარკვევა მოუწევთ მარკ ისთერბრუკსა და მის მეგობარ ქალს, ჯინჯერ კორიგანს.
კორსიკაზე გატარებული სამი თვის შემდეგ პარიზში მყოფი ლორდი პიტერ უიმზი შოკისმომგვრელ ცნობას იღებს: ყველა ინგლისური გაზეთი აჭრელებულია სტატიებით მისი ძმის, ჯერალდის, მიერ ჩადენილი მკვლელობის შესახებ. ტრაგედია დენვერის ჰერცოგის მამულში დატრიალებულა. ჯერალდი და მისი დის საქმრო კაპიტანი დენის ქათკარტი წაკამათდნენ, რამდენიმე საათის შემდეგ კი სასიძო ტყვიით განგმირული იპოვეს. ერთადერთი ეჭვმიტანილი ჯერალდ უიმზია, ხოლო ამ იდუმალებით მოცული საქმის გახსნა მხოლოდ მის ძმას, ინგლისის ყველაზე ცნობილ მაძებარ პიტერ უიმზის ძალუძს...
დანაშაულის თანამონაწილენი
ბრიტანეთის დაზვერვის ყოფილი აგენტი თომას ბერესფორდი ბედს არ უჩივის, ცხოვრობს მშვიდად, მაგრამ მისი მოუსვენარი მეუღლე, ტაპენსი, მოწყენილია - ენატრება ის დრო, როცა ქმარს სახიფათო საქმეების გამოძიებაში ეხმარებოდა და ჯაშუშებს იჭრდნენ... და უცებ ბედმა გაუღიმა მის ქმარს საერთაშორისო დეტექტიური სააგენტოს ხელმძღვანელობას შესთავაზებენ და თავგადასავლებიც იწყება...
„დიდი ოთხეული“ - საიდუმლო ორგანიზაცია; „დიდი ოთხეულის“ წევრები - N1 ბოროტი, N2 მდიდარი, N3 მეცნიერი და N4 „გამანადგურებელი“. „დიდი ოთხეულის“ მიზანი - გაბატონება კაცობრიობაზე! ერკიულ პუაროს მისიაა კაპიტან ჰასთინგზთან ერთად გაარკვიოს, გამოიძიოს „დიდი ოთხეულის“ საქმინობა, მიზნები...
პუარო იწყებს - მალე იდუმალი, ბურუსით მოცულიც იკვეთება - N4, „4“, „ოთხეული“. ეს უბრალო დამთხვევაა, თუ კარგად გათვლილი კომბინაცია? პუარო აგრძელებს - ამ საქმეს თან სდევს სიკვდილი: ყველა, ვინც გამომძიებელს ინფორმაციას აწვდის, კვდება; თავადაც არაერთხელ აღმოჩნდა სასიკვდილო საფრთხეში.
წიგნში „დიდი ოთხეულისა“ და სახელგანთქმული მაძებრის დიდი დაპირისპირებაა.
აგათა კრისტის ეს დეტექტიური რომანი 1942 წელს გამოქვეყნდა სათაურით „მკვლელობა რეტროსპექტივაში“ და მხოლოდ 1943 წელს დაისტამბა ორიგინალური სახელწოდებით „ხუთი გოჭი“. ეს სათაური დეტექტივების დედოფალმა საბავშვო გასათვლელი ლექსის მიხედვით შეარჩია, ხოლო სტროფები ქვეთავების სათაურებად გამოიყენა. მკითხველი ამ დეტექტივშიც შეხვდება სახელგანთქმულ მაძებარს ერკიულ პუაროს. პატარა ბელგიელს ამჯერად 16 წლის წინანდელი მკვლელობის გამოძიება მოუწევს. მართალია, სასამართლომ დაადგინა, რომ მხატვარი ემიას კრეილი ცოლმა მოკლა, მაგრამ გაირკვა, რომ კიდევ ხუთ ადამიანზე შეიძლება ეჭვის მიტანა. ამ რთული ამოცანის ამოხსნას ერკიულ პუარო ჩვეული გულმოდგინებით შეუდგება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გემოვნებაზე მართლაც არ დავობენ.