მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პარიზის მერი საფრანგეთის პრეზიდენტობისთვის იბრძოლებს - ვინ არის ან იდალგო, რომელიც ფრანგული მოდისა და პოლიტიკის სიმბოლოდ იქცა
19:28 / 12-09-2021
პარიზის მერი ან იდალგო 2022 წლის საფრანგეთის საპრეზიდენტო არჩევნებში მიღებს მონაწილეობას. ამის შესახებ Le Figaro წერს.
"ამ რთულ პერიოდში, იმისთვის, რომ ჩვენ ცხოვრებას იმედი მივცეთ, გადავწყვიტე საპრეზიდენტო არჩევნებში კენჭი ვიყარო. ჩვენ თავიდან უნდა გამოვიგონოთ ჩვენი ფრანგული მოდელი, რომელიც მრავალრიცხოვანმა კრიზისებმა დაასუსტა“, - განაცხადა იდალგომ და დასძინა, რომ სურს აღადგინოს ქვეყნისადმი პატივისცემა და მისი ერთობა.
იდალგოს თქმით, მისი სურვილია, ააშენოს უფრო მეტად სამართლიანი სახელმწიფო.
"ემანუელ მაკრონის ხუთწლიან პერიოდს, რომელიც დასასრულს უახლოვდება, ფრანგები უნდა გაეერთიანებინა. თუმცა, მან ისინი დაყო როგორც არასდროს. მას სოციალური პრობლემები უნდა მოეგვარებინა, მაგრამ მან ისინი უფრო გააღრმავა, მას ჩვენი პლანეტა უნდა დაეცვა, მაგრამ მან ეკოლოგიას ზურგი აქცია“ , - განაცხადა ან იდალგომ.
- უფრო მეტი პარიზის პირველი ქალი მერის შესახებ
პარიზელებმა "სოციალისტური პარტიის" წევრი, 61 წლის ან იდალგო მერად მეორე ვადით 2020 წელს აირჩიეს. იდალგო მსოფლიოს ყველაზე მიმზიდველი ქალაქის სათავეში 2014 წლიდანაა.
ან იდალგო 1959 წლის 19 ივნისს დაიბადა და საინტერესო ფაქტია, რომ ის არა ფრანგი, არამედ ესპანელია. აღსანიშნავია, რომ იდალგო პარიზის პირველი ქალი მერია.
ან იდალგო ესპანეთში, ანდალუსიაში, სან ფერნანდოში დაიბადა. ბაბუა ესპანელი სოციალისტი იყო, რომელმაც ესპანეთის სამოქალაქო ომის შემდეგ თავის ცოლთან და ოთხ შვილთან ერთად, საფრანგეთს ლტოლვილის სტატუსით შეაფარა თავი. როდესაც მისი ბებია და ბაბუა გარკვეული დროის შემდეგ ესპანეთს უბრუნდებოდნენ, ბებია მგზავრობის დროს გარდაიცვალა, ხოლო ბაბუას ჯერ სიკვდილი მიუსაჯეს, ხოლო შემდეგ სასჯელი სამუდამო პატიმრობით შეუცვალეს.
იდალგოს მამა ანტუანი ელექტრიკოსი იყო, რომელიც 1950 წელს მკერავ მარიაზე დაქორწინდა. წყვილს ორი ქალიშვილი ანა და მერი შეეძინა. მაშინ ესპანეთში მძიმე ეკონომიკური კრიზისი იყო, რის გამოც ოჯახი ემიგრაციაში კვლავ საფრანგეთში წავიდა. ისინი 1961 წელს ლიონში დასახლდნენ.
ან იდალგო მშობლებთან ესპანურად, ხოლო დასთან ფრანგულად საუბრობდა. მისი მშობლები ახლა ესპანეთში ცხოვრობენ, ხოლო უფროსი და მერი ლოს-ანჯელესში ცხოვრობს და ერთ-ერთი კომპანიის მენეჯერია. ან იდალგო 14 წლის იყო, როდესაც საფრანგეთის მოქალაქეობა მიიღო. აღსანიშნავია, რომ იდალგოს ორმაგი მოქალაქეობა აქვს - ის ესპანეთის მოქალაქეცაა.
იდალგოს ფრანგ პოლიტიკოს ჟან მარკ ჟერმანთან 2002 წელს შვილი შეეძინა. წყვილმა 2004 წელს იქორწინა. აღსანიშნავია, რომ პარიზელების მერი მანამდეც იყო ქორწინებაში და პირველი ქორწინებიდან ორი შვილი ჰყავს. იდალგო პროფესიით იურისტია.
პარიზის მერის პერსონით ფრანგული Vogue-ი ხშირად ინტერესდება. იდალგო ამბობს, რომ მოდის მიმართ განსაკუთრებული სიყვარული და ინტერესი აქვს და ყოველივეს დედას უკავშირებს, რომელიც მისი თქმით, ულამაზეს კაბებს კერავდა.
- "მე მიყვარს მოდა, ის ყოველთვის არის ეპოქის ანარეკლი. განსაკუთრებულ სიამოვნებას მოდისგან მაშინ ვიღებ, როდესაც მასში ქალის თავისუფლებაა გამოხატული. ჩემთვის შთაგონების წყარო ყოველთვის იქნება ივ სენ ლორანი. დიზაინერები შემოქმედი ადამიანები არიან, ისინი თავიანთ წარმოსახვასა და სურვილებს საქმეში დებენ“, - ამბობს პარიზის მერი.
მისი სტილი ყოველთვის აღფრთოვანებას იწვევს. თავად ამბობს, რომ კლასიკური მისივე საქმიანობას უკავშირდება. "მე არჩეული მერი ვარ და არა მოდელი, მე მომწონს მოწესრიგებული სტილი, არ მიყვარს რაღაცების ერთმანეთში არევა", - ამბობს პარიზელების მერი.
ცნობისთვის, საფრანგეთის საპრეზიდენტო არჩევნებში მონაწილეობისთვის ემზადებიან მოქმედი პრეზიდენტი ემანუელ მაკრონი და ულტრამემარჯვენე "ნაციონალური გაერთიანების“ ლიდერი, მარი ლე პენი.
კენჭისყრაში მონაწილეობის სურვილი ასევე გამოთქვეს ქვეყნის ეკონომიკის ყოფილმა მინისტრმა არნო მონტებურმა, ასევე ევროკავშირის „ბრექსითის“ საკითხებში ყოფილმა მთავარმა მომლაპარაკებელმა მიშელ ბარნიემ.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იდალგო არ ვიცი საერთოდ ვინცაა გაუმარჯოს ემანუელ მაკრონს
სასიამოვნო ქალია, თანაც ჭკვიანი!