"ბიძა ესტუმრა აჩის" - ვის სანახავად ჩავიდა ექსპრეზიდენტი მიხეილ სააკაშვილი ამერიკაში
"ბიძა ესტუმრა აჩის. ისაუბრეს ბევრ საკითხზე, ახალი ენერგიით და იდეებით გავისტუმრეთ“ - ამ შინაარსის სტატუსსა და ფოტოს მიხეილ სააკაშვილის ბიძაშვილი, ნიკა ალასანია სოციალურ ქსელში აქვეყნებს.
როგორც ფოტოდან ჩანს, ექსპრეზიდენტი ამერიკაშია, სადაც ახალდაბადებული აჩი მოინახულა.
ნიკა ალასანიასა და კელი ქენდლის საერთო შვილი რამდენიმე დღის წინ შეეძინათ.
ნიკა ალასანია წლების წინ ტელეწამყვან ლიკა ევგენიძეზე იყო დაქორწინებული და წყვილს ორი საერთო შვილი ჰყავთ. ბავშვები არდადეგებს მამასთან ამერიკაში ატარებენ.
ალასანიას ახალი რჩეული ამერიკელი კელი ქენდლია, რომელიც სოციალურ ქსელში ხშირად აქვეყნებს მეუღლესთან ერთად გადაღებულ ფოტოებს და ჯერ კიდევ ორი თვის წინ წერდა, რომ პატარა ალასანიას აგვისტოში ელოდებოდნენ.
ლიკა კი მეუღლესთან განქორწინების შემდეგ სამშობლოში დაბრუნდა და "პირველ არხზე“ მუშაობს. წარუმატებელი ქორწინების შემდეგ მეორედ, მუსიკოს ნიკა კოჩაროვზე დაოჯახდა.
მიხეილ სააკაშვილი ამერიკაში ორი თვის წინაც იმყოფებოდა. მაშინ ექსპრეზიდენტის ამერიკული არდადეგების გამო სკანდალში გაეხვა გიორგი გახარია, რომელსაც სწორედ იმ პერიოდში საქმიანი ვიზიტით იმყოფებოდა შტატებში და აღმოჩნდა, რომ მას და სააკაშვილს ერთ სასტუმროში ჰქონდათ ნომრები დაჯავშნული. მაშინ მიხეილ სააკაშვილი ბიძაშვილის გიორგი ალასანიას ქორწილს დაესწრო. რომელმაც მეორედ მეგან მაკმანუსზე იქორწინა.
პირველ ქორწინებაში გიორგი ალასანია ელენე დუმბაძესთან გახლდათ. წყვილს ერთი საერთო შვილი ჰყავს. ძმები ალასანიები ექსპრეზიდენტის დედის ძმის შვილები არიან. ისინი მშობლებთან ერთად წლებია, რაც შტატებში ცხოვრობენ. სააკაშვილის, ბიძა თემურ ალასანია მიხეილ სააკაშვილის პოლიტიკაში მოსვლის შემდეგ არაერთხელ გაეხვა სკანდალში - საზოგადოებას ახსოვს მედიაში გავრცელებული ექსპრეზიდენტთან საუბრის ფარული ჩანაწერები.
