მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
კვირა, მთვარის მეთორმეტე დღე დაიწყება 18:45-ზე, მთვარე მორიელშია – რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. თავი უნდა შეიკავოთ უხეში საკვებისგან, კვერცხისგან, თევზისა და ხორცისგან. მთლიანად გამორიცხეთ ალკოჰოლი და ნიკოტინი. ზედა სასუნთქი გზების, გულის, ფილტვების და ღვიძლის გაწმენდის დღეა. მოუსმინეთ გულს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ადვოკატის განცხადებით, შანაი ბრუკის მკვლელობის საქმეზე ბრალდებული რაფაელ მურსაკულოვი მისი დაკავების ფაქტით გაოგნებულია
16:06 / 10-09-2021
ავსტრალიის მოქალაქის, შანაი ბრუკის დამამძიმებელ გარემოებებში ჩადენილი განზრახ მკვლელობის საქმეზე ბრალდებული რაფაელ მურსაკულოვი მისი დაკავების ფაქტით გაოგნებულია. აღნიშნულის შესახებ ჟურნალისტებს მურსაკულოვის ადვოკატმა, სოფიო გოგლიჩიძემ დროებითი მოთავსების იზოლატორთან განუცხადა, სადაც დაკავებულს ბრალი ოფიციალურად წაუყენეს.
როგორც ადვოკატი განმარტავს, მისი დაცვის ქვეშ მყოფს მოკლულ შანაი ბრუკთან შეხება არასდროს ჰქონია.
„დუმილის უფლებას იყენებს, წარდგენილ ბრალდებაში თავს დამნაშავედ არ ცნობს და აცხადებს, რომ ამ დანაშაულთან არანაირი შემხებლობა არ ჰქონია. ბუნებრივია, როცა თავს დამნაშავედ არ ცნობს, მისთვის ეს ყველაფერი ძალიან დამრტყმელი და ძალიან გამაოგნებელი იყო. წარმოდგენა არ აქვს, ბრალდების მხარე რატომ ედავება და ამ საქმესთან რა შემხებლობა აქვს. თუ რატომ დააკავეს, ამაზე პასუხი არ აქვს, გაოგნებულია, რა თქმა უნდა", - განაცხადა გოგლიჩიძემ.
კითხვაზე, თუ როგორ ამოვიდა გარდაცვლილის ცხედარზე ბრალდებულის დნმ, ადვოკატი აცხადებს, რომ "თვითონ ბრალდებული ვერაფერს ახსნის და რომ გარკვეულ საკითხებს დაცვის მხარე სასამართლოში სადაოს გახდიან".
„დაიკითხებიან ექსპერტები, მოწმეები და ამის მიხედვით შევაფასებთ ყველაფერს. წინასწარ ვერ გეტყვით, რა მტკიცებულებებს გავხდით სადავოს, ამას სასამართლო პროცესის მიმდინარეობისას შევხედავთ. ჩემი დაცვის ქვეშ მყოფი სათვალთვალო კამერებში არ ჩანს. ჩვეულებრივად გადაადგილდებოდა იმ ტერიტორიაზე, სადაც მოძრაობა უწევდა. ბრალშიც ისეთი მოწმეები არიან ჩამოთვლილი, ამ პირთან ფიზიკურად შემხებლობაში არ არიან. თვითმხილველი არავინაა, სატელეფონო ჩანაწერი არ არის, ანძებით ეს არ მტკიცდება, შინაარსობრივად, ვერც ერთი მოწმე ამ საქმეზე ვერაფერს მოყვება", - განაცხადა გოგლიჩიძემ.
არაოფიციალური ინფორმაციით, რაფაელ მურსაკულოვი წარსულშიც ნასამართლევი იყო, მას ქურდობას ედავებოდნენ.
ცნობისთვის, ავსტრალიის მოქალაქე შანაი ბრუკი 30 ივლისს გაუჩინარდა. ახალგაზრდა ქალის ცხედარი მთაწმინდის ფერდზე 31 ივლისს იპოვეს. აღნიშნულთან დაკავშირებით სამართალდამცავებმა რაფაელ მურსაკულოვი დააკავეს. მას ბრალდება საქართველოს სისხლის სამართლის კოდექსის 179-ე მუხლის პირველი ნაწილით (ყაჩაღობა, ესე იგი თავდასხმა სხვისი მოძრავი ნივთის მართლსაწინააღმდეგო მისაკუთრების მიზნით, ჩადენილი სიცოცხლისათვის ან ჯანმრთელობისათვის საშიში ძალადობით ანდა ასეთი ძალადობის გამოყენების მუქარით), 109-ე მუხლის პირველი ნაწილის "გ“ და მესამე ნაწილის "გ“ ქვეპუნქტებით (განზრახ მკვლელობა, ჩადენილი სხვა დანაშაულის დაფარვის და მისი ჩადენის გაადვილების მიზნით; ანგარებით) წარედგინა, რაც სასჯელის სახედ და ზომად 16 წლიდან 20 წლამდე ან უვადო თავისუფლების აღკვეთას ითვალისწინებს.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს გაოგნებულია
ის მკვდარია
ვააააა