მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რომ შემოვიდა, შავი სათვალე და შავი პირბადე ეკეთა... აგრესიული არ იყო და ყველას ყველაფრის უფლებას აძლევდა" - ყვარელში, ბანკში მძევლად აყვანილი მომხდარის დეტალებს იხსენებს
16:20 / 10-09-2021
ყვარელში, "საქართველოს ბანკის" ფილიალში მძევლად აყვანილი იოსებ სამხარაული მომხდარის დეტალებს იხსენებს. როგორც მან აღნიშნა, თავდაპირველად თავდამსხმელს სათვალე და პირბადე ეკეთა, მოქალაქეებს კი 112-ში დარეკვასა და თავდასხმის შესახებ ინფორმაციის მიწოდებას სთხოვდა.
„აგრესიით არ გამოირჩეოდა. უბრალოდ, ითხოვდა, რომ დაგვერეკა 112-ში და გვეთქვა რაც მოხდა, რომ მძევლები ჰყავს აყვანილი და თავის მოთხოვნას შემდეგ წამოაყენებდა. შემდეგ წამოაყენა თავის მოთხოვნა ფულთან დაკავშირებით, ნახევარ მილიონ დოლარს, ნახევარ მილიონ ლარს და ასევე, უსაფრთხო გასვლას ითხოვდა. რომ შემოვიდა, შავი სათვალე და შავი პირბადე ეკეთა, ფაქტობრივად, სახე არ ჩანდა.
შემდეგ ნიღაბიც გაიკეთა. აგრესიული არ იყო და ყველას ყველაფრის უფლებას აძლევდა. რაც შეეხება მძევლების გათავისუფლებას, მას შემდეგ რაც კომუნიკაციაზე წამოვიდა სამხარეო პოლიციის უფროსი, ის სთხოვდა, ემუდარებოდა და ეუბნებოდა, რომ გამოეჩინა გულისხმიერება და მან ქალბატონები ეტაპობრივად გაათავისუფლა“, - აცხადებს იოსებ სამხარაული.
ცნობისთვის, „საქართველოს ბანკის“ ყვარლის ფილიალში შეიარაღებული პირი გუშინ შეიჭრა. რამდენიმე საათში, სამართალდამცავებმა თავდამსხმელი დააკავეს.
შსს-ს ცნობით, ტერორისტული მიზნით მძევლად ხელში ჩაგდების და საბრძოლო მასალის მართლსაწინააღმდეგო შეძენა-შენახვა-ტარების ბრალდებით, 1 პირი - 1972 წელს დაბადებული შ.მ. დააკავებული. მომხდარ ფაქტზე გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
