ორ­შა­ბათს, 13 სექ­ტემ­ბერს "პა­ლიტ­რა­ნი­უ­სის" ახა­ლი სა­ტე­ლე­ვი­ზიო სე­ზო­ნი იწყე­ბა, რომ­ლის­თვი­საც ერთ გუნ­დად შეკ­რუ­ლი ტე­ლე­ვი­ზი­ის ყვე­ლა თა­ნამ­შრო­მე­ლი მთე­ლი ზა­ფხუ­ლის გან­მავ­ლო­ბა­ში ემ­ზა­დე­ბო­და. რე­სურ­სი თუ ენერ­გია, არა­ფე­რი და­უ­შუ­რია იმის­თვის, რომ მა­ყუ­რებ­ლის სიყ­ვა­რუ­ლი, მო­ლო­დი­ნე­ბი და იმე­დე­ბი კვლავ გა­ა­მარ­თლოს და "პა­ლიტ­რა­ნი­უს­მა" ამ სა­ტე­ლე­ვი­ზიო სე­ზონ­ზეც დამ­სა­ხუ­რე­ბუ­ლად ატა­როს ყვე­ლა­ზე სან­დო, კომ­პე­ტენ­ტუ­რი და მი­უ­კერ­ძო­ე­ბე­ლი ტე­ლე­ვი­ზი­ის სა­ხე­ლი.

ახალ სა­ტე­ლე­ვი­ზიო სე­ზონ­ზე ტე­ლე­ვი­ზი­ის მა­ყუ­რე­ბე­ლი თა­ვის საყ­ვა­რელ, კარ­გად ნაც­ნობ წამ­ყვა­ნებს გა­ნახ­ლე­ბულ სტუ­დი­ებ­ში შეხ­ვდე­ბა, ამას­თა­ნა­ვე იხი­ლავს ბევრ ახალ სა­ინ­ტე­რე­სო პრო­ექტს ახა­ლი სა­ხე­ე­ბი­თა და წამ­ყვა­ნე­ბით, გარ­და ამი­სა, მათ­თვის უკვე მზად­დე­ბა გა­სარ­თო­ბი, ანა­ლი­ტი­კუ­რი თუ შე­მეც­ნე­ბი­თი ხა­სი­ა­თის გა­და­ცე­მე­ბი.

• მაშ, ასე: რო­გო­რი იქ­ნე­ბა ახა­ლი სა­ტე­ლე­ვი­ზიო სე­ზო­ნი "პა­ლიტ­რა­ნი­უს­ზე"?

ლე­ვან ტა­ბა­ტა­ძე, ტე­ლე­კომ­პა­ნია "პა­ლიტ­რა­ნი­უ­სის" აღ­მას­რუ­ლე­ბე­ლი დი­რექ­ტო­რი:

- "პა­ლიტ­რა­ნი­უ­სი" ახა­ლი სე­ზო­ნის­თვის ბევრ სი­ახ­ლეს ჰპირ­დე­ბა მა­ყუ­რე­ბელს. არხზე გა­მოჩ­ნდე­ბა ახა­ლი პო­ლი­ტი­კუ­რი გა­და­ცე­მე­ბი, ახა­ლი სა­ხე­ე­ბიც... ბევ­რად აქ­ტი­უ­რე­ბი ვიქ­ნე­ბით. სა­ტე­ლე­ვი­ზიო ბადე ძი­რი­თა­დად დატ­ვირ­თუ­ლი იქ­ნე­ბა პო­ლი­ტი­კურ-ანა­ლი­ტი­კუ­რი, შე­მეც­ნე­ბი­თი, შე­მეც­ნე­ბით-გა­სარ­თო­ბი ჟან­რის გა­და­ცე­მე­ბით. მე­დი­ცი­ნის მი­მარ­თუ­ლე­ბი­თაც ვგეგ­მავთ ბევრ სი­ახ­ლეს, რაც ძა­ლი­ან მნიშ­ვნე­ლო­ვა­ნია, გან­სა­კუთ­რე­ბით პან­დე­მი­ურ პე­რი­ოდ­ში. ასე­ვე ეკო­ნო­მი­კის და ბიზ­ნე­სის მი­მარ­თუ­ლე­ბი­თაც ვიქ­ნე­ბით ბევ­რად აქ­ტი­უ­რე­ბი, წინა სე­ზო­ნე­ბის­გან გან­სხვა­ვე­ბით, არხზე უფრო ფარ­თოდ იქ­ნე­ბა წარ­მოდ­გე­ნი­ლი ეკო­ნო­მი­კუ­რი და ბიზ­ნეს­სი­ახ­ლე­ე­ბი. დაგ­ვე­მა­ტე­ბა დი­ლის გა­და­ცე­მაც. მო­გეხ­სე­ნე­ბათ, თი­თო­ე­უ­ლი ადა­მი­ა­ნის­თვის ძა­ლი­ან მნიშ­ვნე­ლო­ვა­ნია რო­გორ და­ი­წყე­ბა მისი ყო­ვე­ლი დღე, ჩვენს მა­ყუ­რე­ბელს მხი­ა­რულ და სა­ინ­ტე­რე­სო დი­ლის ეთე­რებს ვპირ­დე­ბით,. ვუ­სურ­ვებთ, რომ პო­ზი­ტი­უ­რი გან­წყო­ბა, რო­მელ­საც ჩვე­ნი გა­და­ცე­მით შე­ვუქ­მნით, მთე­ლი დღის გან­მავ­ლო­ბა­ში გაჰ­ყვეთ.

სა­ღა­მოს ეთე­რიც არა­ნაკ­ლებ სა­ინ­ტე­რე­სო იქ­ნე­ბა - პო­ლი­ტი­კუ­რი და ანა­ლი­ტი­კუ­რი, ერ­თმა­ნე­თის­გან გან­სხვა­ვე­ბუ­ლი გა­და­ცე­მე­ბით დატ­ვირ­თუ­ლი. აქამ­დე თუ მა­ყუ­რე­ბელს ვთა­ვა­ზობ­დით ერთ გა­და­ცე­მას კვი­რა­ში 5-ჯერ, ახლა რამ­დე­ნი­მე პო­ლი­ტი­კურ-ანა­ლი­ტი­კუ­რი გა­და­ცე­მა გავა, სხვა­დას­ხვა წამ­ყვა­ნე­ბით.

სა­ინ­ფორ­მა­ციო გა­და­ცე­მე­ბის ფორ­მატ­შიც ცვლი­ლე­ბა გვაქვს. მო­გეხ­სე­ნე­ბათ, აქამ­დე ჩვე­ნი სა­ინ­ფორ­მა­ციო გა­მოშ­ვე­ბე­ბი კო­ლა­ჟუ­რი სა­ხით გა­დი­ო­და ეთერ­ში, რა­საც არც ახლა ვღა­ლა­ტობთ, თუმ­ცა ახლა მათ და­ე­მა­ტე­ბა წამ­ყვა­ნი­ა­ნი სა­ინ­ფორ­მა­ციო გა­და­ცე­მე­ბიც, წამ­ყვა­ნე­ბი უკვე შერ­ჩე­უ­ლი გვყავს. სა­ინ­ფორ­მა­ციო გა­და­ცე­მის მომ­ზა­დე­ბა­ზე დიდი გუნ­დი მუ­შა­ობს. მას­ში იქ­ნე­ბი­ან ჩარ­თუ­ლე­ბი რო­გორც სა­ინ­ფორ­მა­ციო სამ­სა­ხუ­რის, ასე­ვე ჟურ­ნა­ლის­ტე­ბის მთე­ლი შე­მად­გენ­ლო­ბა ზო­გა­დად ჩვე­ნი დიდი ნი­უს­რუ­მი­დან, რომ­ლე­ბიც უამ­რავ სი­ახ­ლეს მოგ­ვიყ­ვე­ბი­ან.

- რა­ტომ უნდა გა­ა­კე­თოს მა­ყუ­რე­ბელ­მა არ­ჩე­ვა­ნი "პა­ლიტ­რა­ნი­უს­ზე"?

- ბევ­რი სი­ახ­ლე ჩა­მოვ­თვა­ლე, ბევ­რი რამ შე­იც­ვლე­ბა ამ არხზე, მაგ­რამ არ შე­იც­ვლე­ბა ჩვე­ნი და­მო­კი­დე­ბუ­ლე­ბა საქ­მის მი­მართ. არ შე­იც­ვლე­ბა ძი­რი­თა­დი - ის, რის გა­მოც აქამ­დეც მა­ყუ­რე­ბელ­ში სიმ­პა­თი­ას, სიყ­ვა­რულ­სა და ერ­თგუ­ლე­ბას ვიწ­ვევ­დით და ამას ამ სე­ზონ­ზეც გა­ვაგ­რძე­ლებთ, კვლავ ვიქ­ნე­ბით მი­უ­კერ­ძო­ებ­ლე­ბი, თა­ვი­სუფ­ლე­ბი, მარ­თლე­ბი, მა­ყუ­რე­ბელს ვე­ტყვით სი­მარ­თლეს და მი­ვაწ­ვდით გა­და­მოწ­მე­ბულ ინ­ფორ­მა­ცი­ას, რა­საც აქამ­დეც ვა­კე­თებ­დით. საქ­მი­სად­მი და­მო­კი­დე­ბუ­ლე­ბა, პრო­ფე­სი­ო­ნა­ლიზ­მი, ჟურ­ნა­ლის­ტუ­რი ეთი­კის პა­ტი­ვის­ცე­მა, სტან­დარ­ტე­ბის დაც­ვა - ეს იყო და არის "პა­ლიტ­რა­ნი­უ­სის" პრი­ო­რი­ტე­ტი.

კი­დევ ერთი მნიშ­ვნე­ლო­ვა­ნი სი­ახ­ლე გვაქვს - და­ვი­წყეთ სა­კუ­თა­რი თა­ვის ერ­თგვა­რი "გა­და­ფუთ­ვა", გაპ­რან­ჭვა, ანუ ახა­ლი სტუ­დია გვექ­ნე­ბა. ჩვე­ნი სტუ­დი­უ­რი გა­და­ცე­მე­ბი იქ­ნე­ბა გა­ნახ­ლე­ბუ­ლი და თა­ნა­მედ­რო­ვე. ვცდი­ლობთ მი­ვუ­ახ­ლოვ­დეთ სივ­რცის მო­წყო­ბის, ალ­ბათ უფრო ამე­რი­კულ სტან­დარტს, სა­დაც გა­და­ცე­მე­ბი ერ­თმა­ნე­თის­გან მკვეთ­რად გა­მიჯ­ნუ­ლი არ არის, გა­და­ცე­მი­დან გა­და­ცე­მა­ში ძა­ლი­ან და­ახ­ლო­ე­ბუ­ლია სტუ­დი­ე­ბი ერ­თმა­ნეთ­თან ვი­ზუ­ა­ლუ­რა­დაც, ლო­ჯის­ტი­კი­თაც და მდე­ბა­რე­ო­ბი­თაც. ჩვენც ზუს­ტად ამ მი­მარ­თუ­ლე­ბით წა­ვე­დით, - ის სივ­რცე, სა­დაც აქამ­დე ჩვე­ნი გა­და­ცე­მე­ბი გა­დი­ო­და, მთლი­ა­ნად გა­ვა­ერ­თი­ა­ნეთ, ვაქ­ცი­ეთ ერთ დიდ გა­და­სა­ღებ მო­ედ­ნად, სა­ი­და­ნაც გავა პო­ლი­ტი­კუ­რი თოქ-შო­უ­ე­ბი, ნი­უს­გა­მოშ­ვე­ბე­ბი, ბიზ­ნეს­გა­და­ცე­მე­ბი, დი­ლის გა­და­ცე­მაც... ეს ყვე­ლა­ფე­რი ერთ დიდი სივ­რცე­ში მო­ვაქ­ცი­ეთ, რაც სა­ყუ­რებ­ლა­დაც და სა­მუ­შა­ო­დაც ძა­ლი­ან სა­ინ­ტე­რე­სოა. გპირ­დე­ბით, რომ გან­სხვა­ვე­ბუ­ლი და სა­ინ­ტე­რე­სო ეთე­რე­ბი გე­ლო­დე­ბათ "პა­ლიტ­რა­ნი­უს­ზე". ამა­ში აუ­ცი­ლებ­ლად დარ­წმუნ­დე­ბა მა­ყუ­რე­ბე­ლი 13 სექ­ტემ­ბრის სა­ღა­მო­დან, რო­დე­საც "360 გრა­დუ­სით" ემა ტუ­ხი­აშ­ვი­ლი შევა ეთერ­ში და სე­ზონს გახ­სნის. ამ გა­ო­ცე­ბას გა­ვაგ­რძე­ლებთ 14 სექ­ტემ­ბრი­დან, რო­დე­საც დი­ლის გა­და­ცე­მა და­ი­წყე­ბა. ასე გაგ­რძელ­დე­ბა შემ­დგომ­შიც...

ეკა წივ­წი­ვა­ძე, "პა­ლიტ­რა­ნი­უ­სის" სა­ინ­ფორ­მა­ციო სამ­სა­ხუ­რის ხელ­მძღვა­ნე­ლი:

- წელს ძი­რე­უ­ლი ცვლი­ლე­ბე­ბი გვაქვს, ასე­თი ცვლი­ლე­ბა "პა­ლიტ­რა­ნი­უს­ზე" სა­ინ­ფორ­მა­ციო გა­მოშ­ვე­ბე­ბის მი­მარ­თუ­ლე­ბით აქამ­დე არ გან­ხორ­ცი­ე­ლე­ბუ­ლა. გვქონ­და მხო­ლოდ ე.წ. კო­ლა­ჟუ­რი სა­ინ­ფორ­მა­ციო გა­მოშ­ვე­ბე­ბი. კო­ლა­ჟუ­რი სის­ტე­მა ახ­ლაც რჩე­ბა, თუმ­ცა ცენ­ტრა­ლურ მო­ნაკ­ვე­თებ­ზე გვექ­ნე­ბა წამ­ყვა­ნი­ა­ნი გა­მოშ­ვე­ბე­ბი, პლუს ამას დღის შე­მა­ჯა­მე­ბე­ლი გა­და­ცე­მა ეთერ­ში 19.30 სა­ათ­ზე გავა. მთლი­ა­ნო­ბა­ში დღის გან­მავ­ლო­ბა­ში 12 სა­ინ­ფორ­მა­ციო გა­და­ცე­მა გვექ­ნე­ბა - ახალ ამ­ბებს სა­ათ­ში ერთხელ გან­ვა­ახ­ლებთ.

აქამ­დე არ გვქო­და ფორ­მა­ტი, რო­მე­ლიც ჟურ­ნა­ლის­ტებს მის­ცემ­და სი­უ­ჟე­ტე­ბის გა­კე­თე­ბის სა­შუ­ა­ლე­ბას, რად­გან კო­ლა­ჟი არ ით­ვა­ლის­წი­ნებ­და სი­უ­ჟე­ტე­ბის ინ­ტეგ­რა­ცი­ას. ახლა კი ჩვე­ნი სა­ინ­ფორ­მა­ციო გა­მოშ­ვე­ბე­ბი და­იტ­ვირ­თე­ბა რე­პორ­ტა­ჟე­ბით, სი­უ­ჟე­ტე­ბით, გვექ­ნე­ბა უფრო მეტი ჩარ­თვა, მეტი ლა­ი­ვი... ბუ­ნებ­რი­ვია, ეს ბევრ სირ­თუ­ლეს­თან არის და­კავ­ში­რე­ბუ­ლი - თუმ­ცა ვფიქ­რობ, რომ თავს გა­ვარ­თმევთ.

"ნი­უს­რუ­მის“ შე­მად­გე­ლო­ბა­შიც ცვლი­ლე­ბე­ბია, რამ­დე­ნი­მე ძვე­ლი ჟურ­ნა­ლის­ტი გა­მოგ­ვაკ­ლდა, ზოგი სა­ზღვარ­გა­რეთ სას­წავ­ლებ­ლად წა­ვი­და, ზოგი - სხვა მე­დი­ა­სა­შუ­ა­ლე­ბებ­ში აგ­რძე­ლებს კა­რი­ე­რას, თუმ­ცა ძა­ლი­ან კარ­გი და სა­ინ­ტე­რე­სო მა­ტე­ბა გვაქვს. კონ­კურ­სის წე­სით შერ­ჩე­უ­ლი, ახა­ლი ჟურ­ნა­ლის­ტე­ბი დაგ­ვე­მატ­ნენ. სხვა­თა შო­რის, ბევ­რი მსურ­ვე­ლი იყო, 100-ზე მეტი გან­ცხა­დე­ბა შე­მო­ვი­და, გა­სა­უბ­რე­ბის რამ­დე­ნი­მე ეტა­პი ჩა­ვა­ტა­რეთ და ვფიქ­რობ, რომ სა­უ­კე­თე­სო­ე­ბი შე­ვარ­ჩი­ეთ.

- წამ­ყვა­ნებ­თან და­კავ­ში­რე­ბით გკი­თხავთ, ვინ იქ­ნე­ბი­ან ისი­ნი, იც­ნობს მა­ყუ­რე­ბე­ლი თუ სრუ­ლი­ად ახა­ლი სა­ხე­ე­ბი არი­ან?

- ჩვენ სრუ­ლი­ად ახალ სა­ხე­ებს ვთა­ვა­ზობთ მა­ყუ­რე­ბელს. მა­რი­ამ ჩი­ქო­ვა­ნი არის "პა­ლიტ­რა­ნი­უ­სის" ჟურ­ნა­ლის­ტი. ის კვლავ იმუ­შა­ვებს, რო­გორც ჟურ­ნა­ლის­ტი, მაგ­რამ ამას­თა­ნა­ვე, დი­ლის ახალ ამ­ბებ­საც გა­აც­ნობს მა­ყუ­რე­ბელს. სა­ღა­მოს ეთერს კი - თეკ­ლა კუ­ჭუ­ხი­ძე წა­რუ­ძღვე­ბა. თეკ­ლა ჟურ­ნა­ლის­ტია, "პა­ლიტ­რის" ახა­ლი სახე, რო­მე­ლიც უკვე ძა­ლი­ან შე­იყ­ვა­რა მთელ­მა გუნ­დმა და იმე­დია, ასე­თი­ვე სიყ­ვა­რულს და­იმ­სა­ხუ­რებს მა­ყუ­რებ­ლის­გა­ნაც. შუ­ა­დღის ეთე­რი­დან მა­ყუ­რე­ბელს მე მი­ვე­სალ­მე­ბი.

- საკ­მა­ოდ დიდი კონ­კუ­რენ­ცი­აა მე­დი­ა­სივ­რცე­ში. თით­ქმის ყვე­ლა არხზე გა­დის ამა­ვე ფორ­მა­ტის სა­ინ­ფორ­მა­ციო გა­მოშ­ვე­ბე­ბი. რო­გორ და­იმ­კვიდ­რებთ მათ შო­რის სა­პა­ტიო ად­გილს და რო­გორ ფიქ­რობთ, რითი ხართ გა­მორ­ჩე­უ­ლი, რის გა­მოც მა­ყუ­რე­ბელ­მა თქვენს სა­სარ­გებ­ლოდ უნდა გა­ა­კე­თოს არ­ჩე­ვა­ნი?

- თა­ვის დრო­ზე, კო­ლა­ჟუ­რი სის­ტე­მით კონ­კუ­რენ­ცი­ა­ში შეს­ვლა საკ­მა­ოდ რთუ­ლი იყო, რად­გან ჩვე­ნი მა­ყუ­რე­ბე­ლი მიჩ­ვე­უ­ლი იყო იმას, რონ ეკ­რა­ნი­დან წამ­ყვა­ნი ესა­უბ­რე­ბო­და, თუმ­ცა კო­ლა­ჟურ­მა სის­ტე­მამ გა­ა­მარ­თლა. მა­ყუ­რე­ბე­ლი ხში­რად აღ­ნიშ­ნავს, რომ მოკ­ლე სა­ინ­ფორ­მა­ციო კო­ლა­ჟე­ბით ისი­ნი დრო­ის მოკ­ლე მო­ნაკ­ვეთ­ში იღებ­დნენ დღის ყვე­ლა მნიშ­ვნე­ლო­ვან სი­ახ­ლეს. კო­ლა­ჟებს ამი­ტო­მაც ვტო­ვებთ, თუმ­ცა იმის­თვის, რომ კი­დევ უფრო კონ­კუ­რენ­ტუ­ნა­რი­ა­ნე­ბი გავ­ხდეთ, გა­დავ­წყვი­ტეთ დაგ­ვე­მა­ტე­ბი­ნა წამ­ყვა­ნე­ბი და გაგ­ვე­კე­თე­ბი­ნა ტრა­დი­ცი­უ­ლი სა­ინ­ფორ­მა­ციო გა­და­ცე­მე­ბი.

რო­დე­საც გვქონ­და გა­სა­უბ­რე­ბა ჟურ­ნა­ლის­ტებ­თან, ვე­კი­თხე­ბო­დით, რა­ტომ უნ­დათ ჩვენ­თან მუ­შა­ო­ბა, მათი პირ­ვე­ლი პა­სუ­ხი იყო, - იმი­ტომ, რომ "პა­ლიტ­რა­ნი­უ­სი" არ არის მხა­რე, იმი­ტომ რომ "პა­ლიტ­რა­ნი­უ­სი" არის ობი­ექ­ტუ­რი, იმი­ტომ, რომ პა­ლიტ­რა­ნი­უ­სი არ არის რო­მე­ლი­მე პარ­ტი­ას­თან აფი­ლი­რე­ბუ­ლი და ვფიქ­რობ, თუ ჟურ­ნა­ლის­ტე­ბი ამას ხე­და­ვენ, მი­თუ­მე­ტეს ხე­დავს მა­ყუ­რე­ბე­ლი. "პა­ლიტ­რა­ნი­უ­სის" მა­ყუ­რე­ბელ­მა იცის, რომ აქ ამ­ბე­ბი გა­დის ინ­ტერპრე­ტა­ცი­ე­ბის გა­რე­შე. აქ არის მხო­ლოდ ფაქ­ტე­ბი და არ­გუ­მენ­ტი­რე­ბულ ანა­ლი­ტი­კა­ზე და­ფუძ­ნე­ბუ­ლი ინ­ფორ­მა­ცია. ჩვენ არ ვართ მი­კერ­ძო­ე­ბუ­ლე­ბი, ჩვენ არ ვართ მხა­რე, არ ვა­ტა­რებთ რო­მე­ლი­მე პო­ლი­ტი­კუ­რი პარ­ტი­ის ინ­ტე­რე­სებს, შე­სა­ბა­მი­სად, ჩვენ ძა­ლი­ან გა­მორ­ჩე­უ­ლი მე­დი­ა­სა­შუ­ა­ლე­ბა ვართ, იშ­ვი­ა­თიც - ამ მხრივ ვფიქ­რობ, ჩვენ უკონ­კუ­რენ­ტო­ე­ბიც კი გვეთ­ქმის. ამი­ტომ, ზუს­ტად ვი­ცით, მე­დი­ა­წიგ­ნი­ე­რი მა­ყუ­რე­ბე­ლი არ­ჩე­ვანს ჩვენ­ზე შე­ა­ჩე­რებს.

კატო ოცხე­ლი, "დი­ლის პა­ლიტ­რის" პრო­დი­უ­სე­რი:

- "პა­ლიტ­რა­ნი­უსს" ყო­ველ­თვის ჰყავ­და თა­ვი­სი მა­ყუ­რე­ბე­ლი, მსმე­ნე­ლი და მკი­თხვე­ლი და მათ ყო­ველ­თვის აქვთ მო­ლო­დი­ნი, რომ ჩვენ ვიქ­ნე­ბით ობი­ექ­ტუ­რე­ბი, მი­უ­კერ­ძო­ებ­ლე­ბი, პრო­ფე­სი­ო­ნა­ლე­ბი. ახლა დად­გა დრო, რომ ტე­ლე­ვი­ზი­ამ თა­ვი­დან, კი­დევ ერთხელ, თა­ვი­სი ობი­ექ­ტუ­რი სი­ტყვა თქვას ღია სივ­რცე­ში. ამი­ტომ, ამ გუნ­დმა და მის­მა ხელ­მძღვა­ნე­ლო­ბამ გა­და­წყვე­ტი­ლე­ბა მი­ი­ღეს, რომ ახა­ლი სე­ზო­ნის­თვის ძირ­ფეს­ვი­ა­ნი ცვლი­ლე­ბე­ბით შეხ­ვდნენ მა­ყუ­რე­ბელს. შე­იც­ვა­ლა ძა­ლი­ან ბევ­რი რამ, რო­გორც სტრუქ­ტუ­რა­ში, ასე­ვე ტე­ლე­ვი­ზი­ის ფორ­მატ­ში. შე­იც­ვა­ლა დი­ლის ეთე­რიც, გვე­მა­ტე­ბა გა­და­ცე­მა "დი­ლის პა­ლიტ­რა", სა­დაც ძა­ლი­ან სა­ინ­ტე­რე­სო თე­მე­ბი იქ­ნე­ბა მო­წო­დე­ბუ­ლი, სა­ინ­ტე­რე­სო სა­ხე­ე­ბი იქ­ნე­ბა წარ­მოდ­გე­ნი­ლი, ძა­ლი­ან კარ­გი წამ­ყვა­ნე­ბით - ცნო­ბილ სა­ხე­ებ­თან ერ­თად, რო­მელ­თაც კარ­გად იც­ნო­ბენ ჩვე­ნი მა­ყუ­რებ­ლე­ბი, ბევ­რი ახა­ლი სა­ხეც გვე­ყო­ლე­ბა. "დი­ლის პა­ლიტ­რა" არის ერთ-ერთი ყვე­ლა­ზე მნიშ­ვნე­ლო­ვა­ნი პრო­ექ­ტი, რაც კი ახლა, ახალ სე­ზონ­ზე ელო­დე­ბა ჩვენს მა­ყუ­რე­ბელს.

- ვინ იქ­ნე­ბი­ან "დი­ლის პა­ლიტ­რის" წამ­ყვა­ნე­ბი, რა თე­მე­ბი გა­იშ­ლე­ბა?

- დილა იქ­ნე­ბა, რო­გო­რი დაკ­ვე­თაც მო­დის მა­ყუ­რებ­ლის­გან, მათ აინ­ტე­რე­სებთ მშობ­ლე­ბის თემა, ბავ­შვე­ბის თემა, სა­მე­დი­ცი­ნო მი­მარ­თუ­ლე­ბა, სა­მეც­ნი­ე­რო მი­მარ­თუ­ლე­ბა, კი­ნო­ლო­გია, ფლო­რის­ტი­კა, დი­ზა­ი­ნი, ჯან­მრთე­ლო­ბა, ეს­თე­ტი­კა - ყვე­ლა ამ სფე­როს მო­ი­ცავს დი­ლის გა­და­ცე­მა და მაქ­სი­მა­ლუ­რად შემ­ჭიდ­რო­ე­ბუ­ლად შე­ვეც­დე­ბით, რომ ყვე­ლა­ფერ­ზე ვი­სა­უბ­როთ, თა­ნაც სა­ინ­ტე­რე­სო და აქ­ტუ­ა­ლუ­რი თე­მე­ბი შევ­თა­ვა­ზოთ.

რაც შე­ე­ხე­ბა წამ­ყვა­ნებს, თამ­თა ასა­თი­ა­ნი და ლე­ვან ლა­უ­და­ძე არი­ან დი­ლის გა­და­ცე­მის წამ­ყვა­ნე­ბი. მათ­თან ერ­თად ბევ­რი ახა­ლი სახე, სა­ინ­ტე­რე­სო კო­რეს­პონ­დენ­ტი შე­მოგ­ვი­ერ­თდე­ბა დრო­თა გან­მავ­ლო­ბა­ში, ეტა­პობ­რი­ვად, სა­ინ­ტე­რე­სო მი­მარ­თუ­ლე­ბე­ბი­თა და რუბ­რი­კე­ბით.

"დი­ლის პა­ლიტ­რის" მთე­ლი გუნ­დი დიდი მონ­დო­მე­ბით ვემ­ზა­დე­ბით მა­ყუ­რე­ბელ­თან შე­სახ­ვედ­რად. ერ­თმა­ნეთს შევ­ხვდე­ბით 14 სექ­ტემ­ბერს, "პა­ლიტ­რა­ნი­უს­ზე" დი­ლის ეთერ­ში.

ავ­თან­დილ წე­რე­თე­ლი, "პა­ლიტ­რა­ნი­უ­სის" დი­რექ­ტო­რი:

- პა­ლიტ­რა­ნი­უ­სის" გუნდს სამი თვის წინ შე­ვუ­ერ­თდი, რაც დიდი პა­ტი­ვი და სა­ინ­ტე­რე­სო გა­მოწ­ვე­ვაა ჩემ­თვის. "პა­ლიტ­რა მე­დი­ის" ნა­წი­ლი ვართ და თა­ვი­სუ­ფა­ლი მე­დი­ა­ბიზ­ნე­სის 26 - წლი­ა­ნი ტრა­დი­ცია გვი­მაგ­რებს ზურგს. მა­ყუ­რებ­ლის თა­ვი­სუ­ფა­ლი აზ­რი­სად­მი პა­ტი­ვის­ცე­მა ყო­ველ­თვის გა­მო­არ­ჩევ­და "პა­ლიტ­რა­ნი­უსს", ამი­ტო­მაც ვგრძნობთ მუდ­მი­ვად მა­ყუ­რებ­ლის­გან დიდ ნდო­ბას და ერ­თგუ­ლე­ბას, დიდი მად­ლო­ბა მათ ამის­თვის! ასე­ვე მად­ლო­ბა მთელ ჩვენს გუნდს თავ­და­დე­ბუ­ლი შრო­მის­თვის, რათა ღირ­სე­უ­ლად წარვდგეთ მა­ყუ­რებ­ლის წი­ნა­შე. "პა­ლიტ­რა­ნი­უსს" დიდ წარ­მა­ტე­ბას ვუ­სურ­ვებ ახალ სე­ზონ­ზე!