"ძალაუფლებისგან ჩემი ჩამოშორება მხოლოდ ღმერთს შეუძლია" - ბრაზილიის პრეზიდენტი
ბრაზილიის ულტრამემარჯვენე პრეზიდენტმა ჟაირ ბოლსონარუმ ქვეყნის დამოუკიდებლობის დღეს სიტყვით გამოსვლისას, სან პაულუს ცენტრში შეკრებილ ათიათასობით მომხრეს მიმართა და განაცხადა, რომ ძალაუფლებისგან მისი ჩამოშორება მხოლოდ ღმერთს შეუძლია.
ამასთანავე, ბოლსონარუმ აღნიშნა, რომ ის და მისი პოლიტიკური მოკავშირეები უზენაესი სასამართლოსა და სხვადასხვა ინსტიტუტისაგან დევნის მსხვერპლნი არიან.
ცოტა ხნის წინ სასამართლომ ბოლსონარუსთან დაკავშირებულ რამდენიმე საქმეზე გამოძიება დაიწყო. BBC-ის ინფორმაციით, პრეზიდენტის რეიტინგი ქვეყანაში საგრძნობლად დაეცა. ატლას ინსტიტუტის მიერ ჩატარებული გამოკითხვის შედეგად ბრაზილიელთა 61 პროცენტი მთავრობის საქმიანობას უარყოფითად აფასებს. ეს მაჩვენებელი 2019 წელს, მისი მმართველობის დასაწყისში, მხოლოდ 23 პროცენტზე იყო.