"ისტერიკულად მწერენ, რომ მე ვარ შენი ქმრის საყვარელიო..." - სალომე გოგიაშვილი პირად ცხოვრებაზე უხერხულ შეკითხვებს გულახდილად პასუხობს
ოთხი შვილის დედა, ჟურნალისტი და ტელეწამყვანი სალომე გოგიაშვილი ხშირად საუბრობს ისეთ თემებზე, რაც საზოგადოებაში დისკუსიას იწვევს. ცოტა ხნის წინ ერთ-ერთ მედიასთან ინტერვიუში განაცხადა, რომ წყალს არ სვამს, რასაც მისი მისამართით კრიტიკა მოჰყვა. სალომეს სამი ქორწინებიდან ოთხი შვილი ჰყავს. „ფორმულას“ გადაცემაში „ყვითელი დილა“ გულახდილად ისაუბრა, მისთვის ყველაზე უხერხულ თემებზე...
ჭორები
"ოჯახურ ურთიერთობებში თუ ორივე მხარემ რესტარტი არ გააკეთა, ყველაფერი გადის. მე ძირითადად ამ დროს შვილებს ვაჩენ. რაც შეეხება ჭორებს, სულ მესმის, ყველა ჭორი მოდის ჩემამდე. გამოვიმუშავე, რომ ამაზე რეაქცია აღარ მქონდეს, უბრალოდ ვხალისობ. ბოლო ჭორი გავიგე, რომ ახლახან სახლში მილიონი გადამიხდია. ვიღაცები ისტერიკულად მწერენ, რომ მე ვარ შენი ქმრის საყვარელი, ჩვენ ახლა ერთად ვართო, ამ დროს ჩემი ქმარი სახლშია".
წყალი
"სამწუხაროდ არ მახსოვს რა ჰქვია ამ პრობლემას სამედიცინო ენაზე, მაგრამ ჩემი ორგანიზმი წყალს არ იღებს. ერთ-ერთ გამოცემასთან ინტერვიუში ვთქვი, რომ წყალს არ ვსვამდი და მლანძღავდნენ, რატომ, არ ვიცი, მე არ ვსვამ წყალს, სხვას ხომ არ მოვუწოდებ. არ იღებს ჩემი ორგანიზმი, საშინელი ინტოქსიკაცია მეწყება".
ლაპარაკობენ...
"ყველაფერი შეიცვალა საკუთარ გარეგნობაშიო. არაფერი შემიცვლია, მხოლოდ ცხვირი გავისწორე, რადგან გატეხილი მქონდა და სუნთქვაში ხელს მიშლიდა. ბარემ პლასტიკაც მივაყოლე, აქ მთავრდება ჩემი პლასტიკური ქირურგია".
ინტუიცია
"ხშირად იცინიან ჩემ ინტუიციაზე, მაგრამ მართლა მაქვს ეს გრძნობა. ერთხელ ჩემი შვილი ექსკურსიაზე მიდიოდა და მოულოდნელად დავინახე, რომ მანქანას რაღაც უნდა დამართნოდა. მაშინ ვთქვი, რომ აღარ გავუშვებდი, მაგრამ გადამაფიქრებინეს. ბოლო მომენტში ჩემი მანქანით წავედი და ბავშვი იქ ჩავსვი. ჩვენს წინ მიმავალი ექსკურსიის მანქანა აღმართზე დაგორდა და ხეებმა გააჩერეს..."