მნიშვნელოვანი ინფორმაცია
19
ივლისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 00:21-ზე – დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული აჩქარება, აქტიურობა. ხელშეკრულებების და კონტრაქტების გაფორმება. გადაწყვეტილებების მიღება. დღე ხელსაყრელია მოგზაურობისა და მივლინებისთვის. დღე შესაფერისია ორგანიზმის გასაწმენდად. არ არის რეკომენდებული სოკოსა და ნესვის ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არ იყო ტრანსპორტირება, არ იყო საჭმელი... არაფერს ვიტყვი ხელფასებზე, რაც სასაცილოა" - ქართველი მოდელების უფლებებს აწი პროფკავშირი დაიცავს, რას პასუხობს სოფო ჭყონია ახალ წამოწყებას?
10:26 / 07-09-2021
საქართველოში მოდის ინდუსტრიაში დასაქმებულთა პროფესიული კავშირი იქმნება. ამის შესახებ ანონსი უფლებადამცველმა იდა ბახტურიძემ სოციალურ ქსელში გამოაქვეყნა, თან აღნიშნა, რომ შეხვედრაზე მიწვეული იყო ყველა სამოდელო სააგენტო და მათ შორის სოფო ჭყონია, როგორც "მერსედეს ფეშენ ვიკის“ წარმომადგენელი, თუმცა დასწრება მხოლოდ ერთმა გადაწყვიტა და ის არ ყოფილა სოფო ჭყონია...
იდა ბახტურიძე:
"პრესკონფერენციის შემდეგ დახურული სამუშაო შეხვედრა გაგრძელდება მოდის ინდუსტრიაში დასაქმებულთა შრომის უფლებების შესახებ, სადაც განხილული იქნება მოდის სფეროში დისკრიმინაციული და კანონშეუსაბამო შრომითი პრაქტიკები, არსებული გამოწვევების გადაჭრის გზები და შესაბამისი უწყებების როლი მოდის ინდუსტრიაში დასაქმებულთა უფლებების დასაცავად.
აქვე გეტყვით, რომ ამ შეხვედრაზე მოწვეული იყო სოფო ჭყონია ანუ Mercedes-Benz Fashion Week TBILISI და ყველა სამოდელო სააგენტო. მხოლოდ ერთი იქნება შეხვედრაზე, რომელიც ისაუბრებს ამ სფეროში არსებულ გამოწვევებზე და სამოდელო სააგენტოების როლზე", - წერს და ბახტურიძე.
უდლებადამცველს მალე სოფო ჭყონიამ სოციალურ ქსელში უპასუხა:
"ქალბატონო იდა ბახტურიძე, მე თქვენ წერილობით უკვე რამდენჯერმე შეგატყობინეთ რომ შეხვედრას ვერ დავესწრები და მიზეზებიც მოგახსენეთ. კარგი იქნება თუ პირველი შეხვედრის ფარგლებში დამსაქმებლებთან ჩამოყალიბდება წესი და მუშაობის სქემა, რასაც ჩვენ გავეცნობით, ვინაიდან არ ვართ პირდაპირი დამსაქმებელი. ჩვენ მაქსიმალურად გავითვლისწინებთ ამ წესებს, როგორც არაერთხელ გავაჟღერე, როდესაც საქართველოში ისევ ჩავატარებთ მოდის კვირეულს.
ჩვენი წვლილი ქართული მოდის ინდუსტრიის განვითარებაში ნათლად ჩანს", - წერს ჭყონია.
სტატუსის კომენტარებში იდა ბახტურიძესა და სოფო ჭყონიას შორის დიალოგი გაიმართა, სადაც ჭყონიამ აღნიშნა, რომ მას მოდის სფეროში დასაქმებული ადამიანების შრომითი უფლებები არ აღელვებდა, რადგან მას არ ეხებოდა.
იდა ბახტურიძე: ქალბატონო სოფო, მეც ეს დავწერე, რომ შეხვედრაზე არ იქნებით. მესმის, რომ დამსაქმებელი თქვენ შეიძლება არ ხართ, მაგრამ ამ სფეროს წარმომადგენელთა პრობლემებზე სასაუბროდ ვიკრიბებით. ამიტომ, კარგი იქნებოდა თქვენი ან თქვენი წარმომადგენლების მონაწილეობა იმ მრავალწლიანი გამოცდილებებიდან გამომდინარე, რაც ამ სფეროში გაქვთ, პრობლემების მოგვარებაზე ერთად გვმესჯელა.
სოფო ჭყონია: თქვენ იმსჯელეთ და როდესაც ჩვენ საქართველოში გავაკეთებთ კიდევ პროექტს, ჩვენ გავითვალისწინებთ.
იდა ბახტურიძე: ჩვენ ვაპირებთ შეხვედრას, მაგრამ თქვენგან ეს დამოკიდებულება მართალი გითხრათ მიკვირს. მაშინ როცა ამბობთ, რომ არსებული პრობლემები თქვენც გაღელვებთ.
სოფო ჭყონია: არ მაღელვებს რადგან არ მეხება. წერილშიც მოგწერეთ. დამსაქმებლების და მათი დასაქმებულების გასარკვევია. მე არც ერთი ვარ და არც მეორე. წარმატებები თქვენს წამოწყებაში
ყველაფერი კი 2021 წლის მაისში დაიწყო, როდესაც Mercedes-Benz-ის მოდის კვირეული, რომლის ორგანიზატორიც სოფო ჭყონია გახლავთ სკანდალში გაეხვა. მაშინ მოდელებმა საკუთარ უფლებებზე ღიად დაიწყეს საუბარი. მოდელები სოციალურ ქსელში ღიად წერდნენ, კვების, ტრანსპორტის და ელემენტარული საჭიროებების არქონის შესახებ. მარიშა ურუშაძე იყო პირველი მოდელი, რომელმაც ინსტაგრამ სთორიში მოდის კვირეულის მისამართით კრიტიკა არ დაიშურა:
"გახსოვდეთ, რომ გოგოების ნახევარს პერიოდი ჰქონდა და ზოგიერთ მათგანს კიბეზე მოუწია ტამპონების გამოცვლა. არ იყო ტრანსპორტირება, არ იყო საჭმელი, დაბოლოს, რაღაცნაირად აღმოჩნდა, რომ ეს არავის ბრალი იყო. არც კი დავიწყებ საუბარს ხელფასებზე, რომლებიც სასაცილოა იმასთან შედარებით, რისი გაკეთებაც გვიწევს”, - ამბობდა მოდელი.
"ამ ბიზნესში ადამიანის უფლებების დარღვევა უნდა დასრულდეს! მოდელებს ისე ექცევიან, როგორც მონებს. მათ ძალიან რთულ პირობებში ადეკვატური ანაზღაურების გარეშე უწევთ მუშაობა. საქართველოში ხალხმა უნდა გაიგოს, რომ მოდელობა არ არის, უბრალოდ, ჰობი, ან გართობა, ეს პროფესიაა, რომელიც შრომას მოითხოვს!“ - წერდა "ინსტაგრამზე" თაკო ნაცვლიშვილი.
მოდელების პრეტენზიებს მოგვიანებით Mercedes-Benz-ის მოდის კვირეულის ორგანიზატორმა სოფო ჭყონიამ სატელევიზიო სივრცეში უპასუხა და აღნიშნა, რომ მათ არ ეხებოდათ, კვება და ანაზღაურება და ის დიზაინერები აგებდნენ პასუხს, რომლებიც მოდელებს თავისი ჩვენებებისთვის ქირაობდნენ. რაც შეეხება სველ წერტილებს, ამაზე საუბარი ჭყონიასთვის უხერხულიც კი აღმოჩნდა.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
"არ იყო ტრანსპორტირება, არ იყო საჭმელი... არაფერს ვიტყვი ხელფასებზე, რაც სასაცილოა" - ქართველი მოდელების უფლებებს აწი პროფკავშირი დაიცავს, რას პასუხობს სოფო ჭყონია ახალ წამოწყებას? Aq naxsenebi AWI visia statiiis avroris? Awi ara AQANE.
რამე გიკვირთ ჭყონიასგან ვისი გოგოა ხომ არ დაგავიწყდათ