მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლეგენდარული ABBA-ს "ჰოლოგრამული" დაბრუნება - როგორ გამოიყურება წლების შემდეგ ცნობილი ოთხეული?
10:10 / 06-09-2021
რამდენიმე დღის წინ ცნობილი გაxდა, რომ ლეგენდარულმა შვედურმა პოპ-ჯგუფმა ABBA-მ, პირველად ბოლო 40 წლის განმავლობაში, ორი ახალი სიმღერის პრეზენტაცია გამართა. მუსიკოსებმა ინტერნეტში საფორტეპიანო ბალადა წარმოადგინეს, სახელწოდებით: "I Still Have Faith in You“ ("მე შენი ჯერ კიდევ მჯერა“), მას თან დართული აქვს ვიდეოკლიპი, რომელშიც ახალი მუსიკა ABBA-ს ძველი გამოსვლების კადრების ფონზე ისმის.
შვედური პოპ-კვარტეტის ახალი ალბომი სახელწოდებით "Abba Voyage" 5 ნოემბერს გამოვა, შემდეგ კი მისი "ჰოლოგრაფიული გასტროლები“ გაიმართება, რომლის დროსაც სოლისტების "გამოსვლა“ ვირტუალურ გამოსახულების სახით, ნამდვილი ჯგუფისა და 10 მუსიკოსის თანხლებით მოხდება.
მეორე კომპოზიციას, რომელიც ABBA-მ საზოგადოებას წარუდგინა, "Don't Shut Me Down" ეწოდება. სულ ალბომში ჯგუფის ათი სიმღერა იქნება.
როგორც ABBA-ს მუსიკოსებმა თქვეს, მათ ახალი კოპოზიციების ჩაწერა მაშინ გადაწყვიტეს, როცა სცენურ წარმოდგენაზე მუშაობდნენ. "თავდაპირველად ჩვენ მხოლოდ ორი სიმღერის ჩაწერა გვქონდა გადაწყვეტილი, მაგრამ შემდეგ ვიფიქრეთ, რომ კარგი იქნებოდა კიდევ რამდენიმე ჩაგვეწერა“, - ამბობს ბენი ანდერსონი. ახალ ალბომს იგი ასე აღწერს: "ვფიქრობ, ის საკმაოდ კარგია. ყველაფერი გავაკეთეთ, რაც ჩვენს ასაკში შეგვეძლო“.
- "АBBA - ტარები“ მღერიან
ახალი პროექტის ვიდეოპრეზენტაციაზე, რომელიც ლონდონის ოლიმპიურ პარკში გაიმართა, ABBA-ს ჯგუფის მხოლოდ ნახევარი - მამაკაცები გამოვიდნენ: ქალები - აგნეტა ფელტსკოგი და ანი-ფრიდ ლინგსტადი მასში არ მონაწილეობდნენ. "ისინიც აქ უნდა ყოფილიყვნენ, - იხუმრა ბიორნ ულვეუსმა, - მაგრამ ქალებს ეს საჯარო გამოსვლა, ბენისაგან განსხვავებით, მაინცდამაინც არ უხარიათ“.
ABBA-ს "ვირტუალური ტური“ სახელწოდებით "Abba Voyage" მომავალი წლის 27 მაისს დაიწყება და ჩატარდება ლონდონის აღმოსავლეთ ნაწილში სპეციალურად აშენებულ დარბაზში. კონცერტები კვირაში ექვსი დღის განმავლობაში გაიმართება.
მომღერლების ავატარები (მათ არაოფიციალურად "АBBA-ატარებს“ უწოდებენ) შემუშავდა ამერიკელი კინემტოგრაფისტის ედვარდ ლუკასის კომპანიის Industrial Light and Magic-ის მიერ. როგორც ცნობილია, ედვარდ ლუკასი ჰოლივუდში ვიზუალური ეფექტების წამყვანი შემქმნელია.
მომღერლები თავიანთ ყველაზე პოპულარულ 22 ჰიტს "შეასრულებენ, მათ შორის, რასაკვირველია, Mamma Mia-ს და Waterloo-ს.
შოუს მომზადების დროს გამოყენებული იყო სპეციალური სენსორები, რომლებიც აფიქსირებდნენ ABBA-ს უკვე საკმაოდ დაბერებული მუსიკოსების მოძრაობას იმ მიზნით, რომ მათ "ახალგაზრდულ ასლებს“ უფრო რეალისტურად ემოძრავათ.
"აგნეტა, ბენი, ბიორნი და ანი-ფრიდა სცენაზე 160 კამერისა და ამავე რაოდენობის იმ გენიოსების წინაშე გამოვიდნენ, რომლებიც ვიზუალურ ეფექტებზე მუშაობდნენ“, - ჰყვება პროდიუსერი ლუდვიგ ანდერსონი, - ხუთი კვირის განმავლობაში მათ იდეალურად შეასრულეს ყველა სიმღერა, რომელიც ამ შოუში იქნება გამოყენებული“.
"ამიტომაც შოუს დროს თქვენ იმ ადამიანებს ვერ დაინახავთ, რომლებიც ABBA-ს მომღერლების როლს ასრულებენ. მომღერლები თვითონ ისინი არიან“, - ამბობს პროდიუსერი.
- რეკორდული წარმატება
ჯგუფს სახელი ABBA 1973 წელს ეწოდა. მანამდე მას Björn, Benny, Agnetha & Anni-Frid ერქვა, რომელშიც ბიორნ ულვეუსი და ბენი ანდერსონი ჯგუფ The Hep Stars-დან გადავიდნენ. ისინი უკვე ცნობილი სიმღერების ავტორები იყვნენ. თავის მხრივ, აგნეტა და ანი-ფრიდაც წარმატებით სარგებლობდნენ სოლო-შემსრულებლების ამპლუაში.
მაგრამ მათმა ერთობლივმა პროექტმა ყოველივე წინა პერიოდში შექმნილი დაჩრდილა: 1974 წელს "ევროვიზიაში“ გამარჯვების შემდეგ (სიმღერით Waterloo) ჯგუფმა თითქმის 400 მილიონი სინგლი და ალბომი გაყიდა მთელ მსოფლიოში.
მიუზიკლი "Mamma Mia!", რომელიც მათ მიერ შესრულებულ ჰიტებზეა დაფუძნებული (ბენი ულვეუსისა და ბიორნ ანდერსონის პროდიუსერობით), 50 მილიონმა ადამიანმა ნახა.
ჯგუფი წარმატებით გამოსვლებს განაგრძობდა მას შემდეგაც, რაც ცოლ-ქმარნი - ერთი მხრივ, ბიორნი და აგნეტა (1978 წელს) და მეორე მხრივ - ბიორნი და ანი-ფრიდა (1981 წელს) გაიყარნენ, მაგრამ 11 წლის არსებობის შემდეგ, 1983 წელს, მუსიკოსებმა საბოლოოდ დაშორება მაინც გადაწყვიტეს. მათი ბოლო ერთობლივი ალბომი იყო The Singles, რომელიც 1982 წელს გამოვიდა. მასში შევიდა ჰიტები: Under Attack და The Day Before You Came.
ABBA-ს წევრების ბოლოს ერთად 1986 წლის იანვარში გამოვიდნენ შვედური სატელევიზიო შოუ This Is Your Life-სათვის, რომელიც ჯგუფის მენეჯერის სტიგ ანდერსონის 55-ე დაბადების დღეს ეძღვნებოდა, მათ ჩაწერეს სიმღერის "Tivedshambo“ აკუსტიკური ვერსია.
მოამზადა სიმონ კილაძემ
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აბბას ფიროსმანს შევადარებდი, პრიმიტიული შემოქმედება მაგრამ გენიალური.
მართლაც ლეეგენდარული ჯგუფი!