ავღანეთის დედაქალაქ ქაბულის აეროპორტზე დღეს დილით სარაკეტო თავდასხმა განხორციელდა. ინფორმაციას მედიასაშუალებები თვითმხილველებსა და უსაფრთხოების სამსახურის თანამშრომლებზე დაყრდნობით ავრცელებენ.
სააგენტო Reuters-ის ცნობით, აეროპორტის მიმართულებით ხუთი რაკეტა ისროლეს, თუმცა ამერიკულმა ანტისარაკეტო სისტემამ მათი მოგერიება შეძლო და ამ დროისთვის არსებული ინფორმაციით, თავდასხმას მსხვერპლი არ მოჰყოლია.
کابل - گواهان رویداد میگویند چندین موشک با استفاده از یک موتر از منطقه خیرخانه به سمت فرودگاه کابل شلیک شده اند.
— Ariana News (@ArianaNews_) August 30, 2021
تاهنوز از تلفات و خسارات جزییات در دست نیست.#ArianaNews pic.twitter.com/3mKXLsV3Eg
როგორც BBC-ი წერს, თეთრი სახლი ადასტურებს მომხდარს, თუმცა ოფიციალური პირების ცნობით, მიუხედავად არსებული ვითარებისა, აეროპორტიდან ევაკუაცია უწყვეტად გაგრძელდება.
კონკრეტულად კი, ამერიკელი სამხედროების სამიზნე გახდა მანქანა, რომელშიც ისლამური სახელმწიფოს სულ მცირე ხუთი წარმომადგენელი იმყოფებოდა.
ამასთან, აშშ იძლევა გაფრთხილებას აეროპორტზე შესაძლო თავდასხმებზე ადამიანების ევაკუაციის დასრულებამდე. მათივე განცხადებით, ამერიკა ავღანელების ევაკუაციას ქაბულის აეროპორტიდან "უკანასკნელ მომენტამდე“ გააგრძელებს.
ცნობისთვის, აშშ და "თალიბანი“, რომელიც ახლა ავღანეთის უმეტეს ნაწილს აკონტროლებს, შეთანხმდნენ, რომ ევაკუაცია 31 აგვისტოს ჩათვლით გაგრძელდება.
ამერიკელების სამარცხვინო გაქცევა ავღანეთიდან და ტერორისტებზე საჩუქრად გადაცემული ათობით მილიარდი დოლარის უახლესი სამხედრო აღჭურვილობა. ახლა თალიბანი დომინანტი ტერორისტული გაერთიანებაა რეგიონში და ამდენად მეტად მიმზიდველი პარტნიორი სხვა ტერორისტური დაჯგუფებებისთვის. ჩნდება კითხვა მიუხედავად უზარმაზარი სამხედრო ხარჯებისა და დახვეწილი სამხედრო ტექნოლოგიებისა იციან კი ომი ამერიკელებმა? კორეა სანახევროდ წააგეს, ვიეტნამი წააგეს, სირია წააგეს და ახლა ავღანეთშიც გაასხეს. ასე რომ რისი იმედი აქვს ევროპას ან ჩვენ შესაძლო რუსულ-ჩინური სამხედრო აგრესიის შემთხვევაში?