მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს ჩვენი ქვეყნის შეურაცხყოფა და კრუტოის დანაშაულია. ყველაზე მეტად სიმღერის დამახინჯებაზე გავბრაზდი" - როგორ აფასებენ მომღერალს, რომელმაც "ახალ ტალღაზე" საქართველო წარადგინა
17:47 / 26-08-2021
„იურმალის“ სახელით ცნობილმა კონკურსმა, რომელსაც რეალურად „ახალი ტალღა“ ჰქვია ბოლო რამდენიმე წელია, იურმალიდან სოჭში გადაინაცვლა. ამ კონკურსში საქართველოდან კონკურსანტები ყოველთვის მონაწილეობდნენ და არც ისე ცუდი შედეგებით. გვახსოვს სოფო ხალვაშის გამოსვლა, „დუეტი ჯორჯიას“, ნუცა ბუზალაძის მონაწილეობა და წარმატებები. ამ კონკურსანტებს, თავის დროზე, ტელევიზიები წარადგენდნენ და ამისთვის წინასწარ შესარჩევი კონკურსები იმართებოდა.
მას მერე,რაც „ახალი ტალღა“ სოჭში ტარდება, იქ საქართველოდან კონკურსანტი აღარ ჩასულა... თუმცა წელს, ამ კონკურსზე ჩვენი ქვეყნის სახელით, სოჭში მომღერალი ნათია რიგვავა გამოჩნდა, რომელმაც პოპულარული და ქართველებისთვის საყვარელი სიმღერა „იაგუნდი“ შეასრულა. ესაა სიმღერა, რომლის არაერთი კარგი ვერსია მოგვისმენია, რომ არაფერი ვთქვათ, ნუკრი კაპანაძისა და სოფო ბათილაშვილის ნამღერზე. ნათია რიგვავას გამოსვლას ქართული მაყურებელი უარყოფითად შეხვდა სხვადასხვა მიზეზის გამო, პირველი და მთავარი კი ისაა, რომ მან საუკეთესო სიმღერა შეცდომებით იმღერა... მოკლედ, მის გამოსვლას ჩვენში დიდი აჟიოტაჟი მოჰყვა. ამას ისიც ემატება, რომ მომღერალს საქართველოში არავინ იცნობს, რადგანაც რუსეთში ცხოვრობს და იქ საქმიანობს.
- კახა მამულაშვილი, პროდიუსერი:
- „ახალი ტალღის“ ორგზის გამარჯვებულები ვართ და ეს მაშინ, როცა ის იურმალაში იმართებოდა. მას მერე, რაც კონკურსი სოჭში გადავიდა, ორგანიზატორები ორჯერ დაგვიკავშირდნენ, თვითონ რეჟისორი რევზინი - ორჯერ ჩამოხვედით და ორჯერვე გაიმარჯვეთ, იქნებ კიდევ ჩამოხვიდეთ და ვინმე ჩამოიყვანოთო. იმის გამო, რომ კონკურსი სოჭში გადავიდა, მიზანშეუწონლად მიგვაჩნია იქ ჩვენი მომღერლის წაყვანა და უარი ვთქვით. წელს აღარ დაურეკავთ და მონაწილეობა აღარც შემოუთავაზებიათ.
- როგორ ფიქრობთ, ვის შეეძლო ეს კონკურსანტი წელს „ახალ ტალღაზე“ წარედგინა?
- ადრე მონაწილეს ჩვენი ტელევიზიები წარადგენდნენ, მერე ტელევიზიებმა რადგან უარი თქვეს იმაზე, რომ „ახალი ტალღა“ სოჭში იმართება, ალბათ ორგანიზატორებმა დაუშვეს, რომ კონკურსანტები მასში ინდივიდუალურად ჩაერთონ და ნებისმიერმა მიიღოს მონაწილეობა. ეს გოგო როგორ მოხვდა იქ, ნამდვილად არ ვიცი... ერთს ვიტყვი, რომ ქართულად მღერა ურთულესი რამ არის, მომღერალს ბევრი რამ უნდა ჰქონდეს და ბევრი რამ უნდა იცოდეს, ქართული სიმღერა რომ შეასრულოს!
- მანანა მორჩილაძე, საზოგადოებრივი მაუწყებლის მუსიკალური პროექტების მუსიკალური პროდიუსერი:
- შეიძლება, თავიდან, ადრეულ წლებში ამ კონკურსში საქართველოს მონაწილეობას რაღაც მნიშვნელობა ჰქონდა, მაგრამ ახლა ვთვლი, რომ ეგ კონკურსი არც მაინტერესებს. სწორედაც კარგია, რომ აქედან არავინ წავიდა. ამ გოგოს რამდენად ჰქონდა უფლება იქ მონაწილეობის, ამ უფლებას ადამიანს რანაირად აუკრძალავ? ბევრჯერ გამოსულან ასეთები და მასზე უარესადაც უმღერიათ. საერთოდ, ალბათ, ქვეყანა უნდა იყოს მომზადებული იმისთვის, რომ სწორი აზრი და პოზიცია ჰქოდეს, მის გარეშე, მისი სახელით არ ჰქონდეს არავის უფლება მონაწილეობა მიიღოს კონკურსში. ხომ უნდა იცოდე, ვინ წარმოადგენს შენს სახელს?! ასე ხომ არ შეიძლება, რადგან ქართული გვარი აქვს, ან საქართველოს მოქალაქეა, ყველამ მიიღოს მონაწილეობა?! კი, ბატონო, მიიღოს ქართული გვარით, მაგრამ რუსეთის სახელითაც, მაგრამ როდესაც საქართველოს სახელს წარადგენს?!
ხომ ვამბობ, ეს კონკურსი იმდენად არ მაინტერესებს, რომ ამ გოგოზე ნერვები დიდად არ ამიშლია. ყველაზე მეტად სიმღერის დამახინჯებაზე გავბრაზდი. ამ სიმღერის ბევრი კარგი ვერსია გვაქს მოსმენილი, ერთი მეორეზე უკეთესი, ნუკრი კაპანაძის და სოფო ბათილაშვილის ნამღერზე რომ არ ვილაპარაკოთ... ჩვენთან, ნებისმიერი კონკურსის კასტინგზე ათეულში რომ ვერ ხვდებიან, ისინიც კი არ მღერიან ასე ამ სიმღერას. მოკლედ, ამ გოგოს შესრულებაზე კი უნდა გვქონდეს სერიოზული პრეტენზიის განცხადების უფლება, მაგრამ ახლა ქვეყანაში არსებული მდგომარეობიდან გამომდინარე, იმდენი პრობლემა გვაქვს, რომ მაგისთვის სამწუხაროდ, არავის სცალია. არადა, არა ჰარმონია, არა მელოდია... საერთოდ არ ვიცი, ვინ არის, პირველად ვნახე, ადამიანურად ამ კრიტიკისთვის მეცოდება, არც ის მომწონს, ასე ვაფრიალოთ მისი სახელი და გვარი, ადამიანია, მოუნდა, გამოვიდა, იმღერა. აქ საუბარია იმაზე, რომ ქვეყანას ჰქონდეს თავისი პოზიცია, რაღაცნაირად გააკონტროლოს ამა თუ იმ კონკურსზე მისი სახელით გამომსვლელები. მერე, როდესაც ცნობილ სიმღერას ხელს ჰკიდებ, ან ავტორთან მოიკითხე ან ის მაინც გააკონტროლე, რომ სიმღერა არ დაამახინჯონ!
- დათო ოქიტაშვილი, საქართველოს კულტურის პალატის ხელმძღვანელი:
- თუ კრუტოიმ მიიღო ეს გადაწყვეტლება, საქართველოს სახელით ამღეროს, ვინც თვითონ უნდა, რადგან მისი კონკურსია, ეს არასწორია. საქართველოში უკეთესად მღერიან! ამ გოგოს მიმართ პიროვნულად არანაირი პრეტენზია არ მაქვს, მაგრამ როდესაც საქართველოს სახელით გამოდიხარ, ქართველი მაყურებელი და მსმენელი ერთმანეთს არ უნდა ეკითხებოდეს, ეს ვინაა? ვინ აარჩია? ვინ გაუშვა? ეს ჩვენი ქვეყნის შეურაცხყოფაა. აქ ამ სიმღერის საოცარი შემსრულებლები გვყავს. მოკლედ, საქართველოს სახელით რომ გადიხარ, საქართველოში უნდა მოხდეს ამის შერჩევა. როგორც ვიცი, საქართველოში არ მოხდა მისი შერჩევა. შეიძლება კარგი გოგოა, მაგრამ სიმღერასთან ძალიან შორს არის. როდესაც ასეთი გაუგებარი სიტუაციაა და საქართველოს სახელს იყენებ, ეს კრუტოის დანაშაულია, რადგანაც, როგორც ვიცით, ფესტივალი მისია და კეთილი უნდა ენება და ქართველი ხალხის და მსმენელის აზრი გაეთვალისწინებინა. მაგრამ რუსეთი როგორი ოკუპანტიცაა, ახლა მგონი, ესტრადის ოკუპაციაც უნდა, ამას არ ეღისება! ამის უფლებას არ მივცემთ იმიტომ, რომ გვაყვს ღირსეული მომღერლები, ღირსეული ახალგაზრდა თაობა. ჯერ ერთი სოჭში ტარდება ეს კონკურსი, რაც დიდი სირცხვილია. თავმოყვარე ადამიანი იქ არც წავა!
- ზაზა შენგელია, პროდიუსერი კომპანია „ბრავო რექორდსის“ ხელმძღვანელი:
- როდესაც ქვეყანას ვინმე სადმე წარმოადგენს, ეს ძალიან სერიოზული კონკურსის შედეგად უნდა შეძლოს. როგორც საქართველოს ისტორიული პიროვნებების სახელების გამოყენების უფლება არც ერთ უცხოურ მწარმოებელს, არანაირი პროდუქტის ეტიკეტზე ქვეყანასთან შეუთანხმებლად არ აქვს, აქაც ზუსრად ასეთი რეგულაციები უნდა არსებობდეს. ორგანიზატორების ნება-სურვილზე არ უნდა იყოს ყველაფერი დამოკიდებული. მერე ეს კონკურსი უკვე დიდი ხნია, საკმაოდ მდარე გახდა. არც მანამდე იყო განსაკუთრებული, მაგრამ ჰქონდა რაღაც გამონათებები, როცა უცხოური ვარსკვლავები ჩადიოდნენ და თავის დროზე სტივ ვანდერიც ყოფილა, მაგრამ ახლა უკვე რაღაც ადამიანების ჯგუფის, კერძო ფესტივალია, რომელიც არასასიამოვნო ასოციაციას აღძრავს და ამ ყველაფერს საბჭოთა კავშირის ელფერიც დაჰკრავს. მერე, როცა საკულტო სიმღერას მღერის კონკურსანტი, რომელი სიმღერაც ჩვენს ქვეყანაში პოპულარულია, უფრო დიდი ყურადღება და კონცენტრაციაა საჭირო. ამ კონკურსანტმა სიმღერა ძალიან მდარედ წარმოადგინა, ისე მდარედ, რომ მეტი არც შეიძლება. სერიოზული დეტონაციები ჰქონდა და არასწორად მღეროდა. ეს აკნინებს ქვეყნის წარმომადგენლობით სტატუსს. ასე რომ, არ შეიძლება ორგანიზატორებმა საკუთარი შეხედულებით შეარჩიონ კონკურსანტი, მხოლოდ იმიტომ, რომ თვითონ მოსწონთ, ეს დაუშვებელია!
00:00 / 00:00
მკითხველის კომენტარები /
51 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს რა პირველი მომღერალია რომელიც რუსეთში მღერის? გასაგებია უთქვენოთ ჩართეს კონკურსში, რამდენი ხალხია ურუსეთოდ არ შეუძლია ყოფნა თვითონ არ უნდა გამოსულიყო საქართველოს სახელით, რა საქართველომ წარადგინა?
ქართველები არსად ხართ დაცული. თქვენ გძინავთ. მაშინ იღვიძებთ როცა მტრები თქვენს ცხვირწინ ბლატაობენ, გინდ შინაური გინდ გარეული. გამარჯობა!