"სახელი მოწონების გარდა, იდეის მატარებელიც უნდა იყოს" - ნანუკა გოგიჩაიშვილი დედა გახდა, რა დაარქვა მოდელმა შვილს?

მოდელი ნანუკა გოგიჩაიშვილი და ბიზნესმენი ნიკოლოზ ნაყოფია მშობლები გახდნენ. სასიხარულო ამბავს და ახალშობილთან გადაღებულ ფოტოს სოციალურ ქსელში თავად ნანუკა ავრცელებს. მოდელმა ამერიკაში იმშობიარა.

წყვილს გოგონა შეეძინათ, რომელსაც აივი ნიკოლი დაარქვეს. ნანუკა "ინსტაგრამის" სთორიში განმარტავს, რატომ შეურჩია შვილს ეს სახელი.

"20 აგვისტო... ზუსტად 41 კვირის. აივი - ნიკოლ. სახელი მოწონების გარდა რაიმე იდეის მატარებელიც უნდა იყოს. ა - ანბანის პირველი ასო, ხოლო IVY - I რომაულად პირველს ნიშნავს. წრეც შეიკრა და სახელიც მიუახლოვდა იდეას... იდეას, რომ პირველია და პირველი ბედნიერებაა" - წერს ნანუკა.

პატარას დაბადების შესახებ სოციალურ ქსელში წერს ნანუკას დაც, მოდელი ნინი გოგიჩაიშვილი:

"დაიბადა პატარა მზის სხივი და ჩვენი ყველაზე დიდი ბედნიერება Nanuka Gogichaishvili გმირი დედიკო... ცხოვრებაში პირველად დეიდა ვარ. Nikoloz Nakopia გილოცავ მამიკო" - წერს ნინი გოგიჩაიშვილი სოციალურ ქსელში.

ნანუკა უკვე რამდენიმე წელია გათხოვილია, მისი რჩეული მილიონერი და ბიზნესმენი ნიკოლოზ ნაყოფიაა. წყვილმა ოფიციალურად პანდემიის პერიოდში, შეზღუდვების გათვალისწინებით იქორწინა. ნანუკას შვილს საზოგადოება მოუთმენლად ელოდება. ცნობილი წყვილი ბოლო წლები ამერიკაში ცხოვრობდა.