10
ივლისიდღის ზოგადი ასტროლოგიური პროგნოზი
აშშ-ის სამხედროებმა სამშაბათს ავღანეთიდან დაახლოებით 1 100 ამერიკელის, შეერთებული შტატების მუდმივი რეზიდენტის და მათი ოჯახის წევრების ევაკუაცია განახორციელეს, - Reuters-ის ინფორმაციით, ამის შესახებ თეთრი სახლის ოფიციალური წარმომადგენლის განცხადებაშია აღნიშნული.
„ველოდებით, რომ ეს რიცხვები გაიზრდება”, - ნათქვამია განცხადებაში.
ამასთან, უსაფრთხოების საკითხებში ჯო ბაიდენის მრჩეველის, ჯეიკ სალივანის ინფორმაციით, „თალიბანმა“ აშშ-ის ადმინისტრაციას განუცხადა, რომ ისინი აეროპორტამდე მოქალაქეების უსაფრთხოდ მისვლას უზრუნველყოფენ.
ავღანეთიდან ამ დრომდე 2 200-ზე მეტი დიპლომატი და სხვა სამოქალაქო პირია ევაკუირებული, - ინფორმაციას Reuters-ი ავრცელებს.
„ვაგრძელებთ ძალიან სწრაფ ტემპს, ლოგისტიკის კუთხით ჯერჯერობით არანაირი დაბრკოლება არ შექმნილა და შევძელით 2 200 -ზე მეტი დიპლომატის, უცხო ქვეყნების უსაფრთხოების თანამშრომლებისა და ავღანელების გაყვანა, რომლებიც საელჩოებში იყვნენ დასაქმებულები”, - განუცხადა წყარომ Reuters-ს.
მას არ დაუკონკრეტებია, რამდენი ავღანელია ევაკუირებულ პირებს შორის.
ჯერჯერობით უცნობია, როდის განახლდება ქაბულის აეროპორტში სამოქალაქო რეისები.
სხვები ჩატოვეს????