300-ზე მეტი გარდაცვლილი და 1 800 დაშავებული - ჰაიტიზე ძლიერი მიწისძვრის შედეგებს ებრძვიან (ფოტოები)
ჰაიტიზე ძლიერი მიწისძვრა მოხდა, დაიღუპა სულ მცირე 304 ადამიანი და დაშავდა 1800 -ზე მეტი პირი.
7.2 მაგნიტუდის სიმძლავრის მიწისძვრა ქვეყნის დასავლეთით მოხდა, მიწისძვრამ დაანგრია და დააზიანა შენობები, მათ შორის ეკლესიები და სასტუმროები.
პრემიერ-მინისტრმა განაცხადა, რომ ზარალი დიდია და ერთთვიანი საგანგებო მდგომარეობა გამოაცხადა.
კუნძულ ჰაიტიზე საკმაოდ ძლიერი მიწისძვრა ბოლოს 2010 წელს მოხდა, რა დროსაც 200 000-ზე მეტი ადამიანი დაიღუპა და ქვეყანაში შენობების უმეტესობა გაანადგურა.
ჰაიტიზე მომხდარ ძლიერ მიწისძვრას საქართველოს პრეზიდენტი სალომე ზურაბიშვილი ეხმაურება.
პრეზიდენტი სოლიდარობას უცხადებს ოჯახებს, რომელთაც ახლობლები დაკარგეს.
„მძიმე ამბებია ჰაიტიდან, სადაც ძლიერი მიწისძვრის შედეგად ასობით ადამიანი დაიღუპა. ვუსამძიმრებ ოჯახებს, რომლებმაც დაკარგეს ახლობლები. ეს მძიმე დღეებია ჰაიტიელებისთვის. მე სოლიდარული ვარ მათ მიმართ და ვუსურვებ მათ გამძლეობას და სიძლიერეს“, - წერს სალომე ზურაბიშვილი „ტვიტერზე“.
