მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მორიგი შტურმია ჩემს საინფორმაციო ველში... მეკითხებიან, კოვიდგადატანილზე ვაქცინის ერთი დოზაა საჭირო თუ ორი?" - რას პასუხობენ ექიმები აქტუალურ კითხვას
07:43 / 14-08-2021
ბოლო დროს სულ უფრო აქტუალურია კითხვა, თუ რამდენჯერ უნდა აიცრან კოვიდგადატანილი ადამიანები. ბიძინა კულუმბეგოვის ინფორმაციით, მსოფლიოს უმეტეს ქვეყანაში ვირუსგადატანილებს ორი დოზით ცრიან.
მისივე თქმით, არსებობს სამეცნიერო პუბლიკაციები, სადაც კოვიდის გადატანის მიუხედავად, იმუნოკომპრომეტირებულ ადამიანებს იმუნური პასუხის ფორმირებისთვის მაინც ჭირდებათ ვაქცინის ორი დოზა.
"მორიგი შტურმია ჩემს საინფორმაციო ველში... კოვიდგადატანილებში ერთი თუ ორი დოზა ვაქცინის გამოყენების თაობაზე. მეგობრებო და კოლეგებო, თავი შეიკავეთ კატეგორიული ტონისგან, რომელსაც არანაირი შესაბამისი მყარი არგუმენტაცია თან არ ახლავს. დღეს მსოფლიოს ბევრ ქვეყანაში მაგალითად აშშ-ში, გაერთიანებულ სამეფოში, ახლო და შორეული აღმოსავლეთის ქვეყნებში ინფექციის გადატანის მოუხედავათ ადამიანები იცრებიან ვაქცინის ორი დოზით, ასეთ შემთხვევაში ითვლება პიროვნება სრულად ვაცინირებული იმ ქვეყნების რეგულაციით. მართალია არსებობს მეცნიერული ძლიერი მტკიცებულებაა იმის, რომ ინფექციის გადატანის შემდეგ ვაქცინის ერთი დოზით მიიღწევა ისეთივე იმუნური პასუხი, როგორც ორჯერ აცრილების შემთხვევაში.
თუმცა ამავე დროს არსებობს სამეცნიერო პუბლიკაციები სადაც კოვიდის გადატანის მიუხედავად, იმუნოკომპრომეტირებულ ადამიანებს იმუნური პასუხის ფორმირებისთვის მაინც ჭირდებათ ვაქცინის ორი დოზა. გამომდინარე იქედან, რომ ამ საკითზე იმუნოლოგებს შორის სრული კონსესუსი არაა. ასე გამომდინარე იქედან, რომ მსოფლიოს უდიდესი ნაწილი თქვენ ერთი დოზით არ მიგიჩნევთ სრულად იმუნიზირებულად (რაც მოგზაურობის დროს შექმნის სრულ გაუგებრობას), ამიტომ ჩვენი ქვეყანა ჯერ ინარჩუნებს ამ რეგულაციას.თუ შესაბამისი ცვლილები მოხდება WHO-ს და CDC-ის რეკომენდაციებში, საქართველო მყისიერად მოახდენს რეაგირებას" - წერს კულუმბეგოვი სოციალურ ქსელში.
აღნიშნულ საკითხზე პოსტებს ავრცელებენ ამერიკაში მოღვაწე ქართველი ექიმები ნანა გეგეჭკორი და ზურაბ გურული. ამერიკული გაიდლაინების მიხედვით, ნებისმიერი პირი ვაქცინირებულად ითვლება ორივე დოზიდან ორი კვირის გასვლის შემდეგ.
ნანა გეგეჭკორი: ხშირად მეკითხებიან, კოვიდ გადატანილზე ერთი თუ ორი დოზა ვაქცინის?ამერიკული გაიდლაინების მიხედვით ნებისმიერი, ვიმეორებ ნებისმიერი პირი ვაქცინირებულად ითვლება Pfizer-ის და Moderna-ს გამოყენების შემთხვევაში ორივე დოზიდან ორი კვირის გასვლის შემდეგ და J&J-ს გამოყენების შემთხვევაში ერთი დოზიდან ორი კვირის გასვლის შემდეგ.
სხვა შემთხვევაში ვაქცინირების დამადასტურებელ დოკუმენტს ვერ მიიღებ. ეგრეთ წოდებული QR კოდიც სწორედ ორივე დოზით ვაქცინირებიდან მე-15 დღეს ხდება ხელმისაწვდომი.ევროპული ქვეყნების პრაქტიკა ამ მხრივ განსხვავებულია.თვალსაჩინოებისთვის გაგიზიარებთ ჩემს პირად მაგალითს. როგორც ქვემოთ ატვირთული ფოტოებიდან შეგიძლიათ ნახოთ 23 ივნისს ჩატარებული ტესტის თანახმად, ჯერ კიდევ აღმენიშნებოდა კოვიდ სპეციფიური IgG და IgM ანტისხეულები.
მათ შორის IgG-ს ტიტრი ჩანს, რომ საკმაოდ მაღალია (დადებითობის ზღვარი ამ ერთეულებში <9). პირველი დოზით ავიცერი 30 ივნისს და მეორე დოზით 21 ივლისს. ვაქცინაციის პასპორტი ჩემთვის ხელმისაწვდომი გახდა მეორე დოზიდან მე-15 დღეს. როგორც ხედავთ, ესაა სულ რამდენიმე დღის წინანდელი ამბავი. ამ წესებით აიცრა უკვე ორი ასეული მილიონი ადამიანი ამერიკაში.
ვინც ინგლისური იცის, ქვემოთ დავურთე ამონარიდი პროფესიონალური ამერიკული პლატფორმა UpTodate-დან კოვიდგადატანილების ვაქცინაციის წესების თაობაზე. როგორც ამ წესებიდან ჩანს, კოვიდ-გადატანილს შეუძლია აიცრას დაავადების მწვავე ფაზის ჩამთავრების და იზოლაციის ვადის გასვლისთანავე. იგივე ეხებათ ვაქცინის პირველი დოზის შემდგომ დაინფიცირებულებსაც.
ისინიც იცრებიან დაავადების მწვავე ფაზის ჩამთავრების და იზოლაციის ვადის გასვლისთანავე. ჯამში ეს პერიოდი ზოგჯერ ერთ თვეზე ნაკლებ დროსაც მოიცავს. იზოლაცია ამერიკული წესებით მთავრდება პირველი სიმპტომების ან პოზიტიური ტესტიდან 10 დღის გასვლის შემდგომ, ბოლო 72 საათი უნდა იყოს უსიცხო.Bidzina Kulumbekov - ვიცი შენც ბევრი კითხვა შემოგივიდა ამ საკითხზე და აგერ ამერიკული გაიდლაინიც და ჩემი პირადი მაგალითიც
ზურაბ გურული: ჩემთანაც უამრავი შეკითხვა შემოდის ანალოგიურ საკითხზე და იმედია ეს სტატუსი დაგეხმარებათ. კი ბატონო, უამრავი თეორია არსებობს ამ თემაზე, ბევრი რამ არის საკამათო, მაგრამ ჯერჯერობით ასეთია ოფიციალური ამერიკული გზამკვლევი. კოვიდგატანილებიც იცრიან ჩვეულებრივ! სრული დოზით, ორჯერ! ასევე დავუმატებ პირად მაგალითსაც. კოვიდის გადატანის შემდეგ ავიცერი მოდერნას ორი დოზით, რის შემდეგაც გაიცა ოფიციალური ცნობა. ნებისმიერ სხვა შემთხვევაში ვერ დაამტკიცებთ, რომ თქვენი აცრა დასრულებულია და არ ჩაითვლებით ადეკვატურად ვაქცინირებულად.
მკითხველის კომენტარები /
20 /
თარიღის მიხედვით
მოწონების მიხედვით
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
eseni rom arian, nu ityvit, Fauchi tiris!)))))))
დამატებით ბუსტერულ დოზებზე როდის დაიწყებთ ფიქრს? ამერიკის ხმაში გამოქვეყნებული სტატიები სინოვაკზე(15 ივლისი) და სინოფარმზე(13 აგვისტო) აიძულებს ქვეყნებს ბუსტერული დამატებითი დოზის გამოყენებას. საქართველო როდის დაიწყებს? სტატიაში ნათქვამია რომ ორჯერ აცრილ მედიკოსებშიც კი... ისე არა ქნათ რომ ისევ დაგვიანებით შემოიკრათ თავში ხელი.