20
მაისიდღის ზოგადი ასტროლოგიური პროგნოზი
ლორთქიფანიძის ქ. N10-ში მდებარე საცხოვრებელი კორპუსიდან უსაფრთხოების მიზნით, მოსახლეობის ევაკუაცია განხორციელდება. აღნიშნული კორპუსი იმ ტერიტორიაზე მდებარეობს, სადაც ფერდის ნაწილი ჩამოიშალა.
თბილისის მერიის ინფორმაციით, ადგილობრივ მცხოვრებლებს დედაქალაქის მერია დროებითი საცხოვრებლით უზრუნველყოფს. მათ მუნიციპალიტეტი სხვადასხვა სასტუმროში გადაანაწილებს.
როგორც თბილისის მერის მოადგილე ირაკლი ბენდელიანმა განაცხადა, ვიდრე სპეციალისტების დასკვნა მომზადდება, მთავარი ამოცანა მოსახლეობის უსაფრთხოებაა.
„პირველი ამოცანაა, მოსახლეობა იყოს უსაფრთხოდ, რეალური საფრთხე არსებობს თუ არა, ამის მიუხედავად. გარკვეული რისკები არსებობს. ამიტომ, 1%-იც რომ იყოს რისკი, ვერავის დავტოვებ იმ 1% რისკის ქვეშ. სასწრაფოდ არის ეს ყველაფერი დასაორგანიზებელი და ამ პროცესში ვართ. მთელი ღამე აქ ვიქნებით, არსად არ მივდივართ. პირველადი მონაცემებით, დაახლოებით, 90-მდე ოჯახი ცხოვრობს კორპუსში, ვარკვევთ რამდენი ოჯახია ადგილზე. მაქსიმალურად ვაკეთებთ ყველაფრის მობილიზებას, რომ აღნიშნული კორპუსის მოსახლეობა იყოს უსაფრთხოდ. რა თქმა უნდა, ამ ეტაპზე აღნიშნულ ტერიტორიაზე ვერავინ ვერაფრის მშენებლობას ვერ გააგრძელებს. სამშენებლო პროცესი დაკავშირებული ინება მხოლოდ ფერდის გამაგრებასთან და კორპუსის გამაგრება თუ იქნება საჭირო, მაგასაც გავაკეთებთ“, - განაცხადა ირაკლი ბენდელიანმა.
მერიის ინფორმაციით, ლორთქიფანიძის ქუჩაზე მუნიციპალიტეტის მერიის ყველა შესაბამისი სამსახურის, ასევე, გარემოს დაცვისა და სოფლის მეურნეობის სამინისტროს წარმომადგენლები იმყოფებიან. შემთხვევის ადგილზე მობილიზებულია სამაშველო სამსახურის ბრიგადებიც.
დარგის სპეციალისტებმა ფერდის შესწავლა უკვე დაიწყეს, რის შემდეგაც, საექსპერტო დასკვნა მომზადდება. აღნიშნული დასკვნის საფუძველზე, შესაბამისი გადაწყვეტილებები იქნება მიღებული.
აი, ეს არის განუკითხავი მშენებლობების შედეგი. ფერდს კიდევ ძირის გამოთხრა უნდოდა? ისე არიან დახარბებულები ფულს, რომ აღარაფერს უწევენ ანგარიშს. ვწუხვარ, რომ მცხოვრებლება ასეთი პრობლემა შეექმნათ, მაგრამ მიხარია, რომ მენაშენეებმაც დიდი ზარალი ნახეს.
სანამ არ გაიჩალიჩებთ, დაანებეთ თავი კორპუსების მშენებლობას ერეთიმეორისგან 10 მეტრში, გვერდი არანაკლებ 50 მეტრი უნდა იყოს, ხოლო პირისპირ შენობები არანაკლებ 100 მეტრი ეს არი მარტივი მინიმალური ინდიკატორი მშენებლობის, გაიხედეთ ვარკეთილში და გლდანში 70-ნი და 80-ნი წლების მშენებლობები, არ მოგწონთ გერმანული კრიტერიუმები აიღეთ და ბევრი აშენდება და ავშენდებით