თურქეთის ხელისუფლება - ქვეყანაში ორი ხანძრის გარდა ყველა ლოკალიზებულია

თურქეთმა ქვეყანაში ტყის ხანძრების გაკონტროლება თითქმის მთლიანად შეძლო, - ადგილობრივი მედიის ინფორმაციით, ამის შესახებ თურქეთის სოფლის მეურნეობისა და სატყეო მინისტრმა ბექირ პაქდემირლიმ განაცხადა.

მისი თქმით, გამონაკლისს მხოლოდ მუღლას პროვინციის მილასა და კოიჯეგიზის რაიონების ხანძრები წარმოადგენს.

თურქეთის ხელისუფლებაში აცხადებენ, რომ მუღლას პროვინციაში ხანძრის სალიკვიდაციო სამუშაოებში 7 თვითმფრინავი, 39 ვერტმფრენი, 2 დრონი, 2 545 მანქანა და შესაბამისი სამსახურების 10 547 თანამშრომელი იყვნენ ჩართული. პროვინციიდან, საერთო ჯამში, 38 715 ადამიანის ევაკუაცია განხორციელდა. ხანძრის შედეგად დაშავებული 15 პირი საავადმყოფოში მკურნალობას განაგრძობს, 670-ზე მეტი კი - უკვე გამოწერეს. ოფიციალური მონაცემებით, ტყის ხანძრების შედეგად დაღუპულია 8 ადამიანი.