ქარელის მერიის განათლებისა და კულტურის სამსახურის უფროსი თანამდებობას ტოვებს და გახარიას გუნდს უერთდება - რას წერს ვასილ ბაქრაძე "ფეისბუქზე"
ქარელის მუნიციპალიტეტის მერიის განათლების, კულტურისა და სპორტის სამსახურის უფროსი ვასილ ბაქრაძე თანამდებობას ტოვებს და ყოფილი პრემიერ-მინისტრის, გიორგი გახარიას გუნდს უერთდება.
როგორც ის სოციალურ ქსელში წერს, ქვეყანას დღეს ცვლილება სჭირდება.
"მე დარწმუნებული ვარ, რომ ჩვენს ქარელს და ჩვენს ქვეყანას დღეს გარდაუვლად სჭირდება ცვლილება ძლიერი #საქართველოსთვის.
სწორედ ამიტომ მივიღე გადაწყვეტილება, დავტოვო ქარელის მუნიციპალიტეტის მერიის განათლების, კულტურისა და სპორტის სამსახურის უფროსის თანამდებობა და შევუერთდე პატიოსანი, პროფესიონალი ადამიანებისაგან შემდგარ გუნდს, რომელსაც სათავეში უდგას ღირსეული პიროვნება და მმართველი გიორგი გახარია", - წერს ვასილ ბაქრაძე.