მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არ მინდა წასვლა, თითქოს სისხლი გამეყინა" - მესის ცრემლები და ემოციური დამშვიდობება - რატომ გაუშვეს ლეგენდა, რომელმაც ფეხბურთში ეპოქა შექმნა
14:41 / 08-08-2021
წლებია, რაც ლეო მესი და "ბარსელონა" ბევრისთვის სინონიმებად აღიქმება და ალბათ, ძნელად თუ წარმოედგინა ვინმეს არგენტინელი ფეხბურთელი და ესპანური კლუბი უერთმანეთოდ. თუმცა ეს დღე დადგა - უკვე ოფიციალურად დადასტურებულია, რომ ბარსას და მესის გზები გაიყო.
მან კლუბის ისტორიაში შექმნა ეპოქა და "ბარსელონა" ახალ საფეხურზე, დიდების მწვერვალზე აიყვანა. ალბათ, რთულია იპოვოთ მესის გარდა სხვა ფეხბურთელი, რომელსაც ერთი კლუბისთვის ასეთი მნიშვნელობა ჰქონოდა.
- რატომ წავიდა ლიონელ მესი?
"ბარსელონაში" მესის გაშვება ფინანსურ დაბრკოლებებს დაუკავშირეს. "მიუხედავად იმისა, რომ კლუბი და ფეხბურთელი შეთანხმდნენ და მათ მკაფიო განზრახვა აქვთ, ხელი მოაწერონ ახალ კონტრაქტს, დღეს ეს ვერ მოხდება ფინანსური და სტრუქტურული დაბრკოლებების გამო", - ნათქვამია "ბარსელონას" განცხადებაში.
"ბარსელონა" მესის მადლობას უხდის და აღნიშნავს, რომ მხარეები ნანობენ, რათა ფეხბურთელისა და კლუბის სურვილები საბოლოოდ ვერ განხორციელდება.
- მესის ცრემლები
მას შემდეგ, რაც კლუბმა ოფიციალურად დაადასტურა, რომ მესი მიდის, ფეხბურთელმა პრესკონფერენცია გამართა. მისი სიტყვები ემოციით იყო სავსე და ლეგენდამ ცრემლების შეკავება ვერ შეძლო.
- "უდავოდ, ეს ჩემი კარიერის ყველაზე რთული მომენტია. ძალიან ბევრჯერ მქონია რთული დრო, ბევრი მარცხი განმიცდია, მაგრამ შემდეგ, შემეძლო ვარჯიშს დავბრუნებოდი და შური მეძია. ახლა მე ვერ დავბრუნდები, ჩემი კარიერა ამ კლუბში დასრულდა, ასე რომ, ეს არის ყველაზე რთული მომენტი. თითქოს სისხლი გამეყინა. ახლა თავს ცუდად ვგრძნობ და როცა სახლში მივალ, კიდევ უფრო ცუდად ვიქნები. ამ კლუბში ჩემი ისტორია დასრულდა და ახლა ახალი ისტორია იწყება. მე არ მინდა კლუბის დატოვება, იმიტომ, რომ ეს არის ადგილი, რომელიც მიყვარს და ეს არის მომენტი, რომელსაც არ მოველოდი. ინფორმაცია იმის შესახებ, რომ ლაპორტა ხელფასის 30%-ით შემცირებას მთხოვდა და მე არ დავთანხმდი, ყალბია. ასეთი რამ არ ყოფილა. მე შევთავაზე, რომ 50%-ით შეემცირებინათ, მაგრამ მათგან პასუხი არ მიმიღია “, - თქვა მესიმ პრესკონფერენციაზე.
Greatest Applause
— FC Barcelona (@FCBarcelona) August 8, 2021
Of
All
Time pic.twitter.com/YoJt8nkTZc
- პირველი ნაბიჯები "ბარსელონაში"
მესისა და "ბარსელონას" ჯადოსნური ისტორია 21 წლის წინ დაიწყო. კლუბის სკაუტებმა მისი განსაკუთრებული ტალანტი შეამჩნიეს. მომავალ ვარსკვლავს ბავშვობაში ზრდის ჰორმონის პრობლემები ჰქონდა, კატალონიური კლუბის მესვეურებმა კი მის ოჯახს არგენტინიდან ბარსელონაში გადასვლა და ბიჭუნას მკურნალობა შესთავაზეს.
2005 წელს ბარსელონას რიგებში მესის დებიუტი შედგა და როგორც ამბობენ, "დანარჩენი ისტორიაა.“
"მსოფლიოს საუკეთესო ფეხბურთელი", "არაამქვეყნიური", "პატარა ჯადოქარი", "უცხოპლანეტელი" - ეს იმ ეპითეტების არასრული ჩამონათვალია, რომლითაც მესის თავისი მილიონობით გულშემატკივარი ამკობს ხოლმე.
არგენტინელმა ფეხბურთელმა "ბარსელონას" შემადგენლობაში 778 ოფიციალური მატჩი ჩაატარა, 672 გოლი გაიტანა და 305 საგოლე გადაცემა შეასრულა. ამ დროის განმავლობაში მან კატალონიურ კლუბს 24 საკლუბო ტურნირი მოაგებინა, მათ შორის, 4-ჯერ ჩემპიონთა ლიგა. მესის ანგარიშზეა 6 ოქროს ბუცი და 6 ოქროს ბურთი.
მუდმივი შედარება და დაპირისპირება კრიშტიანუ რონალდუსთან - ეს ის მნიშვნელოვანი დეტალია, რომელიც ამ ორივე ფეხბურთელის კარიერას ლაიტმოტივად გასდევს, დღეს კი, როცა უკვე ახლოვდება ის პერიოდი, როდესაც ორივე მათგანი ფეხბურთის თამაშს თავს დაანებებს, გულშემატკივრები თანხმდებიან, რომ ორი საფეხბურთო გენიოსის ეპოქაში მოუწიათ ცხოვრება.
და არ აქვს მნიშვნელობა რომელ ფეხბურთელს გულშემატკივრობთ ინდივიდუალურად, ან რომელი საფეხბურთო კლუბის ქომაგი ხართ, დღეს ძნელად იპოვით ადამიანს, რომელსაც მესის დიდებული თამაში არ ხიბლავს და მის განსაკუთრებულ ტალანტს არ აღიარებს.
- ბარსელონას გულშემატკივრები ლეგენდას ემშვიდობებიან
მესის "ბარსელონადან" წასვლა მასზე ფანატიკურად შეყვარებული ქომაგისთვის ნამდვილი გლოვის მიზეზია. ადამიანები "ბარსელონას" სტადიონთან, "ნოუ კამპთან" მიდიან და ხმამაღლა ტირიან ამ ამბის გამო.
ისინი კლუბის ხელმძღვანელობას მკაცრად აკრიტიკებენ და ლეგენდარული ფეხბურთელის დაუფასებლობაში სდებენ ბრალს.
ლეგენდებს ასე არ ექცევიან.
მეგონა, მესი კარიერას აქ დაასრულებდა და მას გრანდიოზულ გაცილებას მოვუწყობდით. ის, რაც ხდება, სირცხვილია.
უბრალოდ წარმოუდგენელია ბარსელონა მესის გარეშე, არ ვიცი, როგორ შევძლებ ჩემი საყვარელი გუნდის თამაშის ყურებას - ამბობენ გულშემატკივრები.
- "კლუბი კონკრეტულ ფეხბურთელებზე მნიშვნელოვანია“
განსაკუთრებით გამაღიზიანებელი აღმოჩნდა ფანებისთვის ბარსელონას პრეზიდენტის, ხუან ლაპორტას სიტყვები, რომელიც მან ორი დღის წინ მესის შესახებ საუბრისას თქვა. ლაპორტას თქმით, კლუბზე მაღლა არავინ დგას.
"ბარსელონა" მოთამაშეებზე, მწვრთნელებსა და დირექტორებზე მაღლა დგას. ვერ მივიღებდი ისეთ გადაწყვეტილებას, რომელიც კლუბს დაანგრევდა.
ლეოს დარჩენა სურდა, ამ რთულ მდგომარეობაში მყოფები მოლაპარაკებებს რამდენიმე თვე ვაწარმოებდით. ფეხბურთელს სხვა შემოთავაზებებიც ჰქონდა, ჩვენ პრობლემას ვერ ვაგვარებდით და პროცესი ოდესმე უნდა დასრულებულიყო", - თქვა ლაპორტამ.
- სად მიდის მესი?
ჯერჯერობით, დადასტურებული არ არის, თუმცა ლეო მესის შემდეგ გაჩერებად პარიზულ კლუბს, "პარ სენ-ჟერმენს" მიიჩნევენ. მედიაში წერენ, რომ ფეხბურთელსა და კლუბს შორის მოლაპარაკებები აქტიურ ფაზაშია და რამდენიმე დღეში უკვე ყოველივე ოფიციალურადაც დადასტურდება.
00:00 / 00:00
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რას იზამ ცხოვრებაა ასეთი. ამ განცდასაც მოიცავს, ხოლო თავად მოიმკა ის, რა დამოკიდებულება შექმნა. გასცდა წითელ ხაზებს და ვერც გაიგო, რომ ასე მოხდებოდა. ცხოვრება მითოსია, აიტანს, მაგრამ უკვე სხვა იქნება, ის თამრო არა. აიტანს ამას ბარსელონაც და ბაიერნიც, თუმცა ეფემბერგს მაშინ მეტი ეკუთვნოდა, ცენტრში მესიზე ნაკლებს კი არ აკეთებდა ბაიერში.
რა გატირებს ძმაო, ჩამოდი აგერ ბათუმში, ზღვა მანდაცაა, კაი გუნდიც გვყავს. კაი აჭარულს გაჭმევთ, კაი ხინკალს, კაი ღვინოს დაყოლებ და დარდიც გაქრება.