მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მძიმეა მისი ჯანმრთელობის მდგომარეობა, ასევე ყოფაქცევა..." - ადვოკატი განმარტავს, რა დაედო საფუძვლად ჩოლოიანის გათავისუფლებას
18:21 / 05-08-2021
15 წლის მოზარდის, ლუკა სირაძის გარდაცვალების საქმეზე მსჯავრდებული გამომძიებლის, მარიანა ჩოლოიანის ადვოკატის, გაგი მოსიაშვილის განცხადებით, მისი დაცვის ქვეშ მყოფის პენიტენციური დაწესებულებიდან გათავისუფლებას მუდმივმოქმედმა საბჭომ საფუძვლად დაუდო როგორც ჩოლოიანის ჯანმრთელობის მძიმე მდგომარეობა, ასევე მისი ყოფაქცევა.
როგორც „ინტერპრესნიუსთან“ საუბარში მოსიაშვილი განმარტავს, თავდაპირველად, ადგილობრივმა მუდმივმოქმედმა კომისიამ მარიანა ჩოლოიანს დანიშნული სასჯელის უფრო მსუბუქი სასჯელით შეცვლაზე უარი განუცხადა, აღნიშნული გადაწყვეტილება კი თბილისის საქალაქო სასამართლოს ადმინისტრაციულ საქმეთა კოლეგიამ გააუქმა.
"მარიანა ჩოლოიანმა სრულიად სამართლიანად და კანონიერად დატოვა სასჯელაღსრულების დაწესებულება. უფრო სწორად, მის ვადამდე ადრე გათავისუფლებას კანონიერი გადაწყვეტილება და ფაქტობრივი გარემოებების ობიექტური შეფასება დაედო საფუძვლად. მას შემდეგ, რაც ჩოლოიანმა კანონის დათქმიდან გამომდინარე მოიპოვა უფლება, რომ მისი საქმე განეხილა მუდმივმოქმედ კომისიას - ადგილობრივ საბჭოს, რომელიც იხილავს დანიშნული სასჯელის უფრო მსუბუქი სასჯელით შეცვლის საკითხს, მუდმივმოქმედმა საბჭომ უარი უთხრა ჩოლოიანს მასზე გავრცელებულიყო საკანონმდებლო შეღავათები, როგორიც არის დანიშნული სასჯელის უფრო მსუბუქი სასჯელით შეცვლა. კომისიის ეს დაუსაბუთებელი გადაწყვეტილება, რომელიც სამართლებრივ კრიტიკას ვერ უძლებდა, ვინაიდან ის არ გამომდინარეობდა იმ ნორმატიული აქტიდან, რაც წინაპირობა შეიძლებოდა ყოფილიყო ნებისმიერი მსჯავრდებულისთვის, დაცვის მხარემ ადგილობრივი საბჭოს მიერ მიღებული ეს გადაწყვეტილება საქალაქო სასამართლოში ადმინისტრაციული წესით გაასაჩივრა და მოვითხოვეთ, კანონთან შესაბამისობაში ყოფილიყო მარიანა ჩოლოიანის მიმართ მიმდინარე საქმეზე მუდმივმოქმედ კომისიაში მიღებული გადაწყვეტილება.
საქალაქო სასამართლოს ადმინისტრაციულ საქმეთა კოლეგიამ გააუქმა ადგილობრივი საბჭოს მიერ მიღებული დაუსაბუთებელი გადაწყვეტილება მარიანა ჩოლოიანის მიმართ დანიშნული სასჯელის უფრო მსუბუქი სასჯელით შეცვლასთან დაკავშირებით. ამის შემდეგ, მისი გათავისუფლება მოხდა. სამართლებრივად უნდა შევხედოთ ნებისმიერი სისხლის სამართლის საქმეს, მათ შორის განსახილველ და დღის წესრიგში მდგომ საქმესაც, კანონმდებელი ნებისმიერ მსჯავრდებულ პირს აძლევს კანონით დადგენილი გარკვეული პერიოდის გასვლის შემდეგ გათავისუფლების ალტერნატიულ შესაძლებლობებს. ეს შესაძლებლობები დაცვის მხარემ ეფექტურად გამოიყენა.
მარიანა ჩოლოიანის გათავისუფლების იმ გადაწყვეტილებას, რაც საბოლოოდ მუდმივმოქმედმა საბჭომ მიიღო, საფუძვლად დაედო როგორც მისი სამწუხაროდ, ჯანმრთელობის მძიმე მდგომარეობა, ასევე, მისი ყველა სამართლებრივი პოზიცია, რითაც ის აკმაყოფილებდა დანიშნული სასჯელის უფრო მსუბუქი სასჯელით შეცვლის დროს გასათავლისწინებელ სამართლებრივ გარემოებებს, მათ შორის, ყოფაქცევა“, - განაცხადა მოსიაშვილმა.
ცნობისთვის, 15 წლის ლუკა სირაძემ პოლიციაში გამოკითხვის შემდეგ სიცოცხლე თვითმკვლელობით დაასრულა. აღნიშნულ საქმესთან დაკავშირებით, მოზარდის მიმართ ჩვენების იძულების ბრალდებით პოლიციის გამომძიებელი მარიანა ჩოლოიანი დააკავეს. 2020 წლის 7 სექტემბერს, დაკავებულ გამომძიებელს, თბილისის საქალაქო სასამართლომ 3 წლით თავისუფლების აღკვეთა მიუსაჯა. მას სახელმწიფო ბრალდება ორ ეპიზოდს ედავებოდა, თუმცა, არასრულწლოვან თ.ზ.-ს მიმართ ჩვენების იძულების ეპიზოდში ის გამართლდა, ლუკა სირაძის ნაწილში კი გამტყუნდა. სასამართლოს ეს გადაწყვეტილება, როგორც დაცვის, ასევე ბრალდების მხარეს გასაჩივრებული აქვს.
მსჯავრდებული წარდგენილ ბრალდებაში თავს დამნაშავედ არ მიიჩნევს.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაშინ რატომ არ გახდა ცუდად, ბავშვს თავზე რომ დაყვიროდა გაგანადგურებ, შენისთანები გამიტეხიაო. მაშინ კარგად იყო ძალიან ეგ ახვარი, ცუდი ყოფილა ხო ციხე?
ვისი მდგომარეობა "მძიმე", ჩოლოიანი "მკვლელის თუ იმ ბიჭის რომელიც ცივ სამარეში წევს!!!!!!!!