"უნდა გავუფრთხილდეთ ერთმანეთის სიცოცხლეს" - აკადემიკოსი, 95 წლის მზექალა შანიძე კორონავირუსის საწინააღმდეგო ვაქცინით აიცრა

აკადემიკოსი მზექალა შანიძე კორონავირუსის საწინააღმდეგო ვაქცინით აიცრა. განათლებისა და მეცნიერების სამინისტროს ინფორმაციით, მან "ფაიზერის" ვაქცინა მიიღო.

"კაცობრიობამ მედიცინის გზით არაერთი პანდემია დაამარცხა. მიმაჩნია, რომ აცრა არის ერთადერთი გამოსავალი, თავი დავიცვათ პანდემიისგან.

კოვიდი ჩვენთვის, როგორც მცირერიცხოვანი ერისათვის, ძალიან საშიშია. ჩვენ უნდა გავუფრთხილდეთ ერთმანეთის სიცოცხლეს“, - ამბობს აკადემიკოსი.