მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ხშირად ვაძლევთ რუსეთს საშუალებას აქ წყალი აამღვრიოს" - საით მიჰყავს ქვეყანა ე.წ. შარლ მიშელის შეთანხმებიდან "ქართული ოცნების" გასვლის გადაწყვეტილებას?
08:00 / 30-07-2021
"რუსეთისგან ახლა სხვა რიტორიკა გვესმის. ვინმეს აქვს ილუზია, რომ შეიძლება რუსეთმა ჩვენი საზოგადოების კეთილგანწყობა მოიპოვოს?"
მას შემდეგ, რაც "ქართულმა ოცნებამ" 19 აპრილის, ე.წ. შარლ მიშელის შეთანხმება ანულირებულად ცალმხრივად გამოაცხადა, ევროპული საბჭოს პრეზიდენტი შარლ მიშელი ყველა მხარეს მოუწოდებს, პირველ რიგში მოქალაქეთა ინტერესები გაითვალისწინონ. შარლ მიშელი საქართველოს პრეზიდენტ სალომე ზურაბიშვილს შეხვდა, სადაც პოლიტიკური სიტუაცია და საქართველო-ევროკავშირის ურთიერთობები განიხილეს.
"ჩემთვის ცნობილია 19 აპრილის შეთანხმებასთან დაკავშირებით "ქართული ოცნების“ გადაწყვეტილების შესახებ. ეს შეთანხმება განაგრძობს ევროპულ გზას საქართველოში უფრო ძლიერი დემოკრატიისა და კანონის უზენაესობის მშენებლობისკენ, ქართველი ხალხის ინტერესების გათვალისწინებით. მე ასევე ყურადღება გავამახვილე "ნაციონალური მოძრაობის“ მიერ ხელშეკრულებაზე ხელის არმოწერასთან დაკავშირებით, დარწმუნებული ვარ, რომ ეს შეთანხმება არის საუკეთესო გზა რეფორმის განსახორციელებლად, რაც გააძლიერებს საქართველოს დემოკრატიულ ინსტიტუტებს და ხელს შეუწყობს კეთილდღეობის, სამუშაო ადგილების ზრდას. ეს ყველაფერი საჭიროა საქართველოს მოქალაქეებისთვის. ვერ ვხედავ ალტერნატივას სიღრმისეული საარჩევნო და სასამართლო რეფორმების გასაგრძელებლად და თავისუფალი და სამართლიანი ადგილობრივი არჩევნების ჩასატარებლად. მე მოვუწოდებ ყველა მხარეს, წინ დააყენონ მოქალაქეთა ინტერესები, მიიღონ მონაწილეობა საქართველოს პოლიტიკური დისკურსის განვითარებაში ქვეყნის დემოკრატიული ინსტიტუტების ფარგლებში. კონსულტაციები საქართველოში რიგ პოლიტიკურ აქტორებთან იწყება. გუშინ შევხვდი პრეზიდენტ ზურაბიშვილს და განვიხილეთ სიტუაცია და ევროკავშირი-საქართველოს ურთიერთობები.“- წერს შარლ მიშელი სოციალურ ქსელში.
მიშელის შეფასებაზე გაცილებით მკაცრი იყო კრიტიკა ამერიკის შეერთებული შტატების მხრიდან. "ამერიკის შეერთებული შტატები ძალზედ შეწუხებული და გაბრაზებულია პარტია "ქართული ოცნების" ცალმხრივი გადაწყვეტილებით, გასულიყო 19 აპრილის შეთანხმებიდან, დოკუმენტიდან, რომელიც შემუშავდა ექვსთვიანი რთული, მაგრამ ერთობლივი მოლაპარაკებების შედეგად და წარმოადგენს ქართველი ხალხისა და მათი დემოკრატიის წინსვლისთვის აუცილებელ გზას", - ვკითხულობთ საქართველოში აშშ-ის საელჩოს განცხადებაში.
"ქართული ოცნების“ მიერ დოკუმენტის ანულირების საკითხი საზოგადოების მნიშვნელოვან ნაწილში დასავლურ გზაზე უარის თქმად შეფასდა. ambebi.ge ექსპერტს საერთაშორისო ურთიერთობის საკითხებში თენგიზ ფხალაძეს ესაუბრა.
- "ქართული ოცნების“ მიერ შარლ მიშელის დოკუმენტის ანულირების გადაწყვეტილებაში ლოგიკურ ახსნას ვერ ვხედავ. ცალსახად, ეს ნაბიჯი ძალზე პრობლემურია "ოცნებისთვის“. ამ ნაბიჯის პრობლემურობა უკვე დადასტურდა იმიტომ, რომ რეაგირებას არ დაუგვიანია, მოჰყვა მკაცრი შეფასებები.
- შეფასებებს მართლაც არ დაუგვიანია... რუსულ ორბიტაზე დავბრუნდით და ვერ გაგვიგია? საერთაშორისო თვალსაზრისით, რას ნიშნავს "ოცნების“ ეს ნაბიჯი?
- საერთაშორისო თვალსაზრისით, ეს არის ქვეყნისთვის ძალიან ცუდი. ეს არის დოკუმენტი, რომლის შუამავალიც და გარანტორიც არის ევროკავშირი და მისი ევროპული კავშირის პრეზიდენტი. ამიტომ, ჩვენ ახლა რასაც ვხედავთ, იმავე შარლ მიშელის განცხადებიდან, ის კვლავაც ჩართულია პროცესში და მხარეებთან ერთად გაიმართება კონსულტაციები. ახლა მთავარია ის, რომ რეალობას თვალი გავუსწოროთ და ვთქვათ, რომ ეს არის პრობლემა ქვეყნისთვის. მთავარია, რომ ქვეყანა არ წავიდეს არასწორი მიმართულებით, არ გადავეშვათ რადიკალიზაციაში და იმ ტიპის პრობლემებში, რომლებიც ქვეყანას დააზარალებს. უნდა ვიფიქროთ, როგორ დავდგეთ იმ რელსებზე, რომელიც ქვეყნისთვის და ეროვნული ინტერესებისთვის არის მნიშვნელოვანი. ეს არის უახლოესი დღეების და საათების ამოცანა. ეს თუ მოხერხდა, იქნება კარგი, თუ არა - ქვეყნისთვის ძალიან ცუდი იმიტომ, რომ ძალიან სწორად იყო აღნიშნული ჩვენი პარტნიორების შეფასებებში, რომ ერთადერთი, ვისაც ეს ხელს აძლევს ისაა, ვისაც არ სურს ძლიერი ქართული სახელმწიფო.
- რას ნიშნავს ამ დოკუმენტის უგულებელყოფა?
- ეს არის იმ სწორ გზაზე უარის თქმა, რომლის ალტერნატივაც არ არსებობს. სწორი გზა არის ის, რომ უმთავრესი იყოს ეროვნული ინტერესები და შესრულდეს დოკუმენტი, რაშიც ჩვენი სტრატეგიული პარტნიორები გვეხმარებიან - როგორც ევროკავშირი, ასევე აშშ. ამ დოკუმენტის მნიშვნელობა ნატო - ს კომუნიკეშიც იქნა ჩაწერილი, ძალიან ბევრ რაღაცასთან არის კავშირში, ამიტომ ეს უნდა გავითვალისწინოთ. ამ შეთანხმების უგულებელყოფა ნიშნავს ქვეყნის დაზიანებას ყველა მიმართულებით, იმიტომ, რომ ეს აჩენს ბევრ კითხვის ნიშანს ქვეყნის მიმართ, იწვევს კრიტიკას ჩვენი სტრატეგიული პარტნიორების მხრიდან. ეს არის დოკუმენტი, რომელსაც ყველა ჩვენი საერთაშორისო პარტნიორი ძალიან დიდ მნიშვნელობას ანიჭებს, ფაქტობრივად, ეს არის საერთაშორისო ვალდებულება, ეს არ არის უბრალო დოკუმენტი. ჩვენი პარტნიორები მაქსიმალურად ცდილობენ, რომ ჩვენი ურთიერთობები არ გადავიდეს რელსებიდან, ყველაფერს მოგვიწოდებს ეს ხალხი ამისთვის. "ქართული ოცნების“ პასუხისმგებლობა მარტო ის კი არ არის, რომ ერთ-ერთი მხარე გამოდის შეთანხმებიდან, ის ხელისუფლებაა და ეს არის პასუხისმგებლობის გამაძლიერებელი ფაქტორი, ის არის პოლიტიკური პარტია, რომელიც არის ხელისუფლებაში, რაც აათმაგებს და აასმაგებს პასუხისმგებლობას.
- თქვენი აზრით, ეს გადაწყვეტილება ვინმესთან იყო შეთანხმებული, თუ დამოუკიდებლად მიიღო "ქართულმა ოცნებამ“?
- კონსულტაციის ამას არაფერი ეტყობოდა. შარლ მიშელმა გამოაცხადა, რომ კონსულტაციებს გაივლის პოლიტიკურ პარტიებთან და ყველას ამოცანა ამ შემთხვევაში არის ის, რომ იყვნენ მაქსიმალურად კონსტრუქციულები და ვიხელმძღვანელოთ ეროვნული ინტერესებით.
- კარასინმაც არ დააყოვნა და იმავე დღეს მაამებლური განცხადება აფრინა ფრენების აღდგენასთან დაკავშირებით...
- კარასინამდე იგივე თემა რუდენკომ - საგარეო საქმეთა მინისტრის მოადგილემ ახსენა. გულწრფელად გეტყვით, იყო პერიოდი როდესაც რუსეთი რაღაცეების გამო ითხოვდა ბოდიშის მოხდას საქართველოსგან, ახლა სხვა რიტორიკა გვესმის, მაგრამ ვინმეს აქვს იმის ილუზია, რომ შესაძლებელია პირდაპირი ავიაფრენებით ან მსგავსით რუსეთმა საზოგადოების კეთილგანწყობა მოიპოვოს? ერთადერთი, რითაც შეიძლება რუსეთმა მოიპოვოს კეთილგანწყობა, არის ის, რომ მან ხვალვე დატოვოს საქართველოს ოკუპირებული ტერიტორია და საქართველოს საშინაო საქმეებში ჩარევას დაანებოს თავი.
ჩვენი დაუფიქრებლობით ხშირად ვაძლევთ რუსეთს საშუალებას, რომ აქ წყალი აამღვრიოს. რაც შეეხება ავიამიმოსვლას, დროა ქართულმა ბიზნესმა შეიგნოს, რომ რუსული ბაზარი არის აბსოლუტურად არასტაბილური და მთლიანად გადაეწყოს სხვა ქვეყნებზე. ჯერ ერთი, რუსი ტურისტი არ ხარჯავს სხვაზე მეტს, მეორე - დღევანდელი ეპიდსიტუაციიდან გამომდინარე, მგონია, საქართველომ საზღვარი უნდა ჩაკეტოს იმის გათვალისწინებით, რომ რუსეთში კორონავირუსის ტესტები და აცრის ტესტები ყალბდება. მიმაჩნია, რომ თავის დროზე მიხეილ საააშვილის გადაწყვეტილება იყო ძალიან დიდი შეცდომა, როდესაც მან აგვისტოს ომის მერე ცალმხრივად შემოიღო უვიზო რეჟიმი რუსეთთან. ეს იყო ძალიან არასწორი გადაწყვეტილება და ზოგადად მიმაჩნია, რომ ქართული ბიზნესი და ქართველი საზოგადოება რაც უფრო შორს იქნება რუსული ეკონომიკისა და ბაზრისაგან, მით უკეთესი იქნება ჩვენთვის იმიტომ, რომ ეს არის ერთ-ერთი ინსტრუმენტი, რასაც რუსეთი იყენებს ჩვენი სახელმწიფოებრიობის წინააღმდეგ.
ასე რომ, ეს ავიამიმოსვლა საერთოდ თუ არ აღდგება, კიდევ უფრო უკეთესი იქნება ჩვენთვის.
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რუსეთი ოკუპანტია .როგორ შეიძლება მას ენდო ან საქმიანი ურთიერთობა დაამყარო. ნებისმიერ დროს როცა უნდა გიღალატებს და გაგწირავს თან რაც მთავარია ისევ ქართველის ხელით
Eseigi sul ocnebis mxares viyavi mara es mishelis shetanxmebis anulirebis mere vis mxares viyo ukve vegargavige. Qartvel xalxs qoc nacebis meti archevani rom ar gvaq egaa chveni yvelaze didi ubedureba. Cuds da uares shoris isev cuds virchevt xome. davigalet ra iqneb vinme ketilsindisieri gamochndes sheqmnas rame axali partia rom is avirchiot.