რას აცხადებს შსს რუსი მომღერლის ლევ ლეშენკოს საქართველოში ყოფნაზე?
შსს-ს ინფორმაციით, რუსმა მომღერალმა ლევ ლეშენკომ საქართველო უკვე დატოვა, ქვეყანაში შემოსვლისას კი, სისტემაში არ დაფიქსირებულა, რომ მას "ოკუპირებული ტერიტორიების შესახებ" კანონი დარღვეული ჰქონდა, რუსმა მომღერალმა ლევ ლეშენკომ საქართველო უკვე დატოვა. ამის შესახებ "ინტერპრესნიუსს“ შსს-ში განუცხადეს.
როგორც უწყებაში აღნიშნეს, მას ქვეყანაში შემოსვლისას საპასპორტო კონტროლის გავლის დროს რაიმე ხარვეზი არ დაფიქსირებია.
"აღნიშნულმა პირმა უკვე დატოვა საქართველოს ტერიტორია, რაც შეეხება მის შემოსვლას ქვეყანაში, მან საპასპორტო კონტროლი გაიარა შეუფერხებლად, რადგან არ ფიქსირდებოდა რაიმე სახის კონტროლი, ასევე არ უფიქსირდებოდა ოკუპირებულ ტერიტორიაზე შესვლის ან გამოსვლის თარიღდამღა", - აცხადებენ შსს-ში.
ცნობისთვის, ოპოზიცია და საზოგადოების ნაწილი რუსი მომღერლის, ლევ ლეშენკოს საქართველოში ჩამოსვლას აპროტესტებდა, რადგან, მათი თქმით, მომღერალს დარღვეული აქვს "ოკუპირებული ტერიტორიების შესახებ“ საქართველოს კანონი.
"ჩვენმა მეგობრებმა მოგვაწოდეს ინფორმაცია, რომ ადამიანი, რომელსაც დარღვეული აქვს „ოკუპირებული ტერიტორიების შესახებ“ კანონი, იმყოფება საქართველოს ტერიტორიაზე ირაკლი ღარიბაშვილის ოჯახის წევრებთან და „ქართული ოცნების“ დეპუტატთან ერთად", - განაცხადა „ნაციონალური მოძრაობის“ თავმჯდომარე ხატია დეკანოიძემ. გავრცელებული ინფორმაციით, რუსი მომღერალი ლევ ლეშენკო საქართველოში, სასტუმრო „პარაგრაფში“ ისვენებდა.