მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"აი, რა საოცრება გამოჩნდა ყოფილი სასტუმრო "ლონდონის" შესასვლელში, კომუნისტების მიერ გადალესილი ფენის ქვეშ!" - რა აღმოაჩინეს რესტავრატორებმა
10:40 / 25-07-2021
"აი, რა საოცრება გამოჩნდა ყოფილი სასტუმრო "ლონდონის " შესასვლელში, კომუნისტების მიერ გადალესილი და გადაღებილი ფენის ქვეშ! ქართული თემატიკა თბილისური სადარბაზოების კედლის მხატვრობაზე ძალიან მცირეა. ეს არის ნამდვილი აღმოჩენა!” – წერდა რამდენიმე დღის წინ სოციალურ ქსელში პროფესორი, კულტურული მემკვიდრეობის ცენტრის ხელმძღვანელი ცირა ელისაშვილი.
რესტავრატორების ჯგუფის აღმოჩენილი მოხატულობის შესახებ ელისაშვილი allnews.ge-ს ესაუბრა.
- სასტუმრო "ლონდონი“ თბილისისთვის ერთ-ერთი საინტერესო შენობაა და როგორც სასტუმრო, 1875 წელს გაიხსნა. ეკუთვნოდა ზუბალაშვილების სხვადასხვა თაობას - ალექსანდრეს, მის ძმას, კონსტანტინეს, მერე მის შვილსაც, პეტრეს. თავად შენობას რაც შეეხება, იყო ძალიან ცნობილი არქიტექტორი - ოტო სიმონსონი, რომელმაც შეადგინა პროექტი და ამ პროექტის მიხედვით განხორციელდა მშენებლობა.
იმდროინდელ პრესას თუ გადავავლებთ თვალს, "ლონდონზე“ წერენ, რომ ეს იყო ერთ-ერთი საუკეთესო სასტუმრო, რომელიც არ ჩამოუვარდებოდა ევროპის იმ პერიოდის სასტუმროებს. ფასიც შესაბამისი იყო და სხვათა შორის, ყველა მოგზაური, რომელიც "ლონდონში“ გაჩერებულა, თავის მოგონებებში ამ სასტუმროზე საუბრობს და აღწერს მას. ცნობილია, რომ იქ დადიოდა ილია ჭავჭავაძე, რომელიც სასტუმრო "ლონდონში“ ბანქოსაც თამაშობდა.
რაც შეეხება მოხატულობას, რამდენიმე ფენას ვხვდებით - ჩვენ "ლონდონის“ რა კედლის მხატვრობაც გვახსოვს, ეს მეორე ეტაპია, რადგან მის ქვეშ არის მხატვრობის პირველი დონე, რომელზეც ცოტა უფრო მოგვიანებით გადახატეს ის, რასაც ახლა რესტავრაცია უკეთდება.
- რაზე მიანიშნებს ეს აღმოჩენა და ყველაზე მეტად რით არის ის მნიშვნელოვანი?
- მიანიშნებს იმაზე, რომ თბილისს აქვს პოტენციალი, რომ ის ევროპული ქალაქი, რომელიც მაშინ არსებულ სხვა ევროპულ ქალაქებს არ ჩამოუვარდებოდა, ამ პატარ-პატარა აღმოჩენებით თავის პირვანდელ სახეს დაიბრუნებს.
მნიშვნელოვანია იმითაც, რომ ჩვენ გვემატება ის მემკვიდრეობა, რომელიც თავის დროზე კომუნისტებმა გადალესეს და შეღებეს. სრულიად შეუწყნარებელი იყო ეს მოქმედება მათი მხრიდან, მაგრამ ვინაიდან ებრძოდნენ რაღაც ბურჟუაზიულ გადმონაშთებსა და ბურჟუაზიული ქალაქის მახასიათებლებს, მათ შორის სადარბაზოებს, მიიღეს ეს გადაწყვეტილება, რომ გადაელესათ და ორ ფერში შეეღებათ. ამიტომ დაკარგა სადარბაზოებმა პირველადი სახე. განაგრძეთ კითხვა
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კომუნისტებმა არა, ბოლშევიკებმა.... არის განსხვავება... მენშევიკებიც კომუნისტები იყვნენ, მაგრამ მავნებლობით ახლოსაც ვერ მიდიოდნენ ბოლშევიკებთან, თუმცა კი ღვიძლი დედმამიშვილები იყვნენ....
კომუნისტებს ცოტათი ჯობიხართ და ეს არ ნიშნავს, რომ კარგები ხართ.