მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
კვირა, მთვარის მეთორმეტე დღე დაიწყება 18:45-ზე, მთვარე მორიელშია – რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. თავი უნდა შეიკავოთ უხეში საკვებისგან, კვერცხისგან, თევზისა და ხორცისგან. მთლიანად გამორიცხეთ ალკოჰოლი და ნიკოტინი. ზედა სასუნთქი გზების, გულის, ფილტვების და ღვიძლის გაწმენდის დღეა. მოუსმინეთ გულს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ ეს სიმპტომები გამოჩნდება, ყურადღება არ უნდა მოვადუნოთ" - რა გართულებებს იწვევს დელტა შტამი ბავშვებში და როგორია პედიატრის რეკომენდაციები
11:47 / 23-07-2021
პანდემიის სამი ტალღა ბავშვებისადმი აშკარა ლოიალობით გამოირჩეოდა. თუმცა მიმდინარე, მეოთხე ტალღამ იერიში მათზეც მიიტანა. კორონავირუსის დელტა შტამი, რომელიც, ფაქტობრივად, დომინანატად იქცა, აგრესიული აღმოჩნდა ბავშვების მიმართაც. პედიატრები შექმნილ ვითარებას საგანგაშოს უწოდებენ. მათი ინფორმაციით, სულ უფრო იმატებს კორონავირუსით ინფიცირებული, ჰოსპიტალიზაციის საჭიროების მქონე ბავშვთა რიცხვი. როგორია კორონავისრუსით ინფიცირების მაჩვენებელი ბავშვებში და რა მიმდინარეობა ახასიათებს ვირუსის დელტა შტამს? - Ambebi.ge ამ საკითხებზე ესაუბრა "ავერსის" მარნეულის მულტიპროფილური კლინიკის პედიატრული დეპარტამენტის უფროსს, მედიცინის მეცნიერებათა დოქტორს ილონა ხიზანეიშვილს.
- პანდემიის დაწყებისთანავე გამოიკვეთა, რომ კორონავირუსი ბავშვებში იოლი ფორმებით მიმდინარეობდა. თუმცა, ბოლო პერიოდში ვითარება საპირისპიროდ შეიცვალა. რამ განაპირობა ეს?
- პანდემიის დასაწყისში იმ ქვეყნებიდან, სადაც დაავადება ადრე გავრცელდა, ვრცელდებოდა ინფორმაცია, რომ ე.წ ჩინური ვირუსი ბავშვებს "ნაკლებად ერჩის", რაც ერთგვარი მცირე შვება იყო პანდემიის პირობებში, ეს ჩვენი ბავშვთა მოსახლეობის მაგალითზეც დადასტურდა: კორონავირუსით დაავადდნენ ბავშვები, მათ შორის იყო პნევმონიის, ანუ ქვედა სასუნთქი გზების დაავდებებიც, თუმცა განსაკუთრებული სიმძიმით, ისეთი როგორი მიმდინარეობაც ჰქონდა მოზრდილებში, არ გამოირჩეოდა. აღნიშნულის მიზეზები ბევრჯერ იქნა განხილული და საჯაროდ გაზიარებული მოსახლეობისთვის.
რაც შეეხება ახლანდელ მდგომარეობას, უკვე ფაქტობრივად მეოთხე ტალღაში ვიმყოფებით, პრევალირება დაიწყო მუტანტმა ვირუსებმა, მათ შორის დომინირების ეტაპზეა ე.წ. დელტა ვარიანტი (ინდური შტამი) აქ საქმე ბევრად შემაშფოთებლად გამოიყურება, უკვე სახეზეა ბავშვთა დაინფიცირების მაღალი მაჩვენებელი, პედიატრიულ კლინიკებში, მათ შორის ჩვენთანაც მაღალია კოვიდინფიცირებული ბავშვების ჰოსპიტალიზაციის მაჩვენებელი. გამოიკვეთა, რომ ინტენსიური თერაპიის საჭიროება მეტია, ვიდრე წინა 3 ტალღის დროს.
- ოფიციალური სტატისტიკა ბავშვების ვირუსით ინფიცირების არ არსებობს, მაგრამ ხომ არ გაქვთ მიახლოებული მონაცემები, ინფიცირებულთა რა ნაწილს შეადგენენ ბავშვები და როგორია ამ მხრივ ბოლო თვეების დინამიკა?
- ზუსტი სტატისტიკის დადება შეუძლებელია, მით უმეტეს ამ ეტაპზე, თუმცა დაახლოებით 200-მდე ბავშვის დიაგნოსტირება ხდება ყოველდღე... ჯერჯერობით ეს 10-12%-ია, უხეშად რომ ვივარაუდოთ.
- რა ვიცით ამ დროისთვის ბავშვებში დელტა შტამის მიმდინარეობის შესახებ?
- დელტა შტამთან მიმართებაში ცნობილია ის, რომ მაღალი გადამდებლობით გამოირჩევა, დაახლოებით 2-3 ჯერ უფრო მეტი ადამიანი ავადდება ერთი დაავადებულისგან, ანუ სწრაფი გავრცელებით ხასიათდება, ასევე ის, რომ ბავშვებთან არ "მეგობრობს" და შეიძლება გამოიწვიოს ფილტვის ქსოვილის დაზიანება, სუნთქვის უკმარისობით გართულება...
- რა სიმპტომები ახასიათებს კორონავირუსის თავდაპირველ ვარიანტსა და დელტა შტამს ბავშვებში და რა განსხვავებაა მათ შორის? რომელია დელტა შტამის ყველაზე გავრცელებული და მძიმე გართულებები ბავშვებში, თქვენს პრაქტიკაზე დაყრდნობით?
- ამ ეტაპზე პრევალირებას იწყებს დელტა შტამი, მოსალოდნელია, რომ ის დომინანტური გახდება აგვისტოში, რაც შეეხება სიმპტომებს, მას ისეთივე დასაწყისი აქვს, როგორც ჩვეულებრივ, სხვა ზედა სასუნთქი გზების ინფექციებს: ყელის ტკივილი, ცხვირიდან გამონადენი, თავის ტკივილი, ცხელება, ზოგჯერ ფაღარათი... არ გამოირჩევა განსაკუთრებული კლინიკური ნიშნით, მაგალითად ყნოსვის და გემოს დაკარგვა. ასე რომ, თუ ეს სიმპტომები გამოჩნდება, ყურადღება არ უნდა მოვადუნოთ, ტესტირება და მეთვალყურეობა საჭიროა. ყველაზე ძლიერი გართულება შეიძლება იყოს სუნთქვის უკმარისობა, რაც ფილტვის ქსოვილის დაზიანებას ახლავს, ის გამოიხატება სუნთქვის გახშირებით, გაძნელებით, ეს სიმპტომი საყურადღებოა და დროულ ჩარევს საჭიროებს.
- ინფიცირებული ბავშვების რა ნაწილს აღენიშნება პოსტკოვიდური სინდრომი და როგორ ვლინდება ის? რა შემთხვევაშია აუცილებელი ბავშვის ჰოსპიტალიზაცია?
- პოსტკოვიდური გართულებები დაფიქსირდა საქართველოში ნოემბერ-მარტში, ის ვლინდება კოვიდინფექციის გადატანიდან რამდენიმე კვირის შემდეგ. რამდენადაც იოლად მიმდინარეობდა კოვიდინფექციის ჩინური ვარიანტები ბავშვებში, იმდენად მძიმედ გამოიხატა პოსტკოვიდური გართულებები მულტისიტემური ანთების სახით, ჩვენ გვყავდა პაციენტები ამ გართულებით, მათ გამოხატული ჰქონდათ რამდენიმე სისტემის დაზიანება: პნევმონია, პლევრიტი, ეფუზია (გამონაჟონი მუცლის ღრუში, ფაღარათი, ღებინება, უხვი პაულოზური გამონაყარი ტანზე, შეშუპებები განსაკუთრებით კიდურების, აღსანიშნავია, რომ ზოგ პაციენტს კოვიდინფექცია დიაგნოსტირებული არ ჰქონდა, იმდენად მსუბუქ ფორმაში ჰქონდათ გადატანილი, მხოლოდ სეროლოგიური კვლევით, ანტისხეულების გამოკვლევით (IGG) დავადგინეთ, რომ საქმე გვქონდა გადატანილი კოვიდინფექციის გართულებასთან. პაციენტები იმართა წარმატებით, უკვე არსებობს შესაბამისი ეროვნული გაიდლაინიც.
- როგორია თქვენი რეკომენდაციები მშობლებისთვის?
- არ მინდა ნეგატიური ემოციები გამოვიწვიო, მაგრამ საქმე შვილების ჯანმრთელობას ეხება, და ფაქტია, რომ მდგომარეობა შეშფოთების საფუძველს გვაძლევს, მართალია სამედიცინო პირბადის ტარება სავალდებულო არ არის, მაგრამ ატარეთ ის, მოსახლეობის ძალიან მცირე ნაწილია აცრილი ორჯერადად, ამ ტალღაში მხოლოდ სამედიცინო ნიღაბი და სოციალური დისტანცია გვიშველის, მოვერიდოთ თავშეყრის ადგილებს, იყო შემთხვევები, როცა ბავშვებს დაუდასტურა, მშობლებს არა... ეს მრავლისმთქმელია. და რაც მთავარია, მხოლოდ ვაქცინაციით დავამარცხებთ პანდემიას, ცოცხალი რიგები უნდა იდგეს ახლა აცრის კაბინეტებთან, ჩემთვის გაუგებარია თავშეკავება ან ლოდინი... ავიცრათ იმ ვაქცინით, რომელიც ზუსტად დღეს არის ხელმისაწვდომი.
ფოტო: "რუსთავი 2"
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ყველაფერი იმის ბრალია რომ შეზღუდვები მოხსენით. აცრილ ადამიანებს არ უხსნით კარგად, რომ შეიძლება მატარებლებად იქცნენ. უნდა მიდიოდეს დიდი მშაობა ამ ხალხუს შეგნებაზე. თქვენ კიდე პრივილეგიების მინიჭებას ცდილობთ. გაახსენეთ ხშირად, რომ ბავშვებს არ ვცრით და ისინი დაუცველნი არიან. თქვენ კი რა გააკეთეთ? მოხსენით შეზღუდვები და ჯარიმები ჩამოაწერეთ. ამის მერე არსად ეს შეუგნებლი ნაწილი პირბადეს აღარ იკეთებს, შენიშვნა თუ მიეცი აქეთ გამოგლანძღავს, აიცერიო. მე ავიცერი, მაგრამ ბავშებს ხომ არ ვცრით. ახლა შეზღუდვები რომც გაამკაცროთ, აღარავინ აღარ დაგემორჩილებათ. ეს იყო გამოუსწორებელი შეცდომა და მე პირადად მხოლოდ ამის გამო არ მოგცემთ ხმას არჩევნებზე. ღმერთი დიდია და ყველა მიიღებთ საკადრისს თითოეული გატანჯული ბავშვისთვის. თქვენი შვილები ღმერთმა დაიფაროს!
პატივცემულო ექიმო, რატომ ტყუით? რატომ არ ამბობთ, რომ აცრილი თვითონაა დაცული და თუ პირბადეზე უარს იტყვის, შეიძლება ვირუსი მაინც შეხვდეს ისე, რომ ვერ გაიგოს და სხვას გადასდოს? უნებურ მკვლელად იქცეს. გაახსენეთ ყოველ აცრილს, რომ ბავშვებს არ ვცრით!!!!!!