პირველად საქართველოში -დავით ტატიშვილის სამედიცინო ცენტრში უნიკალური ოპერაცია ჩატარდა
დავით ტატიშვილის სამედიცინო ცენტრში, ორთოპედ-ტრავმატოლოგიური განყოფილების ხელმძღვანელის ნიკა ხუნჯგურუას მიერ წარმატებით ჩატარდა ბარძაყის ყელის, ავასკულარული ნეკროზის ოპერაცია ღეროვანი უჯრედების გადანერგვით.
ნიკა ხუნჯგურუას განმარტებით, ასეთი მნიშვნელოვანი ოპერაცია არა მხოლოდ დავით ტატიშვლის სამედიცინო ცენტრში, არამედ მთელ ამიერკავკასიაში პირვლად ჩატარდა.
ექიმის თქმით, მისულ პაციენტს აღენიშნებოდა კოჭლობა, გადაადგილების დროს წერტილოვნი ტკივილი, მოხრის, გაშლის, განზიდვის შეზღუდვა. პაციენტს ჩაუტარდა რენტგენოლოგიური და მაგნიტორეზონანსული ტომოგრაფია, რის საფუძველზეც დაესვა აღნიშნული დიაგნოზი.
დაავადება საწყის სტადიაში ხშირ შემთხვევაში მიმდინარეობს უსიმპტომოდ, გამომწვევი მიზეზებია ტრავმა, სტეროიდებს ხანგრძლივი მოხმარება, სისხლის უჯრედების პათოლოგიები, ალკოჰოლის ჭარბი მოხმარება , რისკ ჯგუფს მიეკუთვნებიან მყვინთავები და მეშახტეები.
„პაციენტმა მოგვმართა, დაახლოებით, 8 თვის წინ, მას აღენიშნებოდა ფაქტობრივად ყველა სიმპტომი, რაც ახასიათებს ავასკულარულ ნეკროზს, ჩაუტარდა დაზიანებული ძვლის ქსოვილის გამოფხეკა, მოხდა სინთეზური ძვლის დამუშავება და გამოფხეკილ არეში ღეროვანი უჯრედების ჩანერგვა,“- განმარტავს დავით ტატიშვილის სამედიცინო ცენტრის, ორთოპედ-ტრავმატოლოგიური განყოფილების ხელმძღვანელი ნიკა ხუნჯგურუა. მისი განცხადებით, დღეის მდგომარეობით პაციენტს ტკივილები საერთოდ არ აღენიშნება.
აღსანიშნავია, რომ დავით ტატიშვილის სამედიცინო ცენტრი 23 წელზე მეტია ზრუნავს მოქალაქეების ჯანმრთელობაზე, კლინიკების ეს ქსელი მთელი საქართველოს მასშტაბით არის წარმოდგენილი და სულ რამდენიმე დღის წინ სრულიად ახალი კონცეფციის და განახლებული დიზაინის ამბულატორიული ქსელი, აჭარის რეგიონში, ბათუმში გაიხსნა.
R