"ასარჩევად გექნებათ ბევრი ვაქცინა... ყველას გვეყოფა“ - რას ამბობს ამირან გამყრელიძე "ფაიზერის" შემოტანის სავარაუდო თარიღზე

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, საქართველოში "ფაიზერის“ საკმარისი დოზები შემოვა და "ყველას ეყოფა“.

როგორც გამყრელიძემ ჟურნალისტებს განუცხადა, "ფაიზერი“ ქვეყანაში "ძალიან მალე იქნება“.

"ძალიან მალე იქნება, ამ დღეებში. მოგიწოდებთ ყველას, ასარჩევად გექნებათ ბევრი ვაქცინა და რომელიც გნებავთ, ის გაიკეთეთ. იქნება საკმარისი დოზები, ყველას გვეყოფა“, - განაცხადა გამყრელიძემ.

რაც შეეხება "დელტა“ შტამს, გამყრელიძის ინფორმაციით, ქვეყანაში ამ შტამის 30-40%-ია დადასტურებული და ეს მაჩვენებელი „ძალიან სწრაფად იზრდება“.