მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ორმხრივი სროლა სოხუმში, რომელიც ქემალ არძინბას ჩაცხრილვის ფაქტს უკავშირდება - აფხაზეთში ე.წ. ქურდული ომები გრძელდება
21:20 / 20-07-2021
სოხუმში "ორმაგ მკვლელობაში" ეჭვმიტანილი პირი დააკავეს, რომელიც აფხაზეთის ე.წ. პირველი პრეზიდენტის, ვლადისლავ არძინბას ძმისშვილის მკვლელობის (2021 წლის მაისში) საქმეშია გარეული. ე.წ. კრიმინალური ავტორიტეტი, ქემალ არძინბა 18 მაისს ცეცხლსასროლი იარაღიდან მიღებული ჭრილობებით რესპუბლიკურ საავადმყოფოში გარდაიცვალა.
"ჩვენ გავშიფრეთ ორმაგი მკელობის სქემა, რომელსაც ორი ადამიანის სიცოცხლე შეეწირა. ორმხრივი სროლა სოხუმში, "ახალ რაიონში" საღამოს 8 საათისთვის დაიწყო. შედეგად სოხუმის რესპუბლიკის საავადმყოფოში სამი დაჭრილი შეიყვანეს. მათგან ორი, 43 წლის რუსლან გუდალია და 45 წლის ბესლან ძიბა გარდაიცვალა, 26 წლის ასლან ზუხბა კი, სიკვდილს ებრძვის", - ნათქვამია აფხაზეთის ე.წ. შს სამინისტროს განცხადებაში.
ადგილობრივი მედიის ცნობით, ერთ-ერთი მათგანი შემთხვევითი გამვლელი იყო. კიდევ ერთი ვერსიით, ერთ-ერთი მძიმედ დაჭრილი პირი სოხუმის საავადმყოფოში მიიყვანეს, თუმცა ექიმებმა მის მიღებაზე უარი თქვეს, იმ მიზეზით, რომ მას "გვამური ლაქები" აღენიშნებოდა და ე.წ. მილიცია გამოიძახეს, თუმცა, "დაუდგენელმა პირებმა ცხედარი სამართალდამცველების მოსვლამდე წაიღეს".
ადგილობრივების ცნობით, 17 ივლისის ღამეს ავტომატებითა და პისტოლეტებით შეიარაღებული რუსლან და იგორ გუდალიები, გარი ავიძბა და ასლან ზუხბა, ერთმანეთს სოხუმში, ლაკობასა და 30 სექტემბრის ქუჩის კვეთაზე, ლუდის ბართან ასლან ზუხბასა და მასთან ერთად მყოფ სამ პირს შეხვდნენ. ბესლან ძიბასა და რუსლან გუდალიას, ასევე გარი ავიძბასა და ასლან ზუხბას შორის კამათი, იარაღის სროლაში გადაიზარდა, რა დროსაც რუსლან გუდალიამ ზუხბა დაჭრა.
"ამ ყველაფერს ავტომანქანიდან თვალს ადევნებდა იგორ გუდალია, რომელიც "კალაშნიკოვით" იყო შეიარაღებული და როგორც კი დაინახა, რომ ვითარება უკიდურესად დაიძაბა, ლუდის ბარის მიმართულებით ცეცხლი გახსნა, რა დროსაც ბესლან ძიბა სასიკვდილოდ დაიჭრა. რაც შეეხება დაჭრილს, მისი მდგომარეობა სტაბილურია და მას დაცვის თანამშრომლები იცავენ", - ამბობენ ადგილობრივები.
ორმხრივი სროლა მაისში ქემალ არძინბას ჩაცხრილვის ფაქტს უკავშირდება, რომელსაც სნაიპერმა საკუთარ სახლში სამი ტყვია ესროლა. დღეს ცნობილი გახდა, რომ ე.წ. შს თანამშრომლებმა მომხდარში ეჭვმიტანილი, გუდაუთის რაიონის სოფელ აჩანდარას მკვიდრი, 41 წლის იგორ გუდალია დააკავეს. გარი ავიძბას ადგილსამყოფელის დადგენას კი კვლავაც ცდილობენ.
ადგილობრივების თქმით, ახლა გასარკვევია, ვის ბანაკში იყვნენ გუდალიები და ვის დავალებებს ასრულებდნენ, რადგან ცნობილია, რომ ქემალ არძინბას მკვლელობის უკან აფხაზეთში ყველაზე გავლენიანი ე.წ. კანონიერი ქურდი, რაულ ბარცბა, იგივე "პიზა" დგას, რომელსაც ადგილობრივების თქმით, "პრეზიდენტის" კრიმინალი ძმისშვილი "ფეხებში ედებოდა".
Эху Кавказа-ს ცნობით, სოხუმის საავადმყოფოში მყოფი ასლან ზუხბა არაერთგზის ყოფილა ე.წ. შსს-ს ყურადღების ცენტრში.
"ის შემჩნეულია ავტომანქანების ჯფუგურ გატაცებაში. კერძოდ, მასთან ერთად "მუშაობდნენ" აინარ ზუხბა, მიზან ზუხბა, ასლან ზუხბა და გარი ავიძბა. ყოფილა შემთხვევები, რომ თავად დაესხნენ თავს მილიციას და ცეცხლი გაუხსნეს მათ", - წერენ ადგილობრივები.
აფხაზები სოციალურ ქსელებში წერენ, რომ ორმხრივი სროლის მთავარი ფიგურანტები, ძიბა და გუდალიები არიან.
"მეტადონი ვერ გაიყვეს. ეს არის დაპირისპირების მთავარი მიზეზი. ქემალ არძინბას ჩაცხრვილის მიზეზიც ეს იყოს - ბარცბას მისი ნარკობინზესის ხელში ჩაგდება უნდოდა, თავის მხრივ, არძინბა ტურისტულ ზონებს არ თმობდა. ამიტომ მოაშორა ქემალმა "პიზას" მთავარი საყრდენები, შამბა და ავიძბა. შემდეგ ქემალს მიაკეთხეს, ახლა ქემალის მფარველობის გარეშე დარჩენილმა ბიჭებმა მოაქციეს ალყაში ბარცბას კლანის წევრები. ქურდულ კლანებში გავლენებისთვის ბრძოლა გრძელდება და მას ჯერჯერობით ვერაფერს უხერხებს დიმიტრი დბარი", - წერს ერთ-ერთი ინტერნეტმომხარებელი "იასონ აფხაზი".
"ჩიკაგო გრძელდება... ძალიან ცუდი იქნება, თუ ის ბიჭი მართლა შემთხვევითი გამვლელი იყო და ამ დაუსრულებელ უბედურებას შეეწირება. დანარჩენი იგივეა - ახლა მთავარია, ბარცბას მოშორება, რაც გარდაუვალია, ოღონდ ვინ გარისკავს და როდის, ძალიან რთული საკითხია", - მიაჩნია კიდევ ერთ ადგილობრივს ალიას მაჭავარიანს.
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაგრად გვახატია ეგ ამბები
სააკაშვილი უნდათ აფხაზებს