მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
პარასკევი, მთვარის მეჩვიდმეტე დღე დაიწყება 23:08-ზე, მთვარე მერწყულს ესტუმრება 21:19-ზე – რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. ხელსაყრელი პერიოდია სამეცნიერო საქმიანობის, კვლევისთვის. ადამიანები ავლენენ დამოუკიდებლობას, ექსტრავაგანტურობას, კომუნიკაბელურობას, ექსპერიმენტებისადმი მიდრეკილებას და გამომგონებლობას. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სამართალდამცავებსა და ელენე ხოშტარიას შორის სიტყვიერი დაპირისპირება მოხდა - რა ვითარებაა პარლამენტთან
12:30 / 18-07-2021
პარლამენტთან სამართალდამცავებსა და პოლიტიკური მოძრაობა „დროას“ ლიდერს, ელენე ხოშტარიას შორის სიტყვიერი დაპირისპირება მოხდა.
სამართალდამცავები ხოშტარიასგან გზის სავალი ნაწილის გათავისუფლებას ითხოვდნენ, რასაც ოპოზიციონერი პოლიტიკოსი არ ემორჩილებოდა. ხოშტარია პოლიციის მისამართით აკეთებდა შეფასებას: „მონებო“.
საბოლოოდ, პოლიციამ ხოშტარია გზის სავალი ნაწილიდან გაიყვანა.
ელენე ხოშტარიას თქმით, სამართალდამცავებთან აქვს შეკითხვა, „სად იყვნენ 5 ივლისს, როცა ჟურნალისტებს არბევდნენ?“.
პარლამენტის შენობასთან მედიის წარმომადგენლები და სამოქალაქო აქტივისტები არიან შეკრებილნი.
როგორც ერთ-ერთმა აქტივისტმა ანა სუბელიანმა განაცხადა, მათ სურთ, რომ შინაგან საქმეთა მინისტრს კითხვები პირადად დაუსვან და ამისთვის, საკანონმდებლო ორგანოში შესვლას ეცდებიან.
"ჩვენ ვითხოვდით მინისტრს საჯაროდ ესაუბრა რა რისკები არსებობდა 5 ივლისთან დაკავშირებით და რას აკეთებდნენ ამის პრევენციისთვის. შეგვიძლია ვივარაუდოთ, რომ ძალიან ბევრ ტყუილს და დემაგოგიას მოვისმენთ დღეს. სავარაუდოდ, შიგნით შესვლის შესაძლებლობას არ მოგვცემენ, მაგრამ ვეცდებით და თუ მაინც არ გვექნება შიგნით შესვლის შესაძლებლობა, გარედან მაინც გავაკეთებთ კომენტარებს", - განაცხადა სუბელიანმა.
საქართველოს პარლამენტის შენობის მიმდებარე ტერიტორიაზე დიდი რაოდენობით სამართალდამცველები არიან მობილიზებული. მათ ტერიტორიაზე კორდონი აქვთ გაკეთებული.
ცნობისთვის, საქართველოს პარლამენტში დღეს საქართველოს შს მინისტრს ვახტანგ გომელაურს მოუსმენენ.
გომელაურმა მოსმენის თხოვნით პარლამენტს თავად მიმართა. შს მინისტრი 5-6 ივლისს განვითარებულ მოვლენებზე, „პრაიდ კვირეულის“ ფარგლებში უწყების მიერ გატარებულ ღონისძიებებზე ისაუბრებს და დეპუტატების კითხვებს გასცემს პასუხს.
ამასთან, საქართველოს პარლამენტმა უსაფრთხოების დამატებითი ზომების შესახებ განცხადება გაავრცელა. როგორც პარლამენტის მიერ გავრცელებულ განცხადებაშია ნათქვამი, 18 ივლისს პარლამენტის შენობაში დაშვების შეზღუდული რეჟიმი იმოქმედებს, გარდა მედიის წარმომადგენლებისა, რომელთა დაშვება ჩვეულ რეჟიმში წინასწარ შეთანხმებული გადამღები ჯგუფების რაოდენობისა და საშვების საფუძველზე განხორციელდება. პარლამენტის ინფორმაციით, აღნიშნული ღონისძიების მიზანია შესაძლო პროვოკაციების პრევენცია.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა უბედურებაა..მე რომ სიტყვიერად Შეველაპარაკო ეგრევე დამიᲭერ....
მავნებელი!