საქართველოს ვლადიმერ ზელენკი და მაია სანდუ ეწვევიან - პრეზიდენტებთან შეხვედრას ბათუმში შარლ მიშელი გამართავს

საქართველოს უკრაინისა და მოლდოვის პრეზიდენტები, ვლადიმერ ზელენსკი და მაია სანდუ ეწვევიან.

ევროპული საბჭოს ვებგვერდზე გამოქვეყნებული ინფორმაციის თანახმად, 19 ივლისს ბათუმში ევროპული საბჭოს პრეზიდენტი შარლ მიშელი ერთობლივ შეხვედრას გამართავს საქართველოს, უკრაინისა და მოლდოვის პრეზიდენტებთან.

ამავე ინფორმაციის თანახმად, შარლ მიშელი პრემიერ-მინისტრ ირაკლი ღარიბაშვილსაც შეხვდება.

შეხვედრის შემდეგ პრესკონფერენციაა დაგეგმილი.

შარლ მიშელი, ვლადიმერ ზელენსკი და მაია სანდუ 19 ივლისს, ბათუმის საერთაშორისო კონფერენციაზე სიტყვით გამოვლენ. კონფერენციის მთავარი თემაა - საქართველოს, უკრაინისა და მოლდოვის "ასოცირებული ტრიოს" ფარგლებში შეთანხმება.

საქართველოში ჩამოსვლამდე შარლ მიშელი სომხეთსა და აზერბაიჯანს ეწვევა. აზერბაიჯანში ის პრეზიდენტ ილჰამ ალიევს, სომხეთში კი - ქვეყნის პრეზიდენტ არმენ სარქისიანსა და მოქმედ პრემიერ-მინისტრ ნიკოლ ფაშინიანს შეხვდება.