მნიშვნელოვანი ინფორმაცია
15
მარტიდღის ზოგადი ასტროლოგიური პროგნოზი
შაბათი, მთვარის მეჩვიდმეტე დღე დაიწყება 21:07-ზე, მთვარე სასწორშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ევროკომისიის კრიტიკულმა შეფასებამ შეიძლება "დომინოს პრინციპით" იმოქმედოს..." - რა პროგნოზს აკეთებს ექსპერტი
17:09 / 14-07-2021
ექსპერტ გია ხუხაშვილის განცხადებით, ევროკომისიის კრიტიკულმა შეფასებამ უზენაესი სასამართლოს მოსამართლეების დანიშვნასთან დაკავშირებით, შესაძლოა, „დომინოს პრინციპით“ იმოქმედოს და საფრთხე შეუქმნას არა მხოლოდ ევროკავშირის პროგრამით გათვალისწინებული მაკრო-ფინანსური დახმარების მეორე ტრანშის გადმორიცხვას, არამედ უცხოურ ინვესტიციებსაც.
როგორც ხუხაშვილმა „ინტერპრესნიუსს“ განუცხადა, საქართველოსთვის მსგავსი სანქციის დაწესება ინვესტორებისთვის რისკის ზონაში შესვლაა.
„თავისთავად ეს ტრანში ფინანსურად იმდენად მნიშვნელოვანი შეიძლება არ იყოს, მაგრამ ტრანშის შეჩერებას, სრულად შეწყვეტას, ან დახმარებასთან დაკავშირებით კითხვების გაჩენას აქვს ე.წ. დომინოს ეფექტი. როგორც კი ასეთი რამ ხდება, ეს არის ნიშანი ნებისმიერი სხვა ტიპის დახმარებისთვის, ინვესტორებისთვის. თუ შენ ევროკავშირი გიჩერებს ტრანშს, ეს არის სიგნალი ნებისმიერი დასავლელი ინვესტორისთვის, რომ საქართველოში უნდა შეწყვიტოს ნებისმიერი ეკონომიკური აქტივობა. ტრანშის შეწყვეტა რომც მოხდეს, ეს არ იქნება დიდი უბედურება იმიტომ, რომ შეიძლება არცთუ ისე დიდ თანხაზე იყოს საუბარი, მაგრამ „დომინოს ეფექტი“ იქნება ძალიან მძიმე ისედაც საკმაოდ მძიმე ეკონომიკურ ვითარებაში, რაშიც ვართ. ახლა კიდევ უფრო გართულდება მდგომარეობა. გასაგებია ევროკომისიის მოსაზრება, რომ ეს არის ევროპული გარანტიით დადებული შეთანხმება, ანუ ევროპა ცალსახად თვლის, რომს საქართველოს ხელისუფლებამ მოსამართლეებთან დაკავშირებით დაარღვია შეთანხმების ერთ-ერთი პუნქტი და ამაზე რეაგირებენ, მაგრამ მდგომარეობის კიდევ უფრო გართულების საფუძველი ჩნდება 5-6 ივლისს განვითარებული მოვლენებით. ეს კიდევ ერთი ლურსმანია ამ პრობლემების გამწვავებაში.
ეს იმოქმედებს არა მხოლოდ ამერიკის შერთებულ შტატებზე, არამედ აზიელ ინვესტორებზეც და ნებისმიერ სხვა ინვესტორზეც. აზიელმა ინვესტორმა, იაპონელი იქნება ჩინელი თუ სხვა, ძალიან კარგად იცის, რომ როცა ასეთი სანქციების ქვეშ აღმოჩნდები, ეს მათთვისაც ირიბად არის რისკის ზონაში შესვლა. როცა ვსაუბრობ ინვესტიციების გაპრობლემებაზე, ვსაუბრობ გლობალურ გაპრობლემებაზე და არა მხოლოდ ევროკავშირიდან ინვესტიციებზე“, - განაცხადა ხუხაშვილმა.
ამასთან, გია ხუხაშვილის მოსაზრებით, ხელისუფლებას მიაჩნია, რომ მოსამართლეებთან დაკავშირებული პრობლემა უფრო სერიოზულია, ვიდრე ევროპული მხარის გადაწყვეტილებები.
„ნაწილობრივ ტესტავს ხელისუფლება ამ ნაბიჯებით, მაგრამ მეორე მხრივ, ხელისუფლება მძევალია იმ მანკიერი სისტემის, რომელსაც თავად აყალიბებს წლების განმავლობაში. ხელისუფლებას, სანამ ამ ხელშეკრულებას გააფორმებდა, მანამდე კონტრაქტი აქვს გაფორმებული „კოლექტიურ მურუსიძესთან“, რომლის პირობებიც ასეთია - ეს ხალხი ეუბნება ხელისუფლებას, რომ შეასრულებს ნებისმიერ პოლიტიკურ დაკვეთას და ჩვენ ამის არაერთი ფაქტი ვნახეთ, ამის სანაცვლოდ სასამართლოში მყარი პოზიციები უნდა მქონდეს რომ მოგემსახურო, მითუმეტეს, რომ ახლა არჩევნები მოდის. მოსამართლეებთან დაკავშირებული პრობლემა მიაჩნიათ, რომ უფრო სერრიოზულია, ვიდრე ევროპული მხარის გადაწყვეტილებები, რადგან მიაჩნიათ, რომ ევროპელებს აქედან „დააბოლებენ“ და რაღაცნაირად გადააგორებენ; მოსამართლეები კი, მათი პირდაპირი საფრთხეა“, - აღნიშნა ხუხაშვილმა „ინტერპრესნიუსთან“ საუბრისას.
ცნობისთვის, ევროკომისის პრესსპიკერმა დღეს განცხადება გაავრცელა, სადაც აღნიშნულია, რომ მოსამართლეების არჩევა ხელისუფლებისთვის დაკარგული შესაძლებლობაა სასამართლოს რეფორმის მიმართ ერთგულების დამტკიცებისთვის. ამასთან, განცხადებაში აღნიშნულია, რომ ამ ნაბიჯმა შეიძლება მაკრო-ფინანსური დახმარების მეორე ტრანშის გამოყოფაზე უარყოფითად იმოქმედოს.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ კაცმა დიპლომი წარმოადგინოს არ შეიძლება? რა აქვს ასეთი დამთავრებული?
ამის ნაექსპერტალი არ გაიშვა უკანა კარში. მარჩიელი!