"არასდროს მოვიხდი ბოდიშს იმაზე, თუ ვინ ვარ და საიდან მოვედი გუნდში" - რასისტული თავდასხმები ინგლისის ნაკრების წევრებზე, კაპიტნის ღირსეული პასუხი და დაწყებული გამოძიება

ბრიტანული მედია აგრძელებს ევროპის საფეხბურთო ჩემპიონატის ფინალში ინგლისის მიერ განცდილი მარცხის გაანალიზებას. ბოლო დღეების განხილვის თემად იქცა ის რასისტული თავდასხმები, რაც ინგლისელი ფანების მხრიდან მოხდა იმ სამ ფერადკანიან ფეხბურთელზე, რომელთაც ფინალურ თამაშში თერთმეტმეტრიანები ვერ გაიტანეს.

ესენი არიან: მარკუს რეშფორდი, ჯეიდონ სანჩო და ბუკაიო საკა.

გარეტ საუთგეითმა და ინგლისის ნაკრების კაპიტანმა ჰარი კეინმა მკაცრად უპასუხეს სოციალურ ქსელებში გამოქვეყნებულ რასისტულ პოსტებს.

"ეს ბიჭები მთელი ზაფხულის განმავლობაში აქტიურად გამოდიოდნენ და მათ ეყოთ სითამამე თავიანთ თავზე აეღოთ პასუხისმგებლობა იმ მომენტში, როცა ფსონები ძალიან მაღალი იყო. ისინი ნამდვილად იმსახურებენ მხარდაჭერას და არა საზიზღარ რასისტულ შეურაცხყოფებს. თუ თქვენ ჩვენს მოთამაშეებს შეურაცხყოფას აყენებთ, ე.ი. ინგლისის ნაკრების გულშემატკივრები არ ყოფილხართ, ამიერიდან თქვენთან საერთო არაფერი გვაქვს“, - დაწერა ჰარი კეინმა "ტვიტერში“.

<blockquote class="twitter-tweet"><p lang="en" dir="ltr">Three lads who were brilliant all summer had the courage to step up &amp; take a pen when the stakes were high. They deserve support &amp; backing not the vile racist abuse they’ve had since last night. If you abuse anyone on social media you’re not an <a href="https://twitter.com/England?ref_src=twsrc%5Etfw">@England</a> fan and we don’t want you. <a href="https://t.co/PgskPAXgxV">pic.twitter.com/PgskPAXgxV</a></p>&mdash; Harry Kane (@HKane) <a href="https://twitter.com/HKane/status/1414639048031805441?ref_src=twsrc%5Etfw">July 12, 2021</a></blockquote> <script async src="https://platform.twitter.com/widgets.js" charset="utf-8"></script>

"ძალიან შეწუხებული ვარ იმ რასისტული შეურაცხყოფების გამო, რომელთა სამიზნეც მატჩის შემდეგ, ინგლისელი ფეხბურთელები გახდნენ. დაუშვებელია მოთამაშეები ითმენდნენ ასეთ საშინელ ქცევას. ეს უნდა შეწყდეს სასწრაფოდ და ამის ყველა მონაწილე დაისაჯოს“, - ეს კი "ტვიტერში" პრინცმა უილიამმა დაწერა.

<blockquote class="twitter-tweet"><p lang="en" dir="ltr">I am sickened by the racist abuse aimed at England players after last night’s match. <br><br>It is totally unacceptable that players have to endure this abhorrent behaviour. <br><br>It must stop now and all those involved should be held accountable. W</p>&mdash; The Duke and Duchess of Cambridge (@KensingtonRoyal) <a href="https://twitter.com/KensingtonRoyal/status/1414514323142107136?ref_src=twsrc%5Etfw">July 12, 2021</a></blockquote> <script async src="https://platform.twitter.com/widgets.js" charset="utf-8"></script>

მომხდარი დაგმეს ცნობილმა ინგლისელმა მოქმედმა თუ ვეტერანმა ფეხბურთელებმაც.

ბრიტანულმა სამაუწყებლო კომპანიამ BBC-მ გაავრცელა მარკუს რეშფორდის განცხადების ტექსტიც, რომელსაც აქვე გთავაზობთ მცირე შემოკლებით:

"მე ისიც არ ვიცი, რით დავიწყო... ვერ გამოვხატავ სიტყვებით იმას, რასაც ახლა ვგრძნობ. ძალიან რთული სეზონი მქონდა, ალბათ, ამიტომაც ფინალისთვის ნაკლებად მომზადებული აღმოვჩნდი. პენალტი რომ ვერ გავიტანე, თავი ისე ვიგრძენი, რომ ნაკრების მოთამაშეებს ვუღალატე. სამწუხაროა, რომ ეს ვერ შევძელი და ისტორიული მომენტი ვერ გამოვიყენე. ასე არ მინდოდა, მაგრამ ასე გამოვიდა. ძალიან ვაფასებ ჩემს თანაგუნდელებს. მათი წარმატებები - ჩემი წარმატებებია, მათი წარუმატებლობა - ჩემი წარუმატებლობაა.

შემიძლია ბევრჯერ მოვიხადო ბოდიში, საკუთარი თავი მუდმივად ვაკრიტიკო იმის გამო, რომ პენალტი ვერ გავიტანე, მაგრამ არასდროს მოვიხდი ბოდიშს იმაზე, თუ ვინ ვარ და საიდან მოვედი გუნდში. მე ამაყი ვარ იმის გამო, რომ მკერდზე სამი ლომის გამოსახულებას ვატარებ (მხედველობაშია ინგლისის ფეხბურთის ნაკრების ემბლემა - ს.კ.) და იმით, რომ ჩემი ოჯახის წევრები მამხნევებენ...

სწორედ ეს მეამაყება მე, მარკუს რეშფორდს - 23 წლის შავკანიანს სამხრეთ მანჩესტერიდან. ამის გარდა მე სხვა არაფერი დამრჩენია. ყველას მადლობას გიხდით. მე უფრო ძლიერი დავბრუნდები, ჩვენ ყველანი უფრო გავძლიერდებით“.

ამასობაში ლონდონის პოლიციამ რასისტული პოსტების ავტორების მიმართ გამოძიება დაიწყო. პარალელური გამოძიება მიმდინარეობს დიდი ბრიტანეთის პოლიციის სპეციალური ქვედანაყოფის მიერაც, რომელიც ფეხბურთში უსაფრთხოებას უზრუნველყოფს.

როგორც გაზეთი "თაიმსი“ («The Times») წერს სტატიაში, სათურით: "სოცქსელების გიგანტებმა პოლიციას საფეხბურთო რასისტების შესახებ მონაცემები უნდა გადასცენ“ (ავტორი - ჰენრი ზეფმანი), ბრიტანეთის მთავრობიდან გამოჟონილი ინფორმაციით, ხელისუფლება სოცქსელებს დაავალდებულებს, რომ მათ ყველაფერი აცნობონ შეურაცხმყოფელი პოსტების ავტორების შესახებ. უკვე ცნობილია, რომ ერთ-ერთის ვინაობა დადგენილია: მას სამუდამოდ ეკრძალება ყველა ლიგის საფეხბურთო მატჩზე დასწრება.

"ტვიტერის“ ადმინისტრაციამ განაცხადა, რომ უკვე წაშლილია ფეხბურთის ნაკრების მოთამაშეების მიმართ გაკეთებული ათასზე მეტი შეურაცხმყოფელი კომენტარი.

მოამზადა სიმონ კილაძემ