"ეს იყო იმედგაცრუების დღე საქართველოსთვის..." - როგორ ეხმაურება კელი დეგნანი 5 ივლისს განვითარებულ მოვლენებს?

დარწმუნებული ვარ, ქართველების უმრავლესობა მხარს არ უჭერს ძალადობას არც ერთ სიტუაციაში, ეს ძალიან სამწუხარო დღე იყო საქართველოსთვის, - ამის შესახებ საქართველოში აშშ-ის ელჩმა, კელი დეგნანმა ჟურნალისტებს განუცხადა, რითაც მან 5 ივლისს განვითარებულ მოვლენებთან დაკავშირებით დასმულ შეკითხვას უპასუხა.

"აშშ-მა ბევრი სამუშაო შეასრულა სამართალდამცავ სტრუქტურებთან ერთად, რათა გაეუმჯობესებინა მათი შესაძლებლობები მასობრივი შეკრებების მართვაში. ამიტომ, იმედგაცრუებული დავრჩით, რადგან ეს ტრენინგი და აღჭურვილობა არ იყო გამოყენებული, როდესაც ცხადი გახდა, რომ ხალხის მასაში იყვნენ ადამიანები, ვისაც ძალადობა სურდა.

დარწმუნებული ვარ, ქართველების უმრავლესობა მხარს არ უჭერს ძალადობას არც ერთ სიტუაციაში, განსაკუთრებით კი, მშვიდობიანი მოქალაქეებისა და ჟურნალისტების წინააღმდეგ, რომლებიც ასრულებენ სამუშაოს. ამიტომ, ვფიქრობ, ეს იყო ნამდვილად იმედგაცრუების დღე საქართველოსთვის და ბევრმა ადამიანმა უკვე გააკეთა კომენტარი. თუ რაოდენ გასაოცარი იყო იმის ხილვა, რომ ქვეყანამ, რომელიც ზოგადად ცნობილია ადამიანის უფლებების დაცვით, ტოლერანტობით, უკან დაიხია ამ ღირებულებების კუთხით“, – განაცხადა კელი დეგნანმა.